|
|
| [1]Festus ergo cum venisset in provinciam, post triduum ascendit Jerosolymam a Cæsarea. |
[No book] |
| [2]Adieruntque eum principes sacerdotum, et primi Judæorum adversus Paulum: et rogabant eum, |
[No book] |
| [3]postulantes gratiam adversus eum, ut juberet perduci eum in Jerusalem, insidias tendentes ut interficerent eum in via. |
[No book] |
| [4]Festus autem respondit servari Paulum in Cæsarea: se autem maturius profecturum. |
[No book] |
| [5]Qui ergo in vobis, ait, potentes sunt, descendentes simul, si quod est in viro crimen, accusent eum. |
[No book] |
| [6]Demoratus autem inter eos dies non amplius quam octo, aut decem, descendit Cæsaream, et altera die sedit pro tribunali, et jussit Paulum adduci. |
[No book] |
| [7]Qui cum perductus esset, circumsteterunt eum, qui ab Jerosolyma descenderant Judæi, multas et graves causas objicientes, quas non poterant probare. |
[No book] |
| [8]Paulo rationem reddente: Quoniam neque in legem Judæorum, neque in templum, neque in Cæsarem quidquam peccavi. |
[No book] |
| [9]Festus autem volens gratiam præstare Judæis, respondens Paulo, dixit: Vis Jerosolymam ascendere, et ibi de his judicari apud me? |
[No book] |
| [10]Dixit autem Paulus: Ad tribunal Cæsaris sto, ibi me oportet judicari: Judæis non nocui, sicut tu melius nosti. |
[No book] |
| [11]Si enim nocui, aut dignum morte aliquid feci, non recuso mori: si vero nihil est eorum quæ hi accusant me, nemo potest me illis donare. Cæsarem appello. |
[No book] |
| [12]Tunc Festus cum concilio locutus, respondit: Cæsarem appellasti? ad Cæsarem ibis. |
[No book] |
| [13]Et cum dies aliquot transacti essent, Agrippa rex et Bernice descenderunt Cæsaream ad salutandum Festum. |
[No book] |
| [14]Et cum dies plures ibi demorarentur, Festus regi indicavit de Paulo, dicens: Vir quidam est derelictus a Felice vinctus, |
[No book] |
| [15]de quo cum essem Jerosolymis, adierunt me principes sacerdotum, et seniores Judæorum, postulantes adversus illum damnationem. |
[No book] |
| [16]Ad quos respondi: Quia non est Romanis consuetudo damnare aliquem hominem prius quam is qui accusatur præsentes habeat accusatores, locumque defendendi accipiat ad abluenda crimina. |
[No book] |
| [17]Cum ergo huc convenissent sine ulla dilatione, sequenti die sedens pro tribunali, jussi adduci virum. |
[No book] |
| [18]De quo, cum stetissent accusatores, nullam causam deferebant, de quibus ego suspicabar malum. |
[No book] |
| [19]Quæstiones vero quasdam de sua superstitione habebant adversus eum, et de quodam Jesu defuncto, quem affirmabat Paulus vivere. |
[No book] |
| [20]Hæsitans autem ego de hujusmodi quæstione, dicebam si vellet ire Jerosolymam, et ibi judicari de istis. |
[No book] |
| [21]Paulo autem appellante ut servaretur ad Augusti cognitionem, jussi servari eum, donec mittam eum ad Cæsarem. |
[No book] |
| [22]Agrippa autem dixit ad Festum: Volebam et ipse hominem audire. Cras, inquit, audies eum. |
[No book] |
| [23]Altera autem die cum venisset Agrippa, et Bernice cum multa ambitione, et introissent in auditorium cum tribunis, et viris principalibus civitatis, jubente Festo, adductus est Paulus. |
[No book] |
| [24]Et dicit Festus: Agrippa rex, et omnes qui simul adestis nobiscum viri, videtis hunc de quo omnis multitudo Judæorum interpellavit me Jerosolymis, petentes et acclamantes non oportere eum vivere amplius. |
[No book] |
| [25]Ego vere comperi nihil dignum morte eum admisisse. Ipso autem hoc appellante ad Augustum, judicavi mittere. |
[No book] |
| [26]De quo quid certum scribam domino, non habeo. Propter quod produxi eum ad vos, et maxime ad te, rex Agrippa, ut interrogatione facta habeam quid scribam. |
[No book] |
| [27]Sine ratione enim mihi videtur mittere vinctum, et causas ejus non significare. |
[No book] |