|
|
| [1]Agrippa vero ad Paulum ait: Permittitur tibi loqui pro temetipso. Tunc Paulus extenta manu cœpit rationem reddere. |
[No book] |
| [2]De omnibus quibus accusor a Judæis, rex Agrippa, æstimo me beatum apud te cum sim defensurus me hodie, |
[No book] |
| [3]maxime te sciente omnia, et quæ apud Judæos sunt consuetudines, et quæstiones: propter quod obsecro patienter me audias. |
[No book] |
| [4]Et quidem vitam meam a juventute, quæ ab initio fuit in gente mea in Jerosolymis, noverunt omnes Judæi: |
[No book] |
| [5]præscientes me ab initio (si velint testimonium perhibere) quoniam secundum certissimam sectam nostræ religionis vixi pharisæus. |
[No book] |
| [6]Et nunc in spe, quæ ad patres nostros repromissionis facta est a Deo, sto judicio subjectus: |
[No book] |
| [7]in quam duodecim tribus nostræ nocte ac die deservientes, sperant devenire. De qua spe accusor a Judæis, rex. |
[No book] |
| [8]Quid incredibile judicatur apud vos, si Deus mortuos suscitat? |
[No book] |
| [9]Et ego quidem existimaveram me adversus nomen Jesu Nazareni debere multa contraria agere, |
[No book] |
| [10]quod et feci Jerosolymis, et multos sanctorum ego in carceribus inclusi, a principibus sacerdotum potestate accepta: et cum occiderentur, detuli sententiam. |
[No book] |
| [11]Et per omnes synagogas frequenter puniens eos, compellebam blasphemare: et amplius insaniens in eos, persequebar usque in exteras civitates. |
[No book] |
| [12]In quibus dum irem Damascum cum potestate et permissu principum sacerdotum, |
[No book] |
| [13]die media in via, vidi, rex, de cælo supra splendorem solis circumfulsisse me lumen, et eos qui mecum simul erant. |
[No book] |
| [14]Omnesque nos cum decidissemus in terram, audivi vocem loquentem mihi hebraica lingua: Saule, Saule, quid me persequeris? durum est tibi contra stimulum calcitrare. |
[No book] |
| [15]Ego autem dixi: Quis es, Domine? Dominus autem dixit: Ego sum Jesus, quem tu persequeris. |
[No book] |
| [16]Sed exsurge, et sta super pedes tuos: ad hoc enim apparui tibi, ut constituam te ministrum, et testem eorum, quæ vidisti, et eorum quibus apparebo tibi, |
[No book] |
| [17]eripiens te de populo, et gentibus, in quas nunc ego mitto te, |
[No book] |
| [18]aperire oculos eorum, ut convertantur a tenebris ad lucem, et de potestate Satanæ ad Deum, ut accipiant remissionem peccatorum, et sortem inter sanctos per fidem, quæ est in me. |
[No book] |
| [19]Unde rex Agrippa, non fui incredulus cælesti visioni; |
[No book] |
| [20]sed his qui sunt Damasci primum, et Jerosolymis, et in omnem regionem Judææ, et gentibus annuntiabam, ut pœnitentiam agerent, et converterentur ad Deum, digna pœnitentiæ opera facientes. |
[No book] |
| [21]Hac ex causa me Judæi, cum essem in templo, comprehensum tentabant interficere. |
[No book] |
| [22]Auxilio autem adjutus Dei usque in hodiernum diem sto, testificans minori, atque majori, nihil extra dicens quam ea quæ prophetæ locuti sunt futura esse, et Moyses, |
[No book] |
| [23]si passibilis Christus, si primus ex resurrectione mortuorum, lumen annuntiaturus est populo et gentibus. |
[No book] |
| [24]Hæc loquente eo, et rationem reddente, Festus magna voce dixit: Insanis Paule: multæ te litteræ ad insaniam convertunt. |
[No book] |
| [25]Et Paulus: Non insanio, inquit, optime Feste, sed veritatis et sobrietatis verba loquor. |
[No book] |
| [26]Scit enim de his rex, ad quem et constanter loquor: latere enim eum nihil horum arbitror. Neque enim in angulo quidquam horum gestum est. |
[No book] |
| [27]Credis rex Agrippa prophetis? Scio quia credis. |
[No book] |
| [28]Agrippa autem ad Paulum: In modico suades me christianum fieri. |
[No book] |
| [29]Et Paulus: Opto apud Deum, et in modico, et in magno, non tantum te, sed etiam omnes qui audiunt, hodie fieri tales, qualis et ego sum, exceptis vinculis his. |
[No book] |
| [30]Et exsurrexit rex, et præses, et Bernice, et qui assidebant eis. |
[No book] |
| [31]Et cum secessissent, loquebantur ad invicem, dicentes: Quia nihil morte, aut vinculis dignum quid fecit homo iste. |
[No book] |
| [32]Agrippa autem Festo dixit: Dimitti poterat homo hic, si non appellasset Cæsarem. |
[No book] |