|
|
| [1]Hic liber mandatorum Dei, et lex quæ est in æternum: omnes qui tenent eam pervenient ad vitam: qui autem dereliquerunt eam, in mortem. |
[No book] |
| [2]Convertere, Jacob, et apprehende eam: ambula per viam ad splendorem ejus contra lumen ejus. |
[No book] |
| [3]Ne tradas alteri gloriam tuam, et dignitatem tuam genti alienæ. |
[No book] |
| [4]Beati sumus, Israël, quia quæ Deo placent manifesta sunt nobis. |
[No book] |
| [5]Animæquior esto, populus Dei, memorabilis Israël: |
[No book] |
| [6]venundati estis gentibus non in perditionem: sed propter quod in ira ad iracundiam provocastis Deum, traditi estis adversariis. |
[No book] |
| [7]Exacerbastis enim eum qui fecit vos, Deum æternum, immolantes dæmoniis, et non Deo. |
[No book] |
| [8]Obliti enim estis Deum qui nutrivit vos, et contristastis nutricem vestram Jerusalem. |
[No book] |
| [9]Vidit enim iracundiam a Deo venientem vobis, et dixit: Audite, confines Sion: adduxit enim mihi Deus luctum magnum. |
[No book] |
| [10]Vidi enim captivitatem populi mei, filiorum meorum et filiarum, quam superduxit illis Æternus. |
[No book] |
| [11]Nutrivi enim illos cum jucunditate; dimisi autem illos cum fletu et luctu. |
[No book] |
| [12]Nemo gaudeat super me viduam et desolatam: a multis derelicta sum propter peccata filiorum meorum, quia declinaverunt a lege Dei. |
[No book] |
| [13]Justitias autem ipsius nescierunt, nec ambulaverunt per vias mandatorum Dei, neque per semitas veritatis ejus cum justitia ingressi sunt. |
[No book] |
| [14]Veniant confines Sion, et memorentur captivitatem filiorum et filiarum mearum, quam superduxit illis Æternus. |
[No book] |
| [15]Adduxit enim super illos gentem de longinquo, gentem improbam, et alterius linguæ, |
[No book] |
| [16]qui non sunt reveriti senem, neque puerorum miserti sunt, et abduxerunt dilectos viduæ, et a filiis unicam desolaverunt. |
[No book] |
| [17]Ego autem, quid possum adjuvare vos? |
[No book] |
| [18]qui enim adduxit super vos mala, ipse vos eripiet de manibus inimicorum vestrorum. |
[No book] |
| [19]Ambulate, filii, ambulate: ego enim derelicta sum sola. |
[No book] |
| [20]Exui me stola pacis, indui autem me sacco obsecrationis, et clamabo ad Altissimum in diebus meis. |
[No book] |
| [21]Animæquiores estote, filii; clamate ad Dominum, et eripiet vos de manu principum inimicorum. |
[No book] |
| [22]Ego enim speravi in æternum salutem vestram, et venit mihi gaudium a Sancto, super misericordia quæ veniet vobis ab æterno salutari nostro. |
[No book] |
| [23]Emisi enim vos cum luctu et ploratu: reducet autem vos mihi Dominus cum gaudio et jucunditate in sempiternum. |
[No book] |
| [24]Sicut enim viderunt vicinæ Sion captivitatem vestram a Deo, sic videbunt et in celeritate salutem vestram a Deo, quæ superveniet vobis cum honore magno et splendore æterno. |
[No book] |
| [25]Filii, patienter sustinete iram quæ supervenit vobis: persecutus est enim te inimicus tuus: sed cito videbis perditionem ipsius, et super cervices ipsius ascendes. |
[No book] |
| [26]Delicati mei ambulaverunt vias asperas: ducti sunt enim ut grex direptus ab inimicis. |
[No book] |
| [27]Animæquiores estote, filii, et proclamate ad Dominum: erit enim memoria vestra ab eo qui duxit vos. |
[No book] |
| [28]Sicut enim fuit sensus vester ut erraretis a Deo, decies tantum iterum convertentes requiretis eum: |
[No book] |
| [29]qui enim induxit vobis mala, ipse rursum adducet vobis sempiternam jucunditatem cum salute vestra. |
[No book] |
| [30]Animæquior esto, Jerusalem: exhortatur enim te, qui te nominavit. |
[No book] |
| [31]Nocentes peribunt, qui te vexaverunt: et qui gratulati sunt in tua ruina, punientur. |
[No book] |
| [32]Civitates quibus servierunt filii tui, punientur, et quæ accepit filios tuos. |
[No book] |
| [33]Sicut enim gavisa est in tua ruina, et lætata est in casu tuo, sic contristabitur in sua desolatione, |
[No book] |
| [34]et amputabitur exsultatio multitudinis ejus, et gaudimonium ejus erit in luctum. |
[No book] |
| [35]Ignis enim superveniet ei ab Æterno in longiturnis diebus, et habitabitur a dæmoniis in multitudine temporis. |
[No book] |
| [36]Circumspice, Jerusalem, ad orientem, et vide jucunditatem a Deo tibi venientem. |
[No book] |
| [37]Ecce enim veniunt filii tui, quos dimisisti dispersos: veniunt collecti ab oriente usque ad occidentem, in verbo Sancti, gaudentes in honorem Dei. |
[No book] |