➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
   
Deuteronomy
Deu
1
→
[1]אלה הדברים אשר דבר משה אל כל ישראל בעבר הירדן במדבר בערבה מול סוף בין פארן ובין תפל ולבן וחצרת־ודי זהב [No book]
[2]אחד עשר יום מחרב דרך הר שעיר עד קדש ברנע [No book]
[3]ויהי בארבעים שנה בעשתי עשר חדש באחד לחדש דבר משה אל בני ישראל ככל אשר צוה יהוה אתו אלהם [No book]
[4]אחרי הכתו את סיחן מלך האמרי אשר יושב בחשבון־ואת עוג מלך הבשן אשר יושב בעשתרת באדרעי [No book]
[5]בעבר הירדן בארץ מואב הואיל משה באר את התורה הזאת לאמר [No book]
[6]יהוה אלהינו דבר אלינו בחרב לאמר רב לכם שבת בהר הזה [No book]
[7]פנו וסעו לכם ובאו הר האמרי ואל כל שכניו בערבה בהר ובשפלה ובנגב ובחוף הים־ארץ הכנעני והלבנון עד הנהר הגדל נהר פרת [No book]
[8]ראה נתתי לפניכם את הארץ באו ורשו את הארץ אשר נשבע יהוה לאבתיכם לאברהם ליצחק וליעקב לתת להם ולזרעם אחריהם [No book]
[9]ואמר אלכם בעת ההוא לאמר לא אוכל לבדי שאת אתכם [No book]
[10]יהוה אלהיכם הרבה אתכם והנכם היום ככוכבי השמים לרב [No book]
[11]יהוה אלהי אבותכם יסף עליכם ככם־אלף פעמים ויברך אתכם כאשר דבר לכם [No book]
[12]איכה אשא לבדי טרחכם ומשאכם וריבכם [No book]
[13]הבו לכם אנשים חכמים ונבנים וידעים־לשבטיכם ואשימם בראשיכם [No book]
[14]ותענו אתי ותאמרו טוב הדבר אשר דברת לעשות [No book]
[15]ואקח את ראשי שבטיכם אנשים חכמים וידעים ואתן אותם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכם [No book]
[16]ואצוה את שפטיכם בעת ההוא לאמר שמע בין אחיכם ושפטתם צדק בין איש ובין אחיו ובין גרו [No book]
[17]לא תכירו פנים במשפט כקטן כגדל תשמעון־לא תגורו מפני איש כי המשפט לאלהים הוא והדבר אשר יקשה מכם תקרבון אלי ושמעתיו [No book]
[18]ואצוה אתכם בעת ההוא את כל הדברים אשר תעשון [No book]
[19]ונסע מחרב ונלך את כל המדבר הגדול והנורא ההוא אשר ראיתם דרך הר האמרי כאשר צוה יהוה אלהינו אתנו ונבא עד קדש ברנע [No book]
[20]ואמר אלכם באתם עד הר האמרי אשר יהוה אלהינו נתן לנו [No book]
[21]ראה נתן יהוה אלהיך לפניך־את הארץ עלה רש כאשר דבר יהוה אלהי אבתיך לך־אל תירא ואל תחת [No book]
[22]ותקרבון אלי כלכם ותאמרו נשלחה אנשים לפנינו ויחפרו לנו את הארץ וישבו אתנו דבר־את הדרך אשר נעלה בה ואת הערים אשר נבא אליהן [No book]
[23]וייטב בעיני הדבר ואקח מכם שנים עשר אנשים איש אחד לשבט [No book]
[24]ויפנו ויעלו ההרה ויבאו עד נחל אשכל וירגלו אתה [No book]
[25]ויקחו בידם מפרי הארץ ויורדו אלינו וישבו אתנו דבר ויאמרו טובה הארץ אשר יהוה אלהינו נתן לנו [No book]
[26]ולא אביתם לעלת ותמרו את פי יהוה אלהיכם [No book]
[27]ותרגנו באהליכם ותאמרו בשנאת יהוה אתנו הוציאנו מארץ מצרים־לתת אתנו ביד האמרי להשמידנו [No book]
[28]אנה אנחנו עלים אחינו המסו את לבבנו לאמר עם גדול ורם ממנו ערים גדלת ובצורת בשמים וגם בני ענקים ראינו שם [No book]
[29]ואמר אלכם לא תערצון ולא תיראון מהם [No book]
[30]יהוה אלהיכם ההלך לפניכם הוא ילחם לכם ככל אשר עשה אתכם במצרים־לעיניכם [No book]
[31]ובמדבר אשר ראית אשר נשאך יהוה אלהיך כאשר ישא איש את בנו־בכל הדרך אשר הלכתם עד באכם עד המקום הזה [No book]
[32]ובדבר הזה־אינכם מאמינם ביהוה אלהיכם [No book]
[33]ההלך לפניכם בדרך לתור לכם מקום־לחנתכם באש לילה לראתכם בדרך אשר תלכו בה ובענן יומם [No book]
[34]וישמע יהוה את קול דבריכם ויקצף וישבע לאמר [No book]
[35]אם יראה איש באנשים האלה הדור הרע הזה־את הארץ הטובה אשר נשבעתי לתת לאבתיכם [No book]
[36]זולתי כלב בן יפנה הוא יראנה ולו אתן את הארץ אשר דרך בה ולבניו־יען אשר מלא אחרי יהוה [No book]
[37]גם בי התאנף יהוה בגללכם לאמר גם אתה לא תבא שם [No book]
[38]יהושע בן נון העמד לפניך הוא יבא שמה אתו חזק כי הוא ינחלנה את ישראל [No book]
[39]וטפכם אשר אמרתם לבז יהיה ובניכם אשר לא ידעו היום טוב ורע־המה יבאו שמה ולהם אתננה והם יירשוה [No book]
[40]ואתם פנו לכם וסעו המדברה דרך ים סוף [No book]
[41]ותענו ותאמרו אלי חטאנו ליהוה־אנחנו נעלה ונלחמנו ככל אשר צונו יהוה אלהינו ותחגרו איש את כלי מלחמתו ותהינו לעלת ההרה [No book]
[42]ויאמר יהוה אלי אמר להם לא תעלו ולא תלחמו־כי אינני בקרבכם ולא תנגפו לפני איביכם [No book]
[43]ואדבר אליכם ולא שמעתם ותמרו את פי יהוה ותזדו ותעלו ההרה [No book]
[44]ויצא האמרי הישב בהר ההוא לקראתכם וירדפו אתכם כאשר תעשינה הדברים ויכתו אתכם בשעיר עד חרמה [No book]
[45]ותשבו ותבכו לפני יהוה ולא שמע יהוה בקלכם ולא האזין אליכם [No book]
[46]ותשבו בקדש ימים רבים כימים אשר ישבתם [No book]
Source: unbound.biola.edu
Top