➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Deuteronomy
Deu
34
   
[1]ויעל משה מערבת מואב אל הר נבו ראש הפסגה אשר על פני ירחו ויראהו יהוה את כל הארץ את הגלעד עד דן [No book]
[2]ואת כל נפתלי ואת ארץ אפרים ומנשה ואת כל ארץ יהודה עד הים האחרון [No book]
[3]ואת הנגב ואת הככר בקעת ירחו עיר התמרים־עד צער [No book]
[4]ויאמר יהוה אליו זאת הארץ אשר נשבעתי לאברהם ליצחק וליעקב לאמר לזרעך אתננה הראיתיך בעיניך ושמה לא תעבר [No book]
[5]וימת שם משה עבד יהוה בארץ מואב־על פי יהוה [No book]
[6]ויקבר אתו בגי בארץ מואב מול בית פעור ולא ידע איש את קברתו עד היום הזה [No book]
[7]ומשה בן מאה ועשרים שנה־במתו לא כהתה עינו ולא נס לחה [No book]
[8]ויבכו בני ישראל את משה בערבת מואב שלשים יום ויתמו ימי בכי אבל משה [No book]
[9]ויהושע בן נון מלא רוח חכמה־כי סמך משה את ידיו עליו וישמעו אליו בני ישראל ויעשו כאשר צוה יהוה את משה [No book]
[10]ולא קם נביא עוד בישראל כמשה אשר ידעו יהוה פנים אל פנים [No book]
[11]לכל האתת והמופתים אשר שלחו יהוה לעשות בארץ מצרים־לפרעה ולכל עבדיו ולכל ארצו [No book]
[12]ולכל היד החזקה ולכל המורא הגדול אשר עשה משה לעיני כל ישראל [No book]
Source: unbound.biola.edu
Top