|
|
| [No book] |
[1]Flies `that dien, leesen the swetnesse of oynement. Litil foli at a tyme is preciousere than wisdom and glorie. |
| [No book] |
[2]The herte of a wijs man is in his riyt side; and the herte of a fool is in his left side. |
| [No book] |
[3]But also a fool goynge in the weie, whanne he is vnwijs, gessith alle men foolis. |
| [No book] |
[4]If the spirit of hym, that hath power, stieth on thee, forsake thou not thi place; for heeling schal make gretteste synnes to ceesse. |
| [No book] |
[5]An yuel is, which Y siy vndur the sunne, and goith out as bi errour fro the face of the prince; a fool set in hiy dignyte, |
| [No book] |
[6]and riche men sitte bynethe. |
| [No book] |
[7]I siy seruauntis on horsis, and princes as seruauntis goynge on the erthe. |
| [No book] |
[8]He that diggith a diche, schal falle in to it; and an eddre schal bite hym, that distrieth an hegge. |
| [No book] |
[9]He that berith ouer stoonys, schal be turmentid in tho; and he that kittith trees, schal be woundid of tho. |
| [No book] |
[10]If yrun is foldid ayen, and this is not as bifore, but is maad blunt, it schal be maad scharp with myche trauel; and wisdom schal sue aftir bisynesse. |
| [No book] |
[11]If a serpent bitith, it bitith in silence; he that bacbitith priueli, hath no thing lesse than it. |
| [No book] |
[12]The wordis of the mouth of a wijs man is grace; and the lippis of an vnwijs man schulen caste hym doun. |
| [No book] |
[13]The bigynnyng of hise wordis is foli; and the laste thing of his mouth is the worste errour. |
| [No book] |
[14]A fool multiplieth wordis; a man noot, what was bifore hym, and who mai schewe to hym that, that schal come aftir hym? |
| [No book] |
[15]The trauel of foolis shal turment hem, that kunnen not go in to the citee. |
| [No book] |
[16]Lond, wo to thee, whos kyng is a child, and whose princes eten eerli. |
| [No book] |
[17]Blessid is the lond, whos kyng is noble; and whose princis eten in her tyme, to susteyne the kynde, and not to waste. |
| [No book] |
[18]Betere is wisdom than armuris of batel; and he that synneth in o thing, schal leese many goodis. |
| [No book] |
[19]In leiyyng thei disposen breed and wyn, that thei drynkynge ete largeli; and alle thingis obeien to monei. |
| [No book] |
[20]In thi thouyt bacbite thou not the kyng, and in the priuete of thi bed, curse thou not a riche man; for the briddis of heuene schulen bere thi vois, and he that hath pennys, schal telle the sentence. |