➖ »
«
➖ ➕
Peshitta OT
PesOT
The Epistle of Barnabas
EpiBar
←
Ecclesiastes
Ecc
11
→
[1]ܫܲܕܲܪ ܠܲܚܡܵܟ ܥܲܠ ܐܲܦܲܝ̈ ܡܲـ̈ـܝܵܐ: ܡܸܛܠ ܕܲܠܣܘܿܓܲܐܬ̣ ܝܵܘ̈ܡܵܬ̣ܵܐ ܬܸܫܟ̇ܚܝܼܘܗܝ. [No book]
[2]ܗܲܒ̣ ܡܢܵܬ̣ܵܐ ܠܫܲܒ̣ܥܵܐ ܐܵܦ ܠܲܬ̣ܡܵܢܝܵܐ: ܡܸܛܠ ܕܠܵܐ ܬܸܕܲܥ ܡܵܢܵܐ ܒܝܼܫܬܵܐ ܬܸܗܘܹܐ ܥܲܠ ܐܲܪܥܵܐ. [No book]
[3]ܐܸܢ ܢܸܡ̱ܠ̈ܝܵܢ ܥܢܵܢܲܝ̈ ܡܸܛܪܵܐ: ܥܲܠ ܐܲܪܥܵܐ ܢܹܐܫ̈ܕܵܢ. ܘܐܸܢ ܢܸܦܠ ܩܷܲܣܵܐ ܒܬܲܝܡܢܵܐ ܐܵܘ ܒܐܲܬ̣ܪܵܐ ܕܓܲܪܒ̇ܝܵܐ: ܐܲܬܲܪ ܕܢܵܦܹ̇ܠ ܩܲܝܣܵܐ: ܬܲܡܵܢ ܢܸܗܘܸܐ. [No book]
[4]ܕܢܵܛܲܪ ܠܪܘܼܚܵܐ: ܠܵܐ ܙܵܪܲܥ. ܘܲܕܼܚܵܐܲܪ ܠܲܥܢܵܢܹ̈ܐ: ܠܵܐ ܚܵܝܨܹ̇ܕܼ. [No book]
[5]ܡܸܛܠ ܕܠܵܐ ܝܵܕܲܥ ܐܲܢ̄ܬ̇ ܡܵܢܲܐ ܗ̄ܝܼ ܐܘܼܪܚܵܐ ܕܪܘܼܚܵܐ. ܐܲܝܟ ܙܢܵܐ ܓܹܝܪ ܕܒܲܛܢܬ̣ܵܐ ܕܒ̣ܵܛܢܵܐ: ܗܵܟܲܢܵܐ ܠܵܐ ܬܸܕܲܥ ܥܒ̣ܵܕܼܵܘ̈ܗܝ ܕܡܵܪܝܵܐ ܟܠ ܕܢܸܥܒܸ̇ܕܼ. [No book]
[6]ܟܠ ܨܲܦܪܵܐ ܙܪܘܿܥ ܙܲܪܥܵܟ. ܘܲܒ̣ܪܲܡܫܵܐ ܠܵܐ ܬܸܫܒ̇ܘܿܩ ܐܝܼܕܼܵܟ. ܡܸܛܠ ܝܵܕܲܥ ܐܲܢ̄ܬ̇ ܐܲܝܢܵܐ ܡܲܟ̣ܫܲܪ: ܐܵܘ ܗܵܢܵܐ ܐܵܘ ܗܵܢܵܐ: ܘܐܸܢ ܬܪ̈ܲܝܗܘܿܢ ܐܲܟ̣ܚ̄ܕܼ ܛܵܒ̣ܝܼܢ. [No book]
[7]ܚܠܸܐ ܢܘܼܗܪܵܐ: ܘܛܵܒ̣ ܠܥܲܝܢܹ̈ܐ. ܘܝܲܬ̇ܝܼܪ ܠܚܵܙ̇ܝܲܝ̈ ܫܸܡܫܵܐ. [No book]
[8]ܡܸܛܠ ܕܐܸܢ ܫܢܝܼ̈ܢ ܣܲܓ̇ܝܼ̈ܐܵܢ ܢܸܚܹܐ ܒܲܪܢܵܫܵܐ: ܒܟ̣ܠܗܹܝܢ ܢܸܚܕܹ̇ܐ. ܘܢܸܬ̇ܕ̇ܟܲܪ ܝܵܘ̈ܡܲܝ ܚܸܫܘܿܟ̣ܵܐ. ܡܸܛܠ ܕܣܲܓ̇ܝܼ̈ܐܝܼܢ ܢܸܗܘܘܿܢ. ܟܠ ܕܐܵܬܹ̇ܐ: ܗܸܒ̣ܠܵܐ. [No book]
[9]ܒܝܵܘ̈ܡܲܝ ܥܠܲܝܡܘܼܬ̣ܵܟ ܚܕܼܝܼ ܥܠܲܝܡܵܐ: ܘܢܸܛܐܲܒ̣ ܠܵܟ. ܘܗܲܠܸܟ ܒܐܘܼܪ̈ܚܵܬ̣ܵܐ ܕܠܸܒܵܟ ܘܲܒ̣ܚܸܙܘܵܐ ܕܥܲܝܢܲܝ̈ܟ. ܘܕܲܥ ܕܲܒ̣ܗܵܠܹܝܢ ܟܠܗܹܝܢ ܡܲܥܸܠ ܠܵܟ ܡܵܪܝܵܐ ܒܕܼܝܼܢܵܐ. [No book]
[10]ܐܲܥܒܲܪ ܪܘܼܓ̣ܙܵܐ ܡ̣ܢ ܠܸܒܵܟ. ܘܐܲܦܪܸܩ ܒܝܼܫܬܵܐ ܡ̣ܢ ܒܸܣܪܵܟ. ܡܸܛܠ ܕܛܲܠܝܘܼܬ̣ܵܐ ܘܠܵܐ ܝܼܕܲܥܬ̣ܵܐ ܗܸܒ̣ܠܵܐ. [No book]
Translation: Charles H. Hoole (1885)
Source: www.earlychristianwritings.com
Top