|
|
| [1]ܠܟ̣ܠܡܸܕܹ̇ܡ ܙܲܒ̣ܢܵܐ. ܘܙܲܒ̣ܢܵܐ ܠܟ̣ܠ ܨܒ̣ܘܼ ܬܚܹܝܬ̣ ܫܸܡܫܵܐ. |
[No book] |
| [2]ܙܲܒ̣ܢܵܐ ܠܡܹܐܠܲܕܼ: ܘܙܲܒ̣ܢܵܐ ܠܲܡܡܵܬ̣. ܙܲܒ̣ܢܵܐ ܠܡܸܨܒ̣: ܘܙܲܒ̣ܢܵܐ ܠܡܸܥܩܲܪ ܢܨܝܼܒ̣ܵܐ. |
[No book] |
| [3]ܙܲܒ̣ܢܵܐ ܠܡܸܩܛܲܠ: ܘܙܲܒ̣ܢܵܐ ܠܡܲܚܵܝܘܼ ܙܲܒ̣ܢܵܐ ܠܡܸܣܬܲܪ: ܘܙܲܒ̣ܢܵܐ ܠܡܸܒ̣ܢܵܐ. |
[No book] |
| [4]ܙܲܒ̣ܢܵܐ ܠܡܸܒ̣ܟܵܐ: ܘܙܲܒ̣ܢܵܐ ܠܡܸܓܚܲܟ. ܙܲܒ̣ܢܵܐ ܠܡܲܪܩܵܕܼܘ: ܘܙܲܒ̣ܢܵܐ ܠܲܡܪܲܩܵܕܼܘܼ. |
[No book] |
| [5]ܙܲܒ̣ܢܵܐ ܠܡܲܪܡܵܝܘܼ ܟܹܐܦܹ̈ܐ: ܘܙܲܒ̣ܢܵܐ ܠܲܡܟܲܢܵܫܘܼ ܟܹܐܦܹ̈ܐ. ܙܲܒ̣ܢܵܐ ܠܡܸܥܦܲܩ: ܘܙܲܒ̣ܢܵܐ ܠܡܸܬ̣ܪܲܚܵܩܘܼ ܡ̣ܢ ܥܦܘܼܩܝܵܐ. |
[No book] |
| [6]ܙܲܒ̣ܢܵܐ ܠܡܵܘܒܵܕܼܘܼ: ܘܙܲܒ̣ܢܵܐ ܠܡܸܒ̣ܥܵܐ. ܙܲܒ̣ܢܵܐ ܠܡܸܩܛܲܪ: ܘܙܲܒ̣ܢܵܐ ܠܡܸܫܪܵܐ. |
[No book] |
| [7]ܙܲܒ̣ܢܵܐ ܠܡܸܨܪܵܐ: ܘܙܲܒ̣ܢܵܐ ܠܲܡܚܵܛ. ܙܲܒ̣ܢܵܐ ܠܡܸܫܬܲܩ: ܘܙܲܒ̣ܢܵܐ ܠܲܡܡܲܠܵܠܘܼ. |
[No book] |
| [8]ܙܲܒ̣ܢܵܐ ܠܡܸܪܚܲܡ: ܘܙܲܒ̣ܢܵܐ ܠܡܸܣܢܵܐ. ܙܲܒ̣ܢܵܐ ܕܲܩܪܵܒ̣ܵܐ: ܘܙܲܒ̣ܢܵܐ ܕܲܫܠܵܡܵܐ. |
[No book] |
| [9]ܘܡܵܢܵܐ ܝܘܼܬ̣ܪܵܢ ܒܲܥܒ̣ܵܕܼܵܐ ܕܗ̤ܘ ܥܵܡܹ̇ܠ. |
[No book] |
| [10]ܚܙܹ̇ܝܬ̣ ܥܸܢܝܵܢܵܐ ܕܝܲܗ̄ܒ̣ ܡܵܪܝܵܐ ܠܲܒ̣ܢܲܝ̈ܢܵܫܵܐ ܠܡܸܬ̣ܥ̱ܢܵܝܘܼ ܒܹܗ. |
[No book] |
| [11]ܟܠ ܕܥܵܒܹ̇ܕܼ ܕܫܲܦܝܼܪ ܒܙܲܒ̣ܢܹܗ. ܘܝܵܬ̣ ܥܵܠܡܵܐ ܝܲܗ̄ܒ̣ ܒܠܸܒ̇ܗܘܿܢ: ܐܲܝܟ ܕܠܵܐ ܢܸܫܟ̇ܚ ܐ̄ܢܵܫܵܐ ܥܒ̣ܵܕܼܵܐ ܕܲܥ̣ܒܲܕܼ ܡܵܪܝܵܐ ܪܹܫܝܼܬ̣ܵܐ ܥܕܲܡܵܐ ܠܐܲܚܪܵܝܬܵܐ. |
[No book] |
| [12]ܘܝܸܕܼܥܹ̇ܬ̣ ܕܠܲܝܬ̇ ܛܵܒ̣ ܒܗܘܿܢ: ܐܸܠܵܐ ܠܡܸܚܕܵܐ ܘܲܠܡܸܥܒܲܕܼ ܕܛܵܒ̣ ܒܚܲܝܲܝ̈ܗܘܿܢ. |
[No book] |
| [13]ܘܐܵܦ ܟܠ ܐ̄ܢܵܫ ܕܢܹܐܟ̣ܘܿܠ ܘܢܸܫܬܸ̇ܐ: ܘܢܸܚܙܹܐ ܛܵܒ̣ܬ̣ܵܐ ܒܟ̣ܠ ܥܲܡܠܹܗ: ܡܵܘܗܲܒ̣ܬ̣ܵܐ ܗ̄ܝܼ ܕܡܵܪܝܵܐ. |
[No book] |
| [14]ܝܼܕܼܥܹ̇ܬ̣ ܕܟ̣ܠ ܕܲܥܒܲܕܼ ܡܵܪܝܵܐ: ܗ̤ܘ ܢܸܗܘܹܐ ܠܥܵܠܲܡ. ܥܠܵܘܗܝ ܠܲܝܬ̇ ܠܡܵܘܣܵܦܘܼ: ܘܡܸܢܹܗ ܠܲܝܬ̇ ܠܡܸܒ̣ܨܲܪ. ܘܡܵܪܝܵܐ ܥ̣ܒܲܕܼ ܕܢܸܕܼܚ̄ܠܘܼܢ ܡܸܢܹܗ. |
[No book] |
| [15]ܡܵܐ ܕܲܗܘ̤ܵܐ ܡ̣ܢ ܟܲܕ̇ܘܼ: ܐܝܼܬ̣ܵܘܗܝ. ܘܟ̣ܠ ܡܵܐ ܕܢܸܗܘܹܐ: ܡ̣ܢ ܣܲܓ̇ܝܼ ܗܘ̤ܵܐ. ܘܐܲܠܵܗܵܐ ܢܸܒ̣ܥܸܐ ܠܲܪܕܼܝܼܦܵܐ ܕܡܸܬ̣ܪܕܸܦ. |
[No book] |
| [16]ܘܬ̣ܘܼܒ̣ ܚܙܹ̇ܝܬ̣ ܬܚܹܝܬ̣ ܫܸܡܫܵܐ: ܐܲܬܲܪ ܕܕܼܝܼܢܵܐ: ܬܲܡܵܢ ܪܘܼܫܥܵܐ. ܘܐܲܬܲܪ ܕܙܸܕܼܩܵܐ: ܬܲܡܵܢ ܥܵܘܼܠܵܐ. |
[No book] |
| [17]ܘܐܸܡ̇ܪܹܬ̣ ܐܸܢܵܐ ܒܠܹܒ̇ܝ: ܝܵܬ̣ ܙܲܕ̇ܝܼܩܵܐ ܘܝܵܬ̣ ܪܲܫܝܼܥܵܐ ܐܲܠܵܗܵܐ ܕܐܹ̇ܝܢ. ܡܸܛܠ ܕܙܲܒ̣ܢܵܐ ܠܟ̣ܠ ܨܒ̣ܘܼ. ܘܲܠܟ̣ܠ ܥܒ̣ܵܕܼ ܬܲܡܵܢ. |
[No book] |
| [18]ܐܸܡ̇ܪܹܬ̣ ܐܸܢܵܐ ܒܠܹܒ̇ܝ ܥܲܠ ܡܲܡܠܠܵܐ ܕܲܒ̣ܢܲܝ̈ܢܵܫܵܐ ܕܲܒ̣ܪܵܐ ܐܸܢܘܿܢ ܐܲܠܵܗܵܐ: ܘܠܲܡܚܵܘܵܝܘܼ ܕܗܸܢܘܿܢ ܐܲܝܟ ܒܥܝܼܪܵܐ ܐܸܢܘܿܢ |
[No book] |
| [19]ܠܗܘܿܢ ܡܵܛܹ̇ܐ ܓܸܕܼܫܵܐ ܕܲܒ̣ܢܲܝ̈ܢܵܫܵܐ ܘܓܸܕܼܫܵܐ ܕܲܒ̣ܥܝܼܪܵܐ. ܘܓܸܕܼܫܵܐ ܚܲܕܼ ܓܵܕܹ̇ܫ ܠܟ̣ܠܗܘܿܢ. ܐܲܝܟ ܡܵܘܬܹ̇ܗ ܕܗܵܢܵܐ: ܗܵܟܲܢܵܐ ܡܵܐܹ̇ܬ̣ ܗܵܢܵܐ. ܘܲܚܕܼܵܐ ܪܘܼܚܵܐ ܠܟ̣ܠܗܘܿܢ. ܘܲܡܝܲܬ̇ܪܘܼܬܹܗ ܕܒܲܪܢܵܫܵܐ ܡ̣ܢ ܒܥܝܼܪܵܐ ܠܲܝܬ̇. ܡܸܛܠ ܕܟ̣ܠ ܡܸܕܹ̇ܡ ܗܸܒ̣ܠܵܐ. |
[No book] |
| [20]ܟܠ ܐܵܙܹ̇ܠ ܠܐܲܬ̣ܪܵܐ ܚܲܕܼ. ܟܠ ܗܘ̤ܵܐ ܡ̣ܢ ܥܲܦܪܵܐ. ܘܟ̣ܠ ܗܵܦܹ̇ܝܟ ܠܥܲܦܪܵܐ. |
[No book] |
| [21]ܘܡܲܢ̣ܘܼ ܝܵܕܲܥ ܐܸܢ ܪܘܼܚ ܒܢܲܝ̈ܢܵܫܵܐ ܣܵܠܩܵܐ ܠܥܸܠ: ܘܪܘܼܚ ܒܥܝܼܪܵܐ ܢܵܚ̇ܬܵܐ ܗ̤ܝ ܠܬܲܚܬ̇ ܠܐܲܪܥܵܐ. |
[No book] |
| [22]ܘܲܚܙܹ̇ܝܬ̣ ܕܠܲܝܬ̇ ܕܛܵܒ̣ ܒܗܘܿܢ: ܐܸܠܵܐ ܕܢܸܚܕܹ̇ܐ ܐ̄ܢܵܫ ܒܲܥܒ̣ܵܕܼܵܘ̈ܗܝ. ܡܸܛܠ ܕܗ̤ܝ ܗ̄ܝܼ ܡܢܵܬܹܗ. ܡܸܛܠ ܕܡܲܢ̣ܘܼ ܢܲܝܬܹ̇ܝܘܗܝ ܠܡܸܚܙܵܐ ܒܟ̣ܠ ܕܢܸܗܘܸܐ ܡ̣ܢ ܒܵܬ̣ܪܹܗ. |
[No book] |