|
|
| [1]ܘܗܸܦܟܹ̇ܬ̣ ܐܸܢܵܐ ܘܲܚܙܹܝܬ̣ ܝܵܬ̣ ܟܠ ܛܠܘܼܡܝܹ̈ܐ ܕܡܸܬ̣ܥܲܒ̣ܕ̇ܝܼܢ ܬܚܹܝܬ̣ ܫܸܡܫܵܐ. ܘܗܵܐ ܕܸܡܥܹ̈ܐ ܕܲܛܠܝܼܡܹ̈ܐ. ܘܠܲܝܬ̇ ܠܗܘܿܢ ܡܒܲܝܐܵܢܵܐ ܡ̣ܢ ܐܝܼܕܼܵܐ ܕܛܵܠܘܿܡܲܝ̈ܗܘܿܢ ܚܲܝܠܵܐ. ܘܠܲܝܬ̇ ܠܗܘܿܢ ܡܥܲܕ̇ܪܵܢܵܐ. |
[No book] |
| [2]ܘܫܲܒ̇ܚܹ̇ܬ̣ ܐܸܢܵܐ ܠܡܝܼ̈ܬܹܐ ܕܲܟ̣ܒܲܪ ܡ̣ܝܼܬ̣ܘ: ܡ̣ܢ ܚܲܝܹ̈ܐ ܕܗܸܢܘܿܢ ܚܲܝܝܼܢ ܥܕܲܡܵܐ ܠܗܵܫܵܐ. |
[No book] |
| [3]ܛܵܒ̣ ܕܹܝܢ ܡ̣ܢ ܬܪ̈ܲܝܗܘܿܢ ܗܵܠܹܝܢ: ܡ̇ܢ ܕܲܥܕܲܟܹ̇ܝܠ ܠܵܐ ܗܘ̤ܵܐ: ܡܸܛܠ ܕܠܵܐ ܚܙ̣ܵܐ ܥܒ̣ܵܕܼܵܐ ܒܝܼܫܵܐ ܕܐܸܬ̣ܥ̱ܒܸܕܼ ܬܚܹܝܬ̣ ܫܸܡܫܵܐ. |
[No book] |
| [4]ܘܲܚܙܹ̇ܝܬ̣ ܐܸܢܵܐ ܟܠ ܥܲܡ̈ܠܹܐ ܘܟ̣ܠ ܟܫܵܪܹ̈ܐ ܕܲܥܒ̣ܵܕܼܵܐ. ܡܸܛܠ ܕܲܛܢܵܢܹܗ ܕܓܲܒ̣ܪܵܐ ܡ̣ܢ ܚܲܒ̣ܪܹܗ. ܘܐܵܦ ܗܵܢܵܐ ܗܸܒ̣ܠܵܐ ܘܛܘܼܪܵܦܵܐ ܕܪܘܼܚܵܐ. |
[No book] |
| [5]ܣܲܟ̣ܠܵܐ ܡܥܲܦܸܩ ܐܝܼܕܼܵܘ̈ܗܝ: ܘܐܵܟܹ̇ܠ ܒܸܣܪܹܗ. |
[No book] |
| [6]ܛܵܒ̣ ܡܠܹܐ ܫܘܼܥܠܵܐ ܢܝܵܚܵܐ: ܡ̣ܢ ܡܠܸܐ ܚܘܼܦܢܹ̈ܐ ܥܲܡܠܵܐ ܘܛܘܼܪܵܦܵܐ ܕܪܘܼܚܵܐ. |
[No book] |
| [7]ܘܗܸܦ̇ܟܹ̇ܬ̣ ܐܸܢܵܐ: ܘܲܚܙܹ̇ܝܬ̣ ܗܸܒ̣ܠܵܐ ܬܚܹܝܬ̣ ܫܸܡܫܵܐ. |
[No book] |
| [8]ܐܝܼܬ̣ ܚܲܕܼ ܘܠܲܝܬ̇ ܬܪܹܝܢ. ܘܲܒ̣ܪܵܐ ܘܐܲܚܵܐ ܠܲܝܬ̇ ܠܹܗ. ܘܠܲܝܬ̇ ܣܘܿܦ ܠܟ̣ܠ ܥܲܡܠܹܗ. ܘܐܵܦ ܥܲܝܢܹܗ ܠܵܐ ܣܵܒ̣̇ܥܵܐ ܥܘܼܬ̣ܪܵܐ. ܘܲܠܡ̇ܢ ܐܸܢܵܐ ܥܵܡܹ̇ܠ ܘܡܲܚܣܲܪ ܢܲܦ̮ܫܝ ܡ̣ܢ ܛܵܒ̣ܬ̣ܵܐ. ܘܐܵܦ ܗܵܢܵܐ ܗܸܒ̣ܠܵܐ ܗ̄ܘܼ: ܘܥܸܢܝܵܢܵܐ ܒܝܼܫܵܐ. |
[No book] |
| [9]ܛܵܒ̣ܝܼܢ ܬܪܹܝܢ ܡ̣ܢ ܚܲܕܼ. ܕܐܝܼܬ̣ ܠܗܘܿܢ ܐܲܓ̣ܪܵܐ ܛܵܒ̣ܵܐ ܒܥܲܡ̱ܠܗܘܿܢ. |
[No book] |
| [10]ܕܐܸܢ ܢܸܦܠܘܼܢ: ܚܲܕܼ ܡܩܝܼܡ ܠܚܲܒ̣ܪܹܗ. ܕܘܵܝ ܠܹܗ ܕܐܸܢ ܢܵܦܹ̇ܠ: ܠܲܝܬ̇ ܡ̇ܢ ܕܲܢܩܝܼܡܝܼܘܗܝ. |
[No book] |
| [11]ܘܐܸܢ ܢܸܫܟ̇ܒ̣ܘܼܢ ܬܪܹܝܢ: ܢܸܫܚ̄ܢܘܼܢ. ܘܚܲܕܼ ܐܲܝܟܲܢܵܐ ܢܸܫܚܲܢ. |
[No book] |
| [12]ܘܐܸܢ ܢܸܥܫܲܢ ܚܲܕܼ: ܬܪ̈ܲܝܗܘܿܢ ܢܩܘܼܡܘܼܢ ܠܩܘܼܒ̣ܠܹܗ. ܘܚܘܼܛܵܐ ܕܲܬ̣ܠܵܬ̣ܵܐ ܠܵܐ ܥܓܲܠ ܡܸܬ̣ܦܣܸܩ. |
[No book] |
| [13]ܛܵܒ̣ ܛܲܠܝܵܐ ܕܡܸܣܟܹ̇ܝܢ ܘܚܲܟ̇ܝܼܡ: ܡ̣ܢ ܡܲܠܟܵܐ ܣܵܒ̣ܵܐ ܕܲܣܟܲܠ: ܕܠܵܐ ܝܵܕܲܥ ܠܡܸܙܕ̇ܗܵܪܘܼ ܬܘܼܒ̣. |
[No book] |
| [14]ܡܸܛܠ ܕܡ̣ܢ ܒܹܝܬ̣ ܐܲܣܝܼܪܹ̈ܐ ܢܦܲܩ̣ ܠܡܲܡܠܵܟ̣ܘܼ. ܡܸܛܠ ܕܐܵܦ ܒܡܲܠܟ̇ܘܼܬܹܗ ܐܸܬ̣̱ܝܼܠܸܕܼ ܡܸܣܟܹ̇ܝܢ. |
[No book] |
| [15]ܚܙܹ̇ܝܬ̣ ܐܸܢܵܐ ܟܠ ܚܲܝܹ̈ܐ ܕܲܡܗܲܠܟ̣ܝܼܢ ܬܚܹܝܬ̣ ܫܸܡܫܵܐ: ܥܲܡ ܥܠܲܝܡܵܐ ܬܸܢܝܵܢܵܐ ܕܲܢܩܘܼܡ ܚܠܵܦܘܗܝ. |
[No book] |
| [16]ܘܠܲܝܬ̇ ܣܘܿܦ ܠܟ̣ܠ ܥܲܡܵܐ ܠܟ̣ܠܗܘܿܢ ܕܲܗܘ̤ܵܘ ܩܕܼܵܡܵܘܗܝ. ܘܐܵܦ ܐ̄ܚܪ̈ܵܝܹܐ ܠܵܐ ܢܸܚܕ̇ܘܢ ܒܹܗ. ܡܸܛܠ ܕܐܵܦ ܗܵܢܵܐ ܗܸܒ̣ܠܵܐ ܘܛܘܼܪܵܦܵܐ ܕܪܘܼܚܵܐ. |
[No book] |
| [17]ܛܲܪ ܪܸܓ̣ܠܵܟ ܡܵܐ ܕܐܵܙܹ̇ܠ ܠܒܹܝܬ̣ ܐܲܠܵܗܵܐ. ܘܲܩܪܘܿܒ̣ ܠܡܸܫܡܲܥ: ܛܵܒ̣ ܡ̣ܢ ܡܵܘܗܲܒ̣ܬ̣ܵܐ ܕܕܸܒ̣ܚܹ̈ܐ ܕܣܲܟ̣̈ܠܹܐ. ܡܸܛܠ ܕܠܵܐ ܝܵܕ̇ܥܝܼܢ ܠܡܸܥܒܲܕܼ ܕܛܵܒ̣. |
[No book] |