|
|
| [1]Ne temere quid loquaris, neque cor tuum sit velox ad proferendum sermonem coram Deo. Deus enim in cælo, et tu super terram; idcirco sint pauci sermones tui. |
[No book] |
| [2]Multas curas sequuntur somnia, et in multis sermonibus invenietur stultitia. |
[No book] |
| [3]Si quid vovisti Deo, ne moreris reddere: displicet enim ei infidelis et stulta promissio, sed quodcumque voveris redde: |
[No book] |
| [4]multoque melius est non vovere, quam post votum promissa non reddere. |
[No book] |
| [5]Ne dederis os tuum ut peccare facias carnem tuam, neque dicas coram angelo: Non est providentia: ne forte iratus Deus contra sermones tuos dissipet cuncta opera manuum tuarum. |
[No book] |
| [6]Ubi multa sunt somnia, plurimæ sunt vanitates, et sermones innumeri; tu vero Deum time. |
[No book] |
| [7]Si videris calumnias egenorum, et violenta judicia, et subverti justitiam in provincia, non mireris super hoc negotio: quia excelso excelsior est alius, et super hos quoque eminentiores sunt alii; |
[No book] |
| [8]et insuper universæ terræ rex imperat servienti. |
[No book] |
| [9]Avarus non implebitur pecunia, et qui amat divitias fructum non capiet ex eis; et hoc ergo vanitas. |
[No book] |
| [10]Ubi multæ sunt opes, multi et qui comedunt eas. Et quid prodest possessori, nisi quod cernit divitias oculis suis? |
[No book] |
| [11]Dulcis est somnus operanti, sive parum sive multum comedat; saturitas autem divitis non sinit eum dormire. |
[No book] |
| [12]Est et alia infirmitas pessima quam vidi sub sole: divitiæ conservatæ in malum domini sui. |
[No book] |
| [13]Pereunt enim in afflictione pessima: generavit filium qui in summa egestate erit. |
[No book] |
| [14]Sicut egressus est nudus de utero matris suæ, sic revertetur, et nihil auferet secum de labore suo. |
[No book] |
| [15]Miserabilis prorsus infirmitas: quomodo venit, sic revertetur. Quid ergo prodest ei quod laboravit in ventum? |
[No book] |
| [16]cunctis diebus vitæ suæ comedit in tenebris, et in curis multis, et in ærumna atque tristitia. |
[No book] |
| [17]Hoc itaque visum est mihi bonum, ut comedat quis et bibat, et fruatur lætitia ex labore suo quo laboravit ipse sub sole, numero dierum vitæ suæ quos dedit ei Deus; et hæc est pars illius. |
[No book] |
| [18]Et omni homini cui dedit Deus divitias atque substantiam, potestatemque ei tribuit ut comedat ex eis, et fruatur parte sua, et lætetur de labore suo: hoc est donum Dei. |
[No book] |
| [19]Non enim satis recordabitur dierum vitæ suæ, eo quod Deus occupet deliciis cor ejus. |
[No book] |