|
|
| [1]Estote ergo imitatores Dei, sicut filii carissimi, |
[No book] |
| [2]et ambulate in dilectione, sicut et Christus dilexit nos, et tradidit semetipsum pro nobis, oblationem et hostiam Deo in odorem suavitatis. |
[No book] |
| [3]Fornicatio autem, et omnis immunditia, aut avaritia, nec nominetur in vobis, sicut decet sanctos: |
[No book] |
| [4]aut turpitudo, aut stultiloquium, aut scurrilitas, quæ ad rem non pertinet: sed magis gratiarum actio. |
[No book] |
| [5]Hoc enim scitote intelligentes: quod omnis fornicator, aut immundus, aut avarus, quod est idolorum servitus, non habet hæreditatem in regno Christi et Dei. |
[No book] |
| [6]Nemo vos seducat inanibus verbis: propter hæc enim venit ira Dei in filios diffidentiæ. |
[No book] |
| [7]Nolite ergo effici participes eorum. |
[No book] |
| [8]Eratis enim aliquando tenebræ: nunc autem lux in Domino. Ut filii lucis ambulate: |
[No book] |
| [9]fructus enim lucis est in omni bonitate, et justitia, et veritate: |
[No book] |
| [10]probantes quid sit beneplacitum Deo: |
[No book] |
| [11]et nolite communicare operibus infructuosis tenebrarum, magis autem redarguite. |
[No book] |
| [12]Quæ enim in occulto fiunt ab ipsis, turpe est et dicere. |
[No book] |
| [13]Omnia autem, quæ arguuntur, a lumine manifestantur: omne enim, quod manifestatur, lumen est. |
[No book] |
| [14]Propter quod dicit: Surge qui dormis, et exsurge a mortuis, et illuminabit te Christus. |
[No book] |
| [15]Videte itaque, fratres, quomodo caute ambuletis: non quasi insipientes, |
[No book] |
| [16]sed ut sapientes: redimentes tempus, quoniam dies mali sunt. |
[No book] |
| [17]Propterea nolite fieri imprudentes, sed intelligentes quæ sit voluntas Dei. |
[No book] |
| [18]Et nolite inebriari vino, in quo est luxuria, sed implemini Spiritu Sancto, |
[No book] |
| [19]loquentes vobismetipsis in psalmis, et hymnis, et canticis spiritualibus, cantantes et psallentes in cordibus vestris Domino, |
[No book] |
| [20]gratias agentes semper pro omnibus in nomine Domini nostri Jesu Christi Deo et Patri, |
[No book] |
| [21]subjecti invicem in timore Christi. |
[No book] |
| [22]Mulieres viris suis subditæ sint, sicut Domino: |
[No book] |
| [23]quoniam vir caput est mulieris, sicut Christus caput est Ecclesiæ: ipse, salvator corporis ejus. |
[No book] |
| [24]Sed sicut Ecclesia subjecta est Christo, ita et mulieres viris suis in omnibus. |
[No book] |
| [25]Viri, diligite uxores vestras, sicut et Christus dilexit Ecclesiam, et seipsum tradidit pro ea, |
[No book] |
| [26]ut illam sanctificaret, mundans lavacro aquæ in verbo vitæ, |
[No book] |
| [27]ut exhiberet ipse sibi gloriosam Ecclesiam, non habentem maculam, aut rugam, aut aliquid hujusmodi, sed ut sit sancta et immaculata. |
[No book] |
| [28]Ita et viri debent diligere uxores suas ut corpora sua. Qui suam uxorem diligit, seipsum diligit. |
[No book] |
| [29]Nemo enim umquam carnem suam odio habuit: sed nutrit et fovet eam, sicut et Christus Ecclesiam: |
[No book] |
| [30]quia membra sumus corporis ejus, de carne ejus et de ossibus ejus. |
[No book] |
| [31]Propter hoc relinquet homo patrem et matrem suam, et adhærebit uxori suæ, et erunt duo in carne una. |
[No book] |
| [32]Sacramentum hoc magnum est, ego autem dico in Christo et in Ecclesia. |
[No book] |
| [33]Verumtamen et vos singuli, unusquisque uxorem suam sicut seipsum diligat: uxor autem timeat virum suum. |
[No book] |