|
|
| [No book] |
[1]Hæc sunt nomina filiorum Israël qui ingressi sunt in Ægyptum cum Jacob: singuli cum domibus suis introierunt: |
| [No book] |
[2]Ruben, Simeon, Levi, Judas, |
| [No book] |
[3]Issachar, Zabulon et Benjamin, |
| [No book] |
[4]Dan et Nephthali, Gad et Aser. |
| [No book] |
[5]Erant igitur omnes animæ eorum qui egressi sunt de femore Jacob, septuaginta: Joseph autem in Ægypto erat. |
| [No book] |
[6]Quo mortuo, et universis fratribus ejus, omnique cognatione illa, |
| [No book] |
[7]filii Israël creverunt, et quasi germinantes multiplicati sunt: ac roborati nimis, impleverunt terram. |
| [No book] |
[8]Surrexit interea rex novus super Ægyptum, qui ignorabat Joseph. |
| [No book] |
[9]Et ait ad populum suum: Ecce, populus filiorum Israël multus, et fortior nobis est. |
| [No book] |
[10]Venite, sapienter opprimamus eum, ne forte multiplicetur: et si ingruerit contra nos bellum, addatur inimicis nostris, expugnatisque nobis egrediatur de terra. |
| [No book] |
[11]Præposuit itaque eis magistros operum, ut affligerent eos oneribus: ædificaveruntque urbes tabernaculorum Pharaoni, Phithom et Ramesses. |
| [No book] |
[12]Quantoque opprimebant eos, tanto magis multiplicabantur, et crescebant: |
| [No book] |
[13]oderantque filios Israël Ægyptii, et affligebant illudentes eis, |
| [No book] |
[14]atque ad amaritudinem perducebant vitam eorum operibus duris luti et lateris, omnique famulatu, quo in terræ operibus premebantur. |
| [No book] |
[15]Dixit autem rex Ægypti obstetricibus Hebræorum, quarum una vocabatur Sephora, altera Phua, |
| [No book] |
[16]præcipiens eis: Quando obstetricabitis Hebræas, et partus tempus advenerit: si masculus fuerit, interficite eum: si femina, reservate. |
| [No book] |
[17]Timuerunt autem obstetrices Deum, et non fecerunt juxta præceptum regis Ægypti, sed conservabant mares. |
| [No book] |
[18]Quibus ad se accersitis, rex ait: Quidnam est hoc quod facere voluistis, ut pueros servaretis? |
| [No book] |
[19]Quæ responderunt: Non sunt Hebreæ sicut ægyptiæ mulieres: ipsæ enim obstetricandi habent scientiam, et priusquam veniamus ad eas, pariunt. |
| [No book] |
[20]Bene ergo fecit Deus obstetricibus: et crevit populus, confortatusque est nimis. |
| [No book] |
[21]Et quia timuerunt obstetrices Deum, ædificavit eis domos. |
| [No book] |
[22]Præcepit ergo Pharao omni populo suo, dicens: Quidquid masculini sexus natum fuerit, in flumen projicite: quidquid feminini, reservate. |