|
|
| [No book] |
[1]Egressus est post hæc vir de domo Levi: et accepit uxorem stirpis suæ. |
| [No book] |
[2]Quæ concepit, et peperit filium: et videns eum elegantem, abscondit tribus mensibus. |
| [No book] |
[3]Cumque jam celare non posset, sumpsit fiscellam scirpeam, et linivit eam bitumine ac pice: posuitque intus infantulum, et exposuit eum in carecto ripæ fluminis, |
| [No book] |
[4]stante procul sorore ejus, et considerante eventum rei. |
| [No book] |
[5]Ecce autem descendebat filia Pharaonis ut lavaretur in flumine: et puellæ ejus gradiebantur per crepidinem alvei. Quæ cum vidisset fiscellam in papyrione, misit unam e famulabus suis: et allatam |
| [No book] |
[6]aperiens, cernensque in ea parvulum vagientem, miserta ejus, ait: De infantibus Hebræorum est hic. |
| [No book] |
[7]Cui soror pueri: Vis, inquit, ut vadam, et vocem tibi mulierem hebræam, quæ nutrire posset infantulum? |
| [No book] |
[8]Respondit: Vade. Perrexit puella et vocavit matrem suam. |
| [No book] |
[9]Ad quam locuta filia Pharaonis: Accipe, ait, puerum istum, et nutri mihi: ego dabo tibi mercedem tuam. Suscepit mulier, et nutrivit puerum: adultumque tradidit filiæ Pharaonis. |
| [No book] |
[10]Quem illa adoptavit in locum filii, vocavitque nomen ejus Moyses, dicens: Quia de aqua tuli eum. |
| [No book] |
[11]In diebus illis postquam creverat Moyses, egressus est ad fratres suos: viditque afflictionem eorum, et virum ægyptium percutientem quemdam de Hebræis fratribus suis. |
| [No book] |
[12]Cumque circumspexisset huc atque illuc, et nullum adesse vidisset, percussum Ægyptium abscondit sabulo. |
| [No book] |
[13]Et egressus die altero conspexit duos Hebræos rixantes: dixitque ei qui faciebat injuriam: Quare percutis proximum tuum? |
| [No book] |
[14]Qui respondit: Quis te constituit principem et judicem super nos? num occidere me tu vis, sicut heri occidisti Ægyptium? Timuit Moyses, et ait: Quomodo palam factum est verbum istud? |
| [No book] |
[15]Audivitque Pharao sermonem hunc, et quærebat occidere Moysen: qui fugiens de conspectu ejus, moratus est in terra Madian, et sedit juxta puteum. |
| [No book] |
[16]Erant autem sacerdoti Madian septem filiæ, quæ venerunt ad hauriendam aquam: et impletis canalibus adaquare cupiebant greges patris sui. |
| [No book] |
[17]Supervenere pastores, et ejecerunt eas: surrexitque Moyses, et defensis puellis, adaquavit oves earum. |
| [No book] |
[18]Quæ cum revertissent ad Raguel patrem suum, dixit ad eas: Cur velocius venistis solito? |
| [No book] |
[19]Responderunt: Vir ægyptius liberavit nos de manu pastorum: insuper et hausit aquam nobiscum, potumque dedit ovibus. |
| [No book] |
[20]At ille: Ubi est? inquit: quare dimisistis hominem? vocate eum ut comedat panem. |
| [No book] |
[21]Juravit ergo Moyses quod habitaret cum eo. Accepitque Sephoram filiam ejus uxorem: |
| [No book] |
[22]quæ peperit ei filium, quem vocavit Gersam, dicens: Advena fui in terra aliena. Alterum vero peperit, quem vocavit Eliezer, dicens: Deus enim patris mei adjutor meus eripuit me de manu Pharaonis. |
| [No book] |
[23]Post multum vero tempore mortuus est rex Ægypti: et ingemiscentes filii Israël, propter opera vociferati sunt: ascenditque clamor eorum ad Deum ab operibus. |
| [No book] |
[24]Et audivit gemitum eorum, ac recordatus est fœderis quod pepigit cum Abraham, Isaac et Jacob. |
| [No book] |
[25]Et respexit Dominus filios Israël et cognovit eos. |