➖ »
«
➖ ➕
Aleppo Codex (~920)
Alep
The First Book of Clement
1Clem
←
Exodus
Exo
17
→
[1]ויסעו כל עדת בני ישראל ממדבר סין למסעיהם־על פי יהוה ויחנו ברפידים ואין מים לשתת העם [No book]
[2]וירב העם עם משה ויאמרו תנו לנו מים ונשתה ויאמר להם משה מה תריבון עמדי מה תנסון את יהוה [No book]
[3]ויצמא שם העם למים וילן העם על משה ויאמר למה זה העליתנו ממצרים להמית אתי ואת בני ואת מקני בצמא [No book]
[4]ויצעק משה אל יהוה לאמר מה אעשה לעם הזה עוד מעט וסקלני [No book]
[5]ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר־קח בידך והלכת [No book]
[6]הנני עמד לפניך שם על הצור בחרב והכית בצור ויצאו ממנו מים ושתה העם ויעש כן משה לעיני זקני ישראל [No book]
[7]ויקרא שם המקום מסה ומריבה על ריב בני ישראל ועל נסתם את יהוה לאמר היש יהוה בקרבנו אם אין [No book]
[8]ויבא עמלק וילחם עם ישראל ברפידם [No book]
[9]ויאמר משה אל יהושע בחר לנו אנשים וצא הלחם בעמלק מחר אנכי נצב על ראש הגבעה ומטה האלהים בידי [No book]
[10]ויעש יהושע כאשר אמר לו משה־להלחם בעמלק ומשה אהרן וחור עלו ראש הגבעה [No book]
[11]והיה כאשר ירים משה ידו־וגבר ישראל וכאשר יניח ידו וגבר עמלק [No book]
[12]וידי משה כבדים ויקחו אבן וישימו תחתיו וישב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השמש [No book]
[13]ויחלש יהושע את עמלק ואת עמו לפי חרב [No book]
[14]ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים [No book]
[15]ויבן משה מזבח ויקרא שמו יהוה נסי [No book]
[16]ויאמר כי יד על כס יה מלחמה ליהוה בעמלק־מדר דר [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top