➖ »
«
➖ ➕
Aleppo Codex (~920)
Alep
The First Book of Clement
1Clem
←
Exodus
Exo
18
→
[1]וישמע יתרו כהן מדין חתן משה את כל אשר עשה אלהים למשה ולישראל עמו כי הוציא יהוה את ישראל ממצרים [No book]
[2]ויקח יתרו חתן משה את צפרה אשת משה־אחר שלוחיה [No book]
[3]ואת שני בניה אשר שם האחד גרשם־כי אמר גר הייתי בארץ נכריה [No book]
[4]ושם האחד אליעזר־כי אלהי אבי בעזרי ויצלני מחרב פרעה [No book]
[5]ויבא יתרו חתן משה ובניו ואשתו־אל משה אל המדבר אשר הוא חנה שם־הר האלהים [No book]
[6]ויאמר אל משה אני חתנך יתרו בא אליך ואשתך־ושני בניה עמה [No book]
[7]ויצא משה לקראת חתנו וישתחו וישק לו וישאלו איש לרעהו לשלום ויבאו האהלה [No book]
[8]ויספר משה לחתנו את כל אשר עשה יהוה לפרעה ולמצרים על אודת ישראל את כל התלאה אשר מצאתם בדרך ויצלם יהוה [No book]
[9]ויחד יתרו־על כל הטובה אשר עשה יהוה לישראל אשר הצילו מיד מצרים [No book]
[10]ויאמר יתרו ברוך יהוה אשר הציל אתכם מיד מצרים ומיד פרעה אשר הציל את העם מתחת יד מצרים [No book]
[11]עתה ידעתי כי גדול יהוה מכל האלהים כי בדבר אשר זדו עליהם [No book]
[12]ויקח יתרו חתן משה עלה וזבחים־לאלהים ויבא אהרן וכל זקני ישראל לאכל לחם עם חתן משה־לפני האלהים [No book]
[13]ויהי ממחרת וישב משה לשפט את העם ויעמד העם על משה מן הבקר עד הערב [No book]
[14]וירא חתן משה את כל אשר הוא עשה לעם ויאמר מה הדבר הזה אשר אתה עשה לעם־מדוע אתה יושב לבדך וכל העם נצב עליך מן בקר עד ערב [No book]
[15]ויאמר משה לחתנו כי יבא אלי העם לדרש אלהים [No book]
[16]כי יהיה להם דבר בא אלי ושפטתי בין איש ובין רעהו והודעתי את חקי האלהים ואת תורתיו [No book]
[17]ויאמר חתן משה אליו לא טוב הדבר אשר אתה עשה [No book]
[18]נבל תבל־גם אתה גם העם הזה אשר עמך כי כבד ממך הדבר לא תוכל עשהו לבדך [No book]
[19]עתה שמע בקלי איעצך ויהי אלהים עמך היה אתה לעם מול האלהים והבאת אתה את הדברים אל האלהים [No book]
[20]והזהרתה אתהם את החקים ואת התורת והודעת להם את הדרך ילכו בה ואת המעשה אשר יעשון [No book]
[21]ואתה תחזה מכל העם אנשי חיל יראי אלהים אנשי אמת־שנאי בצע ושמת עלהם שרי אלפים שרי מאות שרי חמשים ושרי עשרת [No book]
[22]ושפטו את העם בכל עת והיה כל הדבר הגדל יביאו אליך וכל הדבר הקטן ישפטו הם והקל מעליך ונשאו אתך [No book]
[23]אם את הדבר הזה תעשה וצוך אלהים ויכלת עמד וגם כל העם הזה על מקמו יבא בשלום [No book]
[24]וישמע משה לקול חתנו ויעש כל אשר אמר [No book]
[25]ויבחר משה אנשי חיל מכל ישראל ויתן אתם ראשים על העם־שרי אלפים שרי מאות שרי חמשים ושרי עשרת [No book]
[26]ושפטו את העם בכל עת את הדבר הקשה יביאון אל משה וכל הדבר הקטן ישפוטו הם [No book]
[27]וישלח משה את חתנו וילך לו אל ארצו [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top