|
|
| [No book] |
[1]ܠܵܐ ܬܲܫܲܪ ܫܸܡܥܵܐ ܟܲܕܵܒ݂ܵܐ: ܠܵܐ ܬܵܘܫܸܛ ܐܝܼܕ݂ܵܟ݂ ܥܲܡ ܚܲܝܵܒ݂ܵܐ ܠܡܸܗܘܵܐ ܠܹܗ ܣܵܗܕܵܐ ܟܲܕܵܒ݂ܵܐ. |
| [No book] |
[2]ܠܵܐ ܬܸܗܘܸܐ ܒܵܬܲܪ ܣܲܓܿܝܼܐܹܐ ܠܡܲܒ݂ܐܵܫܘܼ: ܘܠܵܐ ܬܸܥܢܸܐ ܥܲܠ ܕܝܼܢܵܐ ܠܡܸܨܠܵܐ ܒܵܬܲܪ ܣܲܓܿܝܼܐܹܐ ܕܨܵܠܹܝܢ. |
| [No book] |
[3]ܘܲܠܡܸܣܟܹܢܵܐ ܠܵܐ ܬܥܲܕܲܪ ܒܕ݂ܝܼܢܹܗ. |
| [No book] |
[4]ܘܟܲܕ݂ ܬܸܦ̮ܓܲܥ ܒܬ݂ܵܘܪܹܗ ܕܲܒ݂ܥܸܠܕܿܒ݂ܵܒ݂ܵܟ݂ ܐܵܘ ܒܲܚܡܵܪܹܗ ܟܲܕ݂ ܛܥܹܝܢ: ܡܲܗܦܵܟ݂ܘܼ ܐܲܗܦܸܟ݂ ܐܸܢܘܿܢ ܠܹܗ. |
| [No book] |
[5]ܘܟܲܕ݂ ܬܸܚܙܸܐ ܚܡܵܪܹܗ ܕܲܒ݂ܥܸܠܕܿܒ݂ܵܒ݂ܵܟ݂ ܕܲܪܒ݂ܝܼܥ ܬܚܹܝܬ݂ ܛܲܥܢܹܗ: ܘܒ݂ܵܥܹܐ ܐܲܢ̄ܬ ܕܠܵܐ ܬܸܫܩܘܿܠ ܥܲܡܹܗ: ܡܸܫܩܲܠ ܫܩܘܿܠ ܥܲܡܹܗ. |
| [No book] |
[6]ܠܵܐ ܬܸܨܠܸܐ ܕܝܼܢܵܐ ܕܡܸܣܟܹܿܢܵܐ ܒܕ݂ܝܼܢܹܗ. |
| [No book] |
[7]ܘܡܼܢ ܡܸܠܬ݂ܵܐ ܟܲܕܵܒ݂ܬܵܐ ܗܘܲܝܬ ܡܲܪܚܸܩ: ܘܙܲܟܵܝܵܐ ܘܙܲܕܝܼܩܵܐ ܠܵܐ ܬܸܩܛܘܿܠ: ܡܸܛܠ ܕܠܵܐ ܡܙܲܟܸܿܐ ܐ̄ܢܵܐ ܠܚܲܝܵܒ݂ܵܐ. |
| [No book] |
[8]ܫܘܼܚܕܵܐ ܠܵܐ ܬܸܣܲܒ݂: ܡܸܛܠ ܕܫܘܼܚܕܵܐ ܡܥܵܘܲܪ ܥܲܝܢܲܝܗܘܿܢ ܕܚܲܟܿܝܼܡܹ̈ܐ ܒܕ݂ܝܼܢܵܐ: ܘܡܲܗܦܸܟ݂ ܡܸܠܲܝܗܘܿܢ ܕܙܲܟܵܝܹ̈ܐ. |
| [No book] |
[9]ܘܲܠܥܡܵܘܿܪܹ̈ܐ ܠܵܐ ܬܥܝܼܩܘܼܢ: ܐܲܢ̄ܬܿܘܿܢ ܓܹܝܪ ܝܵܕ݂ܥܝܼܬܿܘܿܢ ܢܲܦ̮ܫܵܐ ܕܥܵܡܘܿܪܹ̈ܐ: ܡܸܛܠ ܕܥܵܡܘܿܪܹ̈ܐ ܗܘܲܝܬܿܘܿܢ ܒܐܲܪܥܵܐ ܕܡܸܨܪܹܝܢ. |
| [No book] |
[10]ܫܸܬ݂ ܫܢܝܼܢ ܬܸܙܪܘܿܥ ܐܲܪܥܵܟ݂: ܘܬܸܚܡܘܿܠ ܥܲܠܠܵܬ݂ܵܗ. |
| [No book] |
[11]ܘܒܲܫܒ݂ܝܼܥܲܝܬܵܐ ܬܸܟ݂ܪܒ݂ܝܼܗܿ ܘܬܸܫܒܿܩܝܼܗܿ: ܕܢܹܐܟ݂ܠܘܼܢ ܡܸܣܟܹܿܢܹ̈ܐ ܕܥܲܡܵܟ݂: ܘܫܲܪܟܗܘܿܢ ܬܹܐܟ݂ܘܿܠ ܚܲܝܘܬ݂ܵܐ ܕܕܲܒ݂ܪܵܐ: ܘܗܵܟܲܢܵܐ ܬܸܥܒܸܿܕ ܠܟܲܪܡܲܝܟ ܘܲܠܙܲܝܬܲܝܟ. |
| [No book] |
[12]ܫܬܵܐ ܝܵܘܡܝܼܢ ܬܸܥܒܸܿܕ ܥܒ݂ܵܕ݂ܵܟ݂ ܘܲܒ݂ܝܵܘܡܵܐ ܫܒ݂ܝܼܥܵܝܵܐ ܬܸܬܿܢܝܼܚ: ܡܸܛܠ ܕܢܸܬܿܬܿܢܝܼܚ ܬܵܘܪܵܟ݂ ܘܲܚܡܵܪܵܟ݂: ܘܢܸܬܿܬܿܢܝܼܚ ܒܲܪ ܐܲܡܬ݂ܵܟ݂: ܘܥܲܡܘܿܪܵܐ ܕܲܒ݂ܩܘܼܪܝܵܟ݂. |
| [No book] |
[13]ܘܟ݂ܠ ܡܸܕܸܿܡ ܕܐܸܡܪܹܬ݂ ܠܟ݂ܘܿܢ ܬܸܙܕܲܗܪܘܼܢ: ܘܫܸܡ ܕܸܚܠܵܬ݂ܵܐ ܐ̄ܚܪܵܢܝܵܬ݂ܵܐ ܠܵܐ ܬܸܬܿܕܲܟ݂ܪܘܼܢ: ܘܠܵܐ ܢܸܣܩܵܢ ܥܲܠ ܠܸܒܿܟ݂ܘܿܢ. |
| [No book] |
[14]ܬܠܵܬ݂ ܙܲܒ݂ܢܝܼܢ ܥܒܸܕ݂ܘ ܠܝܼ ܥܲܕ݂ܥܹܕ݂ܵܐ ܒܫܲܢ̄ܬܵܐ. |
| [No book] |
[15]ܥܲܕ݂ܥܹܕ݂ܵܐ ܕܦܲܛܝܼܪܹܐ ܬܸܛܲܪ: ܫܲܒ݂ܥܵܐ ܝܵܘܡܝܼܢ ܦܲܛܝܼܪܵܐ ܬܹܐܟ݂ܘܿܠ ܐܲܝܟ݂ ܕܲܦܩܲܕܬܵܟ݂: ܒܝܲܪܚܵܐ ܕܲܗܲܒܵܒܹܐ: ܡܸܛܠ ܕܒܹܗ ܢܦܲܩܬܘܿܢ ܡܼܢ ܡܸܨܪܹܝܢ: ܘܠܵܐ ܬܸܬ݂ܚܙܘܼܢ ܩܕ݂ܵܡܲܝ ܣܪܝܼܩܵܐܝܼܬ݂. |
| [No book] |
[16]ܘܥܲܕ݂ܥܹܕ݂ܵܐ ܕܲܚܨܵܕܵܐ: ܪܹܫ ܥܒ݂ܘܼܪܟ݂ܘܿܢ ܕܬܸܙܪܥܘܼܢ ܒܚܲܩܠܵܐ: ܘܥܲܕ݂ܥܹܕ݂ܵܐ ܕܲܚܡܵܠܵܐ ܒܡܲܦܩܵܗ ܕܫܲܢ̄ܬܵܐ: ܡܵܐ ܕܟ݂ܵܢܹܫ ܐܲܢ̄ܬ ܥܲܠܠܵܬ݂ܵܟ݂ ܡܼܢ ܚܲܩܠܵܐ. |
| [No book] |
[17]ܬܠܵܬ݂ ܙܲܒ݂ܢܝܼܢ ܒܫܲܢ̄ܬܵܐ ܢܸܬ݂ܚܙܸܐ ܟܠ ܕܘܼܟ݂ܪܵܢܵܟ݂ ܩܕ݂ܵܡ ܡܵܪܝܵܐ ܐܲܠܵܗܵܐ. |
| [No book] |
[18]ܠܵܐ ܬܕܲܒܲܚ ܥܲܠ ܚܲܡܝܼܥܵܐ ܕܡܵܐ ܕܕܸܒ݂ܚܬ݂ܵܐ: ܘܠܵܐ ܢܒ݂ܘܼܬ݂ ܬܲܪܒܵܐ ܕܥܲܕ݂ܥܹܕ݂ܵܐ ܥܕܲܡܵܐ ܠܨܲܦܪܵܐ. |
| [No book] |
[19]ܪܹܫ ܥܲܠܠܵܬ݂ܵܗ ܕܐܲܪܥܵܟ݂ ܬܲܝܬܸܿܐ ܠܒܲܝܬܹܿܗ ܕܡܵܪܝܵܐ ܐܲܠܵܗܵܟ݂: ܠܵܐ ܬܒܲܫܹܠ ܓܲܕ݂ܝܵܐ ܒܚܲܠܒ݂ܵܐ ܕܐܸܡܹܗ. |
| [No book] |
[20]ܗܵܐ ܡܫܲܕܲܪ ܐ̄ܢܵܐ ܡܲܠܲܐܟ݂ܵܐ ܩܕ݂ܵܡܲܝܟ: ܕܲܢܢܲܛܪܵܟ݂ ܒܐܘܼܪܚܵܐ: ܘܲܕܢܲܥܠܵܟ݂ ܠܐܲܪܥܵܐ ܕܬܲܩܸܢܬܿ. |
| [No book] |
[21]ܐܸܙܕܲܗܪ ܡܸܢܹܗ: ܘܲܫܡܲܥ ܒܩܵܠܹܗ: ܠܵܐ ܬܸܬ݂ܚܪܸܐ ܠܩܘܼܒ݂ܠܹܗ: ܕܲܠܡܵܐ ܠܵܐ ܢܸܫܒܿܘܿܩ ܠܚܵܘܒܲܝܟܿܘܿܢ: ܡܸܛܠ ܕܫܹܡܝ ܥܠܵܘܗܝ. |
| [No book] |
[22]ܘܐܸܢ ܡܸܫܡܲܥ ܬܸܫܡܲܥ ܒܩܵܠܹܗ: ܘܬܸܥܒܸܿܕ݂ ܠܵܟ݂ ܟܠ ܡܸܕܸܿܡ ܕܐܵܡܲܪ ܠܵܟ݂: ܐܸܣܢܸܐ ܠܣܵܢܐܲܝܟ: ܘܐܲܥܝܼܩ ܠܲܒ݂ܥܸܠܕܿܒ݂ܵܒܲܝ̈ܟ. |
| [No book] |
[23]ܡܸܛܠ ܕܢܹܐܙܲܠ ܡܲܠܲܐܟ݂ܝ ܩܕ݂ܵܡܲܝܟ: ܘܢܲܥܠܲܟ݂ ܥܲܠ ܐܵܡܘܿܪܵܝܹܐ: ܘܚܹܝܬ݂ܵܝܹܐ: ܘܦܲܪܙܵܝܹܐ: ܘܲܟ݂ܢܲܥܢܵܝܹܐ: ܘܚܵܘܵܝܹܐ: ܘܝܵܒ݂ܘܿܣܵܝܹܐ: ܘܐܸܚܪܘܿܒ݂ ܐܸܢܘܿܢ. |
| [No book] |
[24]ܠܵܐ ܬܸܣܓܿܘܿܕ݂ ܠܐܲܠܵܗܲܝܗܘܿܢ: ܘܠܵܐ ܬܸܦܠܘܿܚ ܐܸܢܘܿܢ: ܘܠܵܐ ܬܸܥܒܸܿܕ݂ ܐܲܝܟ݂ ܥܒ݂ܵܕܲܝܗܘܿܢ: ܐܸܠܵܐ ܡܣܲܚܵܦܘܼ ܣܲܚܸܦ ܐܸܢܘܿܢ: ܘܲܡܬܲܒܵܪܘܼ ܬܲܒܲܪ ܩܵܝܡܵܬ݂ܗܘܿܢ. |
| [No book] |
[25]ܘܬܸܦܠܚܘܼܢ ܠܡܵܪܝܵܐ ܐܲܠܵܗܟ݂ܘܿܢ: ܘܲܢܒܲܪܸܟ݂ ܠܲܚܡܟ݂ܘܿܢ: ܘܡܲܝܟܿܘܿܢ: ܘܢܲܥܒܲܪ ܡܲܚܘܵܬ݂ܵܐ ܡܼܢ ܒܵܬܲܝܟܿܘܿܢ. |
| [No book] |
[26]ܘܠܵܐ ܬܸܗܘܸܐ ܕܲܡܓܲܙܝܵܐ ܘܲܕ݂ܥܲܩܪܵܐ ܒܐܲܪܥܟ݂ܘܿܢ: ܘܡܸܢܝܵܢ ܝܵܘܡܵܬ݂ܟ݂ܘܿܢ ܐܹܫܲܠܸܡ. |
| [No book] |
[27]ܘܕܸܚܠܲܬ݂ܝ ܐܹܫܲܕܲܪ ܩܕ݂ܵܡܲܝܟ: ܘܐܸܚܪܘܿܒ݂ ܠܟ݂ܠ ܥܲܡܡܹ̈ܐ ܕܬܹܐܙܠ̄ܘܼܢ ܥܠܲܝܗܘܿܢ: ܘܐܸܬܸܿܠ ܠܲܒ݂ܥܸܠܕܿܒ݂ܵܒܲܝܟ ܕܢܲܦܢܘܿܢ ܩܕ݂ܵܠܗܘܿܢ ܩܕ݂ܵܡܲܝܟ. |
| [No book] |
[28]ܘܐܹܫܲܕܲܪ ܕܸܒܿܘܿܪܝܵܬ݂ܵܐ ܩܕ݂ܵܡܲܝܟ: ܘܐܸܚܪܘܿܒ݂ ܠܲܟ݂ܢܲܥܢܵܝܹܐ ܘܲܠܚܹܝܬ݂ܵܝܹܐ ܡܼܢ ܩܕ݂ܵܡܲܝܟ. |
| [No book] |
[29]ܠܵܐ ܐܸܚܪܘܿܒ݂ ܐܸܢܘܿܢ ܡܼܢ ܩܕ݂ܵܡܲܝܟ ܒܫܲܢ̄ܬܵܐ ܚܕ݂ܵܐ: ܕܠܵܐ ܬܸܗܘܸܐ ܐܲܪܥܵܐ ܚܲܪܒܵܐ: ܘܬܸܣܓܸܿܐ ܥܠܲܝܟ ܚܲܝܘܲܬ݂ ܒܲܪܵܐ. |
| [No book] |
[30]ܒܩܲܠܝܼܠ ܩܲܠܝܼܠ ܐܸܚܪܘܿܒ݂ ܐܸܢܘܿܢ ܡܼܢ ܩܕ݂ܵܡܲܝܟ: ܥܕܲܡܵܐ ܕܬܸܬ݂ܩܲܦ ܘܬܹܐܪܲܬ݂ ܐܲܪܥܵܐ. |
| [No book] |
[31]ܘܐܸܥܒܸܿܕ݂ ܬܚܘܼܡܵܟ݂ ܡܼܢ ܝܲܡܵܐ ܕܣܘܿܦ ܘܲܥܕܲܡܵܐ ܠܝܲܡܵܐ ܕܲܦܠܸܫܬܵܝܹܐ: ܘܡܼܢ ܡܲܕ݂ܒܪܵܐ ܘܲܥܕܲܡܵܐ ܠܢܲܗܪܵܐ: ܡܸܛܠ ܕܡܲܫܠܸܡ ܐ̄ܢܵܐ ܒܐܝܼܕܲܝܟܿܘܿܢ ܝܵܬ݂ܒܲܝ ܐܲܪܥܵܐ: ܘܬܸܚܪܒ݂ܘܿܢ ܐܸܢܘܿܢ. |
| [No book] |
[32]ܠܵܐ ܬܩܝܼܡ ܠܗܘܿܢ ܘܲܠܕܸܚܠܵܬ݂ܗܘܿܢ ܩܝܵܡܵܐ. |
| [No book] |
[33]ܘܠܵܐ ܢܸܬܿܒ݂ܘܿܢ ܒܐܲܪܥܵܟ݂: ܕܲܠܡܵܐ ܢܲܚܛܘܼܢܵܟ݂ ܩܕ݂ܵܡܲܝ: ܘܠܵܐ ܬܸܦܠܘܿܚ ܠܐܲܠܵܗܲܝܗܘܿܢ: ܕܠܵܐ ܢܸܗܘܘܿܢ ܠܵܟ݂ ܬܘܼܩܠܬ݂ܵܐ. |