|
|
| [1]Locutusque est Dominus ad Moysen, dicens: |
[No book] |
| [2]Ecce, vocavi ex nomine Beseleel filium Uri filii Hur de tribu Juda, |
[No book] |
| [3]et implevi spiritu Dei, sapientia, et intelligentia et scientia in omni opere, |
[No book] |
| [4]ad excogitandum quidquid fabrefieri potest ex auro, et argento, et ære, |
[No book] |
| [5]marmore, et gemmis, et diversitate lignorum. |
[No book] |
| [6]Dedique ei socium Ooliab filium Achisamech de tribu Dan. Et in corde omnis eruditi posui sapientiam: ut faciant cuncta quæ præcepi tibi, |
[No book] |
| [7]tabernaculum fœderis, et arcam testimonii, et propitiatorium, quod super eam est, et cuncta vasa tabernaculi, |
[No book] |
| [8]mensamque et vasa ejus, candelabrum purissimum cum vasis suis, et altaris thymiamatis, |
[No book] |
| [9]et holocausti, et omnia vasa eorum, labrum cum basi sua, |
[No book] |
| [10]vestes sanctas in ministerio Aaron sacerdoti, et filiis ejus, ut fungantur officio suo in sacris: |
[No book] |
| [11]oleum unctionis, et thymiama aromatum in sanctuario, omnia quæ præcepi tibi, facient. |
[No book] |
| [12]Et locutus est Dominus ad Moysen, dicens: |
[No book] |
| [13]Loquere filiis Israël, et dices ad eos: Videte ut sabbatum meum custodiatis: quia signum est inter me et vos in generationibus vestris: ut sciatis quia ego Dominus, qui sanctifico vos. |
[No book] |
| [14]Custodite sabbatum meum, sanctum est enim vobis: qui polluerit illud, morte morietur; qui fecerit in eo opus, peribit anima illius de medio populi sui. |
[No book] |
| [15]Sex diebus facietis opus: in die septimo sabbatum est, requies sancta Domino; omnis qui fecerit opus in hac die, morietur. |
[No book] |
| [16]Custodiant filii Israël sabbatum, et celebrent illud in generationibus suis. Pactum est sempiternum |
[No book] |
| [17]inter me et filios Israël, signumque perpetuum; sex enim diebus fecit Dominus cælum et terram, et in septimo ab opere cessavit. |
[No book] |
| [18]Deditque Dominus Moysi, completis hujuscemodi sermonibus in monte Sinai, duas tabulas testimonii lapideas, scriptas digito Dei. |
[No book] |