|
|
| [1]ܘܲܚܙܹ̇ܝܬ̣ ܡܲܛܠܠܵܐ ܕܲܠܥܸܠ ܡ̣ܢ ܪܹܫ ܟܪ̈ܘܼܒܹܐ: ܐܲܝܟ ܚܸܙܘܵܐ ܕܟܹܐܦܵܐ ܕܣܲܦܝܼܠܵܐ: ܘܐܲܝܟ ܚܸܙܘܵܐ ܕܲܕܼܡܘܼܬ̣ܵܐ ܕܟ̣ܘܼܪܣܝܵܐ ܠܥܸܠ ܡܸܢܗܘܿܢ. |
[No book] |
| [2]ܘܲܩ̣ܪܵܐ ܠܓܲܒ̣ܪܵܐ ܕܲܐܠܒ̣ܝܼܫ ܒܘܼܨܵܐ: ܘܐܸܡܲܪ ܠܹܗ: ܥܘܿܠ ܠܒܲܝܢܵܬ̣ ܓܝܼ̈ܓ̣ܠܹܐ ܠܲܬ̣ܚܹܝܬ̣ ܟܪ̈ܘܿܒܹܐ: ܘܲܡܠܝܼ ܚܘܼܦܢܲܝ̈ܟ ܓܘܼܡܪܹ̈ܐ ܕܢܘܼܪܵܐ ܡ̣ܢ ܒܲܝܢܵܬ̣ ܟܪ̈ܘܿܒܹܐ: ܘܲܕܼܪܝܼ ܥܲܠ ܡܕܼܝܼܢ̄ܬܵܐ: ܘܥܲܠ ܠܥܹܢܲܝ. |
[No book] |
| [3]ܘܲܟ̣ܪ̈ܘܿܒܹܐ ܩܵܝ̇ܡܝܼܢ ܗ̄ܘܼܵܘ ܡ̣ܢ ܝܲܡܝܼܢܹܗ ܕܒܲܝܬܵܐ: ܟܲܕܼ ܥܵܐܹ̇ܠ ܓܲܒ̣ܪܵܐ ܗܵܘܿ: ܘܕܼܵܪܬܵܐ ܓܵܘܵܝܬܵܐ ܐܸܬ̣ܡܲܠܝܲܬ̣ ܗ̄ܘܼܵܬ̣ ܥܢܵܢܵܐ. |
[No book] |
| [4]ܘܐܸܬܲܬ̇ܪܝܼܡ ܫܘܼܒ̣ܚܹܗ ܕܐܲܠܵܗܵܐ ܡ̣ܢ ܟܪܘܿܒ̣ܵܐ ܕܲܠܥܸܠ ܡ̣ܢ ܙܵܘܝܼܬ̣ܵܐ ܕܒܲܝܬܵܐ: ܘܐܸܬ̣ܡ̱ܠܝܼ ܒܲܝܬܵܐ ܥܢܵܢܵܐ: ܘܕܼܵܪܬܵܐ ܓܵܘܵܝܬܵܐ ܐܸܬ̣ܡܲܠܝܲܬ̤ ܗ̄ܘܼܵܬ̣ ܙܲܗܪܵܐ ܕܫܘܼܒ̣ܚܹܗ ܕܡܵܪܝܵܐ. |
[No book] |
| [5]ܘܩܵܠܵܐ ܕܓܸܦܲܝ̈ܗܘܿܢ ܕܲܟ̣ܪ̈ܘܿܒܹܐ ܡܸܫܬ̇ܡܲܥ ܗ̄ܘܼܵܐ: ܥܕܲܡܵܐ ܠܕܼܵܪܬܵܐ ܒܲܪܵܝܬܵܐ: ܐܲܝܟ ܩܵܠܹܗ ܕܐܲܠܵܗܵܐ ܡܵܐ ܕܲܡܡܲܠܸܠ. |
[No book] |
| [6]ܘܟܲܕܼ ܦ̣ܩܲܕܼ ܠܓܲܒ̣ܪܵܐ ܕܲܠܒ̣ܝܼܫ ܒܘܼܨܵܐ: ܐܸܡܲܪ ܠܹܗ: ܣܲܒ̣ ܢܘܼܪܵܐ ܡ̣ܢ ܒܹܝܬ̣ ܓܝܼ̈ܓ̣ܠܹܐ ܡ̣ܢ ܒܲܝܢܵܬ̣ ܟܪ̈ܘܿܒܹܐ: ܘܐܸܬ̣ܵܐ ܘܩܵܡ̣ ܥܲܠ ܓܸܢ̄ܒ̣ ܓܝܼ̈ܓ̣ܠܹܐ. |
[No book] |
| [7]ܘܐܵܘܫܸܛ ܟܪܘܿܒ̣ܵܐ ܐܝܼܕܹܗ ܡ̣ܢ ܒܲܝܢܵܬ̣ ܟܪ̈ܘܿܒܹܐ ܠܢܘܼܪܵܐ ܕܒܲܝܢܵܬ̣ ܟܪ̈ܘܿܒܹܐ: ܘܲܫ̣ܩܲܠ ܐܲܪܡܝܼ ܒܚܘܼܦܢܵܘ̈ܗܝ ܕܓܲܒ̣ܪܵܐ ܕܲܠܒ̣ܝܼܫ ܒܘܼܨܵܐ: ܘܲܢܣܲܒ̣ ܘܲܢܦܲܩ̣. |
[No book] |
| [8]ܘܲܚܙܹ̇ܝܬ̣ ܠܲܟ̣ܪ̈ܘܿܒܹܐ: ܕܡܘܼܬ̣ܵܐ ܕܐܝܼܕܼܵܐ ܕܒܲܪܢܵܫܵܐ ܬܚܹܝܬ̣ ܓܸܦܲܝ̈ܗܘܿܢ. |
[No book] |
| [9]ܘܲܚܙܹ̇ܝܬ̣ ܐܲܪܒܲܥ ܓܝܼ̈ܓ̣ܠܝܼܢ ܥܲܠ ܓܸܢ̄ܒ̣ ܟܪ̈ܘܿܒܹܐ: ܚܕܼܵܐ ܚܕܼܵܐ ܓܝܼܓ̣ܠܵܐ ܥܲܠ ܓܸܢ̄ܒ̣ ܟܪܘܿܒ̣ܵܐ ܚܲܕܼ: ܘܚܸܙ̱ܘܗܹܝܢ ܕܓ̣ܝܼ̈ܓ̣ܠܹܐ: ܐܲܝܟ ܚܸܙܘܵܐ ܕܟܹܐܦܵܐ ܕܬ̣ܵܪܫܝܼܫ. |
[No book] |
| [10]ܘܚܲܕܼ ܗ̄ܘܼܵܐ ܚܸܙ̱ܘܗܹܝܢ ܘܲܕܼܡܘܼܬ̣ܗܹܝܢ ܕܐܲܪ̈ܒ̇ܥܵܬܲܝܗܹܝܢ: ܐܲܝܟ ܓܝܼܓ̣ܠܵܐ ܒܓ̣ܵܘ ܓܝܼܓ̣ܠܵܐ. |
[No book] |
| [11]ܘܡܵܐ ܕܐܵܙܵܠ̄ـ̈ـܢ ܗ̄ܘܲܝ̈ ܥܲܠ ܐܲܪܒ̇ܥܵܐ ܓܲܒܲܝܗܹ̈ܝܢ ܐܵܙܵܠ̄ـ̈ـܢ ܗ̄ܘܲܝ̈: ܘܠܵܐ ܗܵܦ̈ܟܵܢ ܗ̄ܘܲܝ̈: ܐܸܠܵܐ ܠܐܲܬ̣ܪܵܐ ܕܐܵܙܵܠ̄ܐ ܗ̄ܘܼܵܬ̣ ܪܹܫܵܝܬ̇ܗܹܝܢ: ܒܵܬ̣ܪܵܗ̇ ܐܵܙܵܠ̄ܢ ܗ̄ܘܲܝ̈ ܘܠܵܐ ܡܸܬ̣ܗܲܦ̈ܟܵܢ ܗ̄ܘܲܝ̈. |
[No book] |
| [12]ܘܟ̣ܠܹܗ ܒܸܣ̱ܪܗܹܝܢ ܘܚܲܨܲܝ̈ܗܹܝܢ ܘܐܝܼܕܲܝ̈ܗܹܝܢ ܘܓܸܦܲܝ̈ܗܹܝܢ ܕܓ̣ܝܼ̈ܓ̣ܠܹܐ: ܡܠܸܐ ܥܲܝܢܹ̈ܐ ܗ̄ܘܲܝ̈ ܟܲܕܼ ܚܵܕܼܪ̈ܵܢ ܗ̄ܘܲܝ̈ ܠܓܲܒܲܝ̈ܗܹܝܢ. |
[No book] |
| [13]ܘܲܠܐܘܼܦܢܹ̈ܐ ܩ̣ܪܵܐ ܐܸܢܘܿܢ ܓܝܼ̈ܓ̣ܠܹܐ ܩܕܼܵܡܲܝ. |
[No book] |
| [14]ܘܐܲܪܒܲܥ ܐܲܦ̈ܝܼܢ ܠܚܲܕܼ ܚܲܕܼ ܡܸܢܗܘܿܢ: ܚܕܼܵܐ ܐܲܦܲܝ̈ ܟܪܘܿܒ̣ܵܐ: ܘܐ̄ܚܪܹܬ̣ܵܐ ܐܲܦܹ̈ܐ ܕܒܲܪܢܵܫܵܐ: ܘܐ̄ܚܪܹܬ̣ܵܐ ܐܲܦܹ̈ܐ ܕܐܲܪܝܵܐ: ܘܐ̄ܚܪܹܬ̣ܵܐ ܐܲܦܹ̈ܐ ܕܢܸܫܪܵܐ. |
[No book] |
| [15]ܘܐܸܬ̇ܬ̇ܪܝܼܡܘ ܟܪ̈ܘܿܒܹܐ: ܗܵܝ̇ ܚܲܝ̄ܘܬ̣ܵܐ ܕܲܚܙܹ̇ܝܬ̣ ܒܲܢܗܲܪ ܟܒܲܪ. |
[No book] |
| [16]ܘܡܵܐ ܕܐܵܙܠ̄ܝܼܢ ܗ̄ܘܼܵܘ ܟܪ̈ܘܿܒܹܐ: ܐܵܙܵܠ̄ـ̈ـܢ ܗ̄ܘܲܝ̈ ܓܝܼ̈ܓ̣ܠܹܐ ܥܲܡܗܘܿܢ: ܘܡܵܐ ܕܫܵܩ̇ܠܝܼܢ ܗ̄ܘܼܵܘ ܟܪ̈ܘܿܒܹܐ ܓܸܦܲܝ̈ܗܘܿܢ ܠܡܸܬ̇ܬ̇ܪܵܡܘܼ ܡ̣ܢ ܐܲܪܥܵܐ: ܠܵܐ ܗܵܦ̈ܟܵܢ ܗ̄ܘܝ̈ ܓܝܼ̈ܓ̣ܠܹܐ ܡܸܢܗܘܿܢ. |
[No book] |
| [17]ܘܡܵܐ ܕܩܵܝ̇ܡܝܼܢ ܗ̄ܘܼܵܘ ܩܵܝ̈ܡܵܢ ܗ̄ܘܲܝ̈: ܘܡܵܐ ܕܡܸܬ̇ܬ̇ܪܝܼܡܝܼܢ ܗ̄ܘܼܵܘ ܡܸܬ̇ܬ̇ܪ̈ܝܼܡܵܢ ܗ̄ܘܲܝ̈: ܘܡܵܐ ܕܫܵܩܠܝܼܢ ܗ̄ܘܼܵܘ ܟܪ̈ܘܿܒܹܐ ܓܸܦܲܝ̈ܗܘܿܢ: ܫܵܩ̈ܠܝܼܢ ܗ̄ܘܲܝ̈ ܓܝܼ̈ܓ̣ܠܹܐ ܥܲܡܗܘܿܢ: ܡܸܛܠ ܕܪܘܼܚܵܐ ܕܚܲܝܹ̈ܐ ܐܝܼܬ̣ ܗ̄ܘܼܵܬ̣ ܒܗܹܝܢ. |
[No book] |
| [18]ܘܲܢܦܲܩ̣ ܫܘܼܒ̣ܚܹܗ ܕܡܵܪܝܵܐ ܡ̣ܢ ܙܵܘܝܼܬ̣ܵܐ ܕܒܲܝܬܵܐ: ܘܩܵܡ̣ ܥܲܠ ܟܪ̈ܘܿܒܹܐ. |
[No book] |
| [19]ܘܲܫܩܲܠܘ ܟܪ̈ܘܿܒܹܐ ܓܸܦܲܝ̈ܗܘܿܢ: ܘܐܸܬ̇ܬ̇ܪܝܼܡܘ ܡ̣ܢ ܐܲܪܥܵܐ ܠܥܹܢܲܝ: ܘܟܲܕܼ ܢܦܲܩ̣ܘ ܓܝܼ̈ܓ̣ܠܹܐ ܥܲܡܗܘܿܢ ܗ̄ܘܲܝ̈: ܘܩܵܡܘ ܒܡܲܥܠܵܢܵܐ ܕܬܲܪܥܵܐ ܡܲܕܼܢ̱ܚܵܝܵܐ ܕܒܲܝܬܹ̇ܗ ܕܡܵܪܝܵܐ: ܘܫܘܼܒ̣ܚܹܗ ܕܐܲܠܵܗܵܐ ܕܝܼܣܪܵܝܹܠ: ܠܥܸܠ ܡܸܢܗܘܿܢ. |
[No book] |
| [20]ܗܵܕܲܐ ܗ̄ܝܼ ܚܲܝ̄ܘܼܬ̣ܵܐ ܕܲܚܙܹ̇ܝܬ̣ ܬܚܹܝܬ̣ ܐܲܠܵܗܵܐ ܕܝܼܣܪܵܝܹܠ ܥܲܠ ܢܗܲܪ ܟܒܲܪ: ܘܝܼܕܼܥܹ̇ܬ̣ ܕܲܟ̣ܪ̈ܘܿܒܹܐ ܐܸܢܘܿܢ. |
[No book] |
| [21]ܐܲܪܒܲܥ ܐܲܪܒܲܥ ܐܲܦ̈ܝܼܢ ܠܚܲܕܼ ܚܲܕܼ ܡܸܢܗܘܿܢ: ܘܐܲܪܒ̇ܥܵܐ ܓܸܦ̈ܝܼܢ ܠܚܲܕܼ ܡܸܢܗܘܿܢ: ܘܲܕܼܡܘܼܬ̣ܵܐ ܕܐܝܼܕܼܵܐ ܕܒܲܪܢܵܫܵܐ ܬܚܹܝܬ̣ ܓܸܦܲܝ̈ܗܘܿܢ. |
[No book] |
| [22]ܘܲܕܼܡܘܼܬ̣ܵܐ ܕܐܲܦܲܝ̈ܗܘܿܢ: ܐܲܝܟ ܗܵܠܹܝܢ ܐܲܦܹ̈ܐ ܕܲܚܙܹ̇ܝܬ̣ ܥܲܠ ܢܗܲܪ ܟܒܲܪ: ܘܗܵܟ̣ܘܵܬ̣ ܚܸܙ̱ܘܗܘܿܢ. ܘܚܲܕܼ ܚܲܕܼ ܠܓܲܒܹ̇ܗ ܐܵܙ̇ܠ̄ܝܼܢ ܗ̄ܘܼܵܘ. |
[No book] |