|
|
| [1]ܘܲܫܩܲܠܬܲܢܝ ܪܘܼܚܵܐ: ܘܐܲܝܬ̇ܝܵܬܲܢܝ ܠܬܲܪܥܵܐ ܡܲܕܼܢ̱ܚܵܝܵܐ ܕܒܲܝܬܹ̇ܗ ܕܡܵܪܝܵܐ ܕܚܵܐܲܪ ܠܡܲܕܼܢ̱ܚܵܐ: ܘܲܚܙܹ̇ܝܬ̣ ܒܡܲܥܠܵܢܵܐ ܕܬܲܪܥܵܐ ܥܸܣܪܝܼܢ ܘܚܲܡܫܵܐ ܓܲܒ̣ܪ̈ܝܼܢ: ܘܲܚܙܹ̇ܝܬ̣ ܒܲܝܢܵܬ̣ܗܘܿܢ ܠܝܲܥܙܲܢܝܵܐ ܒܲܪ ܥܵܙܘܿܪ: ܘܠܲܦܠܲܛܝܵܐ ܒܲܪ ܒܢܵܝܵܐ ܪܵܘܪ̈ܒ̣ܵܢܹܐ ܕܥܲܡܵܐ. |
[No book] |
| [2]ܘܐܸܡܲܪ ܠܝܼ ܡܵܪܝܵܐ: ܒܲܪܢܵܫܵܐ: ܗܵܠܹܝܢ ܐܸܢܘܿܢ ܓܲܒ̣ܪܹ̈ܐ ܕܡܸܬ̣ܚܲܫܒ̣ܝܼܢ ܥܸܬܵܐ: ܘܡܵܠܟ̇ܝܼܢ ܡܸܠ̈ܟܹ̇ܐ ܒܝܼܫܹ̈ܐ ܒܲܡܕܼܝܼܢ̄ܬܵܐ ܗܵܕܹܐ. |
[No book] |
| [3]ܘܐܵܡ̇ܪܝܼܢ: ܠܵܐ ܗ̄ܘܼܵܐ ܒܓ̣ܵܘܵܗ̇ ܒܢܲܝܢ ܒܵـ̈ـܬܹ̇ܐ: ܗ̤ܝ ܩܲܕܼܣܵܐ ܘܲܚܢܲܢ ܒܸܣܪܵܐ. |
[No book] |
| [4]ܡܸܟܹ̇ܝܠ ܐܸܬ̣ܢܲܒܵܐ ܥܠܲܝܗܘܿܢ: ܐܸܬ̣ܢܲܒܵܐ ܒܲܪܢܵܫܵܐ. |
[No book] |
| [5]ܘܢܸܦܠܲܬ̤ ܥܠܲܝ ܪܘܼܚܹܗ ܕܡܵܪܝܵܐ: ܘܐܸܡܲܪ ܠܝܼ: ܐܸܡܲܪ ܗܵܟܲܢܵܐ ܐܵܡܲܪ ܡܵܪܐ ܡܵܪ̈ܵܘܵܬ̣ܵܐ: ܗܵܟܲܢܵܐ ܪܚܸܡ̣ܬ̇ܘܿܢ ܒܢܲܝ̈ ܝܑܼܣܪܵܝܹܠ: ܘܬܲܪ̈ܥܝܵܬ̣ܵܐ ܕܪܘܼܚܟ̣ܘܿܢ ܐܸܢܵܐ ܝܵܕܲܥ ܐ̄ܢܵܐ ܠܗܹܝܢ. |
[No book] |
| [6]ܐܲܣܓ̇ܝܼܬ̇ܘܿܢ ܩܛܝܼܠܲܝ̈ܟ̇ܘܿܢ ܒܲܡܕܼܝܼܢ̄ܬܵܐ ܗܵܕܹܐ: ܘܲܡܠܲܝܬ̇ܘܿܢ ܫܘܼܩܹ̈ܝܗ̇ ܚܪ̈ܝܼܒܹܐ. |
[No book] |
| [7]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܚܪ̈ܝܼܒܲܝܟ̇ܘܿܢ ܕܐܲܪܡܝܼܬ̇ܘܿܢ ܒܓ̣ܵܘܵܗ̇: ܗܸܢܘܿܢ ܐܸܢܘܿܢ ܒܸܣܪܵܐ ܘܗ̤ܝ ܩܲܕܼܣܵܐ: ܘܲܠܟ̣ܘܿܢ ܡܲܦܸܩ ܐ̄ܢܵܐ ܡ̣ܢ ܓܵܘܵܗ̇. |
[No book] |
| [8]ܡ̣ܢ ܚܲܪܒܵܐ ܕܚܸܠܬ̇ܘܿܢ: ܘܚܲܪܒܵܐ ܐܲܝܬܸ̇ܐ ܥܠܲܝܟ̇ܘܿܢ: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [9]ܘܐܲܦܸܩܟ̣ܘܿܢ ܡ̣ܢ ܓܵܘܵܗ̇: ܘܐܲܫܠܸܡܟ̣ܘܿܢ ܒܐܝܼܕܼܵܐ ܕܢܘܼܟ̣ܪ̈ܵܝܹܐ: ܘܐܸܥܒܸ̇ܕܼ ܡܸܢܟ̣ܘܿܢ ܕܝܼܢܹ̈ܐ. |
[No book] |
| [10]ܒܚܲܪܒܵܐ ܬܸܦܠܘܿܢ: ܘܥܲܠ ܬܚܘܼܡܵܐ ܕܝܼܣܪܵܝܹܠ ܐܹܕ̇ܘܼܢܟ̣ܘܿܢ: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[No book] |
| [11]ܘܗ̤ܝ ܠܵܐ ܬܸܗܘܹܐ ܠܟ̣ܘܿܢ ܩܲܕܼܣܵܐ: ܘܐܲܢ̄ܬ̇ܘܿܢ ܠܵܐ ܬܸܗܘܘܿܢ ܒܓ̣ܵܘܵܗ̇ ܒܸܣܪܵܐ: ܥܲܠ ܬܚܘܼܡܵܐ ܕܝܼܣܪܵܝܹܠ ܐܹܕ̇ܢܟ̣ܘܿܢ. |
[No book] |
| [12]ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܕܲܒ̣ܦܘܼܩ̈ܕܵܢܲܝ ܠܵܐ ܗܲܠܸܟ̣ܬ̇ܘܿܢ: ܘܕܼܝܼܢܲܝ̈ ܠܵܐ ܥܒܲܕ̇ܬ̇ܘܿܢ: ܘܐܲܝܟ ܕܝܼܢܹ̈ܐ ܕܥܲܡܡܹ̈ܐ ܕܲܚܕܼܵܪ̈ܲܝܟ̇ܘܿܢ ܥܒܲܕ̇ܬ̇ܘܿܢ. |
[No book] |
| [13]ܘܟܲܕܼ ܐܸܬ̣ܢܲܒ̇ܝܼܬ̇: ܡܝܼܬ̣ ܦܠܲܛܝܵܐ ܒܲܪ ܒܢܵܝܵܐ: ܘܢܸܦܠܹ̇ܬ̣ ܥܲܠ ܐܲܦܲܝ̈: ܘܐܲܝܠܠܹܬ̣ ܒܩܵܠܵܐ ܪܵܡܵܐ: ܘܐܸܡ̇ܪܹܬ̣: ܐܘܿܗ ܡܵܪܹܐ ܡܵܪ̈ܵܘܵܬ̣ܵܐ: ܣܵܘܦܵܢܵܐ ܥܵܒܹ̇ܕܼ ܐܲܢ̄ܬ̇ ܠܫܲܪܟܹ̇ܗ ܕܝܼܣܪܵܝܹܠ. |
[No book] |
| [14]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [15]ܒܲܪܢܵܫܵܐ: ܐܲܚܲܝ̈ܟ ܐܲܚܲܝ̈ܟ ܐ̄ܢܵܫܵܐ ܕܲܫܒ̣ܝܼܬ̣ܵܟ: ܘܟ̣ܠܗܘܿܢ ܕܒܹܝܬ̣ ܝܑܼܣܪܵܝܹܠ ܢܣܘܼܦܘܼܢ: ܕܐܸܡܲܪܘ ܠܗܘܿܢ ܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܐܸܬ̣ܪܲܚܲܩܘ ܡ̣ܢ ܡܵܪܝܵܐ: ܠܲܢ ܗ̄ܘܼ ܓܹܝܪ ܐܸܬ̣ܝܲܗܒܲܬ̤ ܐܲܪܥܵܐ ܠܝܵܪܬ̇ܘܼܬ̣ܵܐ. |
[No book] |
| [16]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܸܕܼܚܘܿܩ ܐܸܢܘܿܢ ܒܥܲܡܡܹ̈ܐ: ܘܐܹܒܲܕܲܪ ܐܸܢܘܿܢ ܒܐܲܪ̈ܥܵܬ̣ܵܐ: ܘܐܸܗܘܹܐ ܠܗܘܿܢ ܠܡܲܩܕ̇ܫܵܐ ܙܥܘܿܪܵܐ ܒܐܲܪ̈ܥܵܬ̣ܵܐ ܕܐܸܙܲܠ̣ܘ ܠܗܹܝܢ. |
[No book] |
| [17]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܹܟܲܢܫܟ̣ܘܿܢ ܡ̣ܢ ܥܲܡܡܹ̈ܐ: ܘܐܹܩܲܪܸܒ̣ܟ̣ܘܿܢ ܡ̣ܢ ܐܲܪ̈ܥܵܬ̣ܵܐ ܕܐܸܬ̣ܒܲܕܲܪܬ̇ܘܿܢ ܒܗܹܝܢ: ܘܐܸܬܸ̇ܠ ܠܟ̣ܘܿܢ ܐܲܪܥܵܐ ܕܝܼܣܪܵܝܹܠ. |
[No book] |
| [18]ܘܢܸܥܠܘܿܢ ܠܵܗ̇: ܘܢܸܥܒ̇ܪܘܿܢ ܟܠܗܹܝܢ ܕܸܚ̈ܠܵܬ̣ܵܗ̇: ܘܟ̣ܠܗܹܝܢ ܛܲܢܦ̈ܘܵܬ̣ܵܗ̇ ܡܸܢܵܗ̇. |
[No book] |
| [19]ܘܐܸܬܸ̇ܠ ܠܗܘܿܢ ܠܸܒܵܐ ܚܲܕܼܬ̣ܵܐ: ܘܪܘܼܚܵܐ ܚܕܲܬܵܐ ܐܸܬܸ̇ܠ ܒܗܘܿܢ: ܘܐܲܥܒܲܪ ܠܸܒܵܐ ܕܟܹܐܦܵܐ ܡ̣ܢ ܒܸܣ̱ܪܗܘܿܢ: ܘܐܸܬܸ̇ܠ ܠܗܘܿܢ ܠܸܒܵܐ ܕܒܸܣܪܵܐ. |
[No book] |
| [20]ܘܲܢܗܲܠܟ̣ܘܿܢ ܒܦܘܼܩ̈ܕܵܢܲܝ: ܘܢܸܛܪܘܼܢ ܕܝܼܢܲܝ̈ ܘܢܸܥܒ̇ܕܼܘܼܢ ܐܸܢܘܿܢ: ܘܢܸܗܘܘܿܢ ܠܝܼ ܥܲܡܵܐ: ܘܐܸܢܵܐ ܐܸܗܘܹܐ ܠܗܘܿܢ ܐܲܠܵܗܵܐ. |
[No book] |
| [21]ܒܪܸܥܝܵܢܵܐ ܓܹܝܪ ܕܲܦܬܲܟ̣ܪ̈ܲܝܗܘܿܢ ܘܲܕܼܛܲܢܦ̈ܘܵܬ̣ܗܘܿܢ ܐܵܙܹ̇ܠ ܗ̄ܘܼܵܐ ܠܸܒ̇ܗܘܿܢ: ܐܘܼܪ̈ܚܵܬ̣ܗܘܿܢ ܐܹܦܪܘܿܥ ܒܪܹܫܗܘܿܢ: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [22]ܘܐܲܪܝܼܡܘ ܟܪ̈ܘܿܒܹܐ ܓܸܦܲܝ̈ܗܘܿܢ: ܘܓ̣ܝܼ̈ܓ̣ܠܹܐ ܥܲܡܗܘܿܢ: ܘܫܘܼܒ̣ܚܹܗ ܕܐܲܠܵܗܵܐ ܕܝܼܣܪܵܝܹܠ ܠܥܸܠ ܡܸܢܗܘܿܢ. |
[No book] |
| [23]ܘܐܸܬ̇ܬ̇ܪܝܼܡ ܫܘܼܒ̣ܹܚܹܗ ܕܡܵܪܝܵܐ ܡ̣ܢ ܓܵܘ ܡܕܼܝܼܢ̄ܬܵܐ: ܘܩܵܡ̣ ܥܲܠ ܛܘܼܪܵܐ ܕܲܒ̣ܡܲܕܼܢ̱ܚܵܝܵܗ̇ ܕܲܡܕܼܝܼܢ̄ܬܵܐ. |
[No book] |
| [24]ܘܪܘܼܚܵܐ ܫܩܲܠܬܲܢܝ: ܘܐܲܝܬ̇ܝܵܬܲܢܝ ܠܐܲܪܥܵܐ ܕܟܲܠܕܵܝܹ̈ܐ ܠܲܫܒ̣ܝܼܬ̣ܵܐ: ܒܚܸܙܘܵܐ ܘܲܒ̣ܪܘܼܚܵܐ ܕܐܲܠܵܗܵܐ: ܘܲܦܪܲܩ̣ ܠܹܗ ܡܹܢܝ ܚܸܙܘܵܐ ܕܲܚܙܹ̇ܝܬ̣. |
[No book] |
| [25]ܘܡܲܠܠܹ̇ܬ̣ ܥܲܡ ܫܒ̣ܝܼܬ̣ܵܐ: ܟܠܗܘܿܢ ܦܸܬ̣ܓ̣ܵܡܵܘ̈ܗܝ ܕܡܵܪܝܵܐ ܕܚܵܘܝܲܢܝ. |
[No book] |