|
|
| [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[1]ויהי דבר יהוה אלי לאמר |
| [2]ܒܲܪܢܵܫܵܐ: ܐܸܬ̣ܢܲܒܵܐ ܥܲܠ ܢܒ̣ܝܹ̈ܐ ܕܝܼܣܪܵܝܹܠ ܕܡܸܬ̣ܢܲܒܹ̇ܝܢ ܠܗܘܿܢ: ܘܐܸܡܲܪ ܠܐܲܝܠܹܝܢ ܕܡܸܬ̣ܢܲܒܹ̇ܝܢ ܡ̣ܢ ܠܸܒ̇ܗܘܿܢ: ܫܡܲܥܘ ܦܸܬ̣ܓ̣ܵܡܹܗ ܕܡܵܪܹܐ ܡܵܪ̈ܵܘܵܬ̣ܵܐ. |
[2]בן אדם הנבא אל נביאי ישראל הנבאים ואמרת לנביאי מלבם שמעו דבר יהוה |
| [3]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܘܵܝ ܠܲܢܒ̣ܝܹ̈ܐ ܫܵܛܲـ̈ـܝܵܐ: ܕܐܵܙܠ̄ܝܼܢ ܒܵܬܲܪ ܪܘܼܚܗܘܿܢ ܕܠܵܐ ܚ̣ܙܵܘ ܚܸܙܘܵܐ. |
[3]כה אמר אדני יהוה הוי על הנביאים הנבלים אשר הלכים אחר רוחם ולבלתי ראו |
| [4]ܐܲܝܟ ܬܲܥ̈ܠܹܐ ܒܚܲܪ̈ܒ̣ܵܬ̣ܵܐ ܗܘ̤ܵܘ ܢܒ̣ܝܲܝ̈ܟ ܝܑܼܣܪܵܝܹܠ. |
[4]כשעלים בחרבות־נביאיך ישראל היו |
| [5]ܠܵܐ ܣܠܸܩܬ̇ܘܿܢ ܒܬ̣ܘܼܪ̱ܥܬ̣ܵܐ: ܐܵܦ ܠܵܐ ܣܵܓ̣ܬ̇ܘܿܢ ܣܝܵܓ̣ܵܐ ܥܲܠ ܕܒܹܝܬ̣ ܝܑܼܣܪܵܝܹܠ: ܠܲܡܩܵܡ ܒܲܩܪܵܒ̣ܵܐ ܒܝܵܘܡܹܗ ܕܡܵܪܝܵܐ. |
[5]לא עליתם בפרצות ותגדרו גדר על בית ישראל לעמד במלחמה ביום יהוה |
| [6]ܕܐܵܡ̇ܪܝܼܢ ܗܵܟܲܢܵܐ ܐܵܡܲܪ ܡܵܪܝܵܐ: ܘܡܵܪܝܵܐ ܠܵܐ ܫܲܕܲܪ ܐܸܢܘܿܢ: ܘܫܲܪܝܿܘ ܠܲܡܩܵܡܘܼ ܡܸܠܬ̣ܵܐ ܕܲܓܵܠܬܵܐ. |
[6]חזו שוא וקסם כזב־האמרים נאם יהוה ויהוה לא שלחם ויחלו לקים דבר |
| [7]ܚܸܙܘܵܐ ܣܪܝܼܩܵܐ ܚܙܲܝܬ̇ܘܿܢ: ܘܩܸܨܡܵܐ ܕܲܓܵܠܵܐ ܐܸܡܲܪܬ̇ܘܿܢ: ܘܐܵܡ̇ܪܝܼܢ ܐ̄ܢܬ̇ܘܿܢ ܐܸܡܲܪ ܡܵܪܝܵܐ: ܘܐܸܢܵܐ ܠܵܐ ܐܸܡ̇ܪܹܬ̣. |
[7]הלוא מחזה שוא חזיתם ומקסם כזב אמרתם ואמרים נאם יהוה ואני לא דברתי |
| [8]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܲܚܙܲܝܬ̇ܘܿܢ ܣܪܝܼܩܘܼܬ̣ܵܐ ܘܡܲܠܠܬ̇ܘܿܢ ܕܲܓܵܠܘܼܬ̣ܵܐ: ܗܵܐ ܐܸܢܵܐ ܥܠܲܝܟ̇ܘܿܢ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[8]לכן כה אמר אדני יהוה יען דברכם שוא וחזיתם כזב־לכן הנני אליכם נאם אדני יהוה |
| [9]ܘܬܸܗܘܹܐ ܐܝܼܕܼܝ ܥܲܠ ܢܒ̣ܝܹ̈ܐ ܕܚܵܙܹ̇ܝܢ ܣܪܝܼܩܘܼܬ̣ܵܐ ܘܩܵܨ̇ܡܝܼܢ ܕܲܓܵܠܘܼܬ̣ܵܐ: ܒܓ̣ܵܘ ܥܲܡܝ ܠܵܐ ܢܸܗܘܘܿܢ: ܘܒܲܟ̣ܬ̣ܵܒ̣ܵܐ ܕܒܹܝܬ̣ ܝܑܼܣܪܵܝܹܠ ܠܵܐ ܢܸܬ̣ܟܲܬ̣ܒ̇ܘܼܢ: ܘܠܲܐܪܥܵܐ ܕܝܼܣܪܵܝܹܠ ܠܵܐ ܢܸܥܠܘܼܢ: ܘܬܸܕܼܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܹܐ ܡܵܪ̈ܵܘܵܬ̣ܵܐ. |
[9]והיתה ידי אל הנביאים החזים שוא והקסמים כזב בסוד עמי לא יהיו ובכתב בית ישראל לא יכתבו ואל אדמת ישראל לא יבאו וידעתם כי אני אדני יהוה |
| [10]ܥܲܠ ܕܐܲܛܥܝܼܘ ܠܥܲܡܝ: ܘܐܸܡܲܪܘ ܫܠܵܡܵܐ ܘܠܲܝܬ̇ ܫܠܵܡܵܐ: ܘܗ̤ܘ ܒܵܢܹ̇ܐ ܗ̄ܘܼܵܐ ܐܸܣܬ̣ܵܐ ܘܗܸܢܘܿܢ ܛܵܪܹܝܢ ܗ̄ܘܼܵܘ ܠܵܗ̇ ܕܬܸܦܸܠ. |
[10]יען וביען הטעו את עמי לאמר שלום־ואין שלום והוא בנה חיץ והנם טחים אתו תפל |
| [11]ܐܸܡܲܪ ܠܗܵܢܘܿܢ ܕܛܵܪܹܝܢ ܠܵܗ̇ ܕܬܸܦܸܠ: ܗܵܐ ܐܸܢܵܐ ܝܵܗܹ̇ܒ̣ ܐ̄ܢܵܐ ܡܸܛܪܵܐ ܕܓ̣ܵܪܹܦ: ܘܟܹܐܦܹ̈ܐ ܕܕܲܚܪܵܐ ܢܸܦ̈ܠܵܢ: ܘܪܘܼܚܵܐ ܕܥܲܠܥܵܠܵܐ. |
[11]אמר אל טחי תפל ויפל היה גשם שוטף ואתנה אבני אלגביש תפלנה ורוח סערות תבקע |
| [12]ܘܬܸܬ̇ܪܲܥ ܘܬܸܦܸܠ ܐܸܣܬ̣ܵܐ: ܘܢܸܬ̣ܐ̱ܡܲܪ ܠܟ̣ܘܿܢ: ܐܲܝܟܵܘ ܛܪܵܝܵܐ ܕܲܛܪܲܝܬ̇ܘܿܢ. |
[12]והנה נפל הקיר הלוא יאמר אליכם איה הטיח אשר טחתם |
| [13]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܸܫܸܒ̣ ܪܘܼܚܵܐ ܕܥܲܠܥܵܠܵܐ ܒܚܸܡܬ̣ܝ: ܘܡܸܛܪܵܐ ܕܓ̣ܵܪܹܦ ܢܸܗܘܹܐ ܒܪܘܼܓ̣ܙܝ: ܘܟܹܐܦܹ̈ܐ ܕܕܲܚܪܵܐ ܒܚܸܡܬ̣ܝ ܢܵܘ̈ܒ̇ܕܼܵܢ. |
[13]לכן כה אמר אדני יהוה ובקעתי רוח סערות בחמתי וגשם שטף באפי יהיה ואבני אלגביש בחמה לכלה |
| [14]ܘܐܸܣܚ̄ܦܝܼܗ̇ ܠܐܸܣܬ̣ܵܐ ܕܲܛܪܲܝܬ̇ܘܿܢ ܘܬܸܦܸܠ: ܘܐܲܪܡܹܝܗ̇ ܒܐܲܪܥܵܐ ܘܢܸܬ̣ܓܲܠ̈ܝܵܢ ܫܲܬ̣ܐ̱ܣܹ̈ܝܗ̇: ܘܬܸܦܠܘܼܢ ܘܬܸܣܬܲܚܦܘܼܢ ܒܓ̣ܵܘܵܗ̇: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[14]והרסתי את הקיר אשר טחתם תפל והגעתיהו אל הארץ־ונגלה יסדו ונפלה וכליתם בתוכה וידעתם כי אני יהוה |
| [15]ܘܐܹܫܲܡܠܵܐ ܪܘܼܓ̣ܙܝ ܒܐܸܣܬ̣ܵܐ: ܘܒܲܐܝܠܹܝܢ ܕܛܵܪܹܝܢ ܗ̄ܘܼܵܘ ܠܵܗ̇ ܟܲܕܼ ܬܸܦܸܠ. ܘܢܸܬ̣̱ܐܡܲܪ ܠܟ̣ܘܿܢ ܐܲܝܟܵܐ ܗ̄ܝܼ ܐܸܣܬ̣ܵܐ: ܘܐܲܝܟܵܐ ܐܸܢܘܿܢ ܗܵܢܘܿܢ ܕܛܵܪܹܝܢ ܗ̄ܘܼܵܘ ܠܵܗ̇. |
[15]וכליתי את חמתי בקיר ובטחים אתו תפל ואמר לכם אין הקיר ואין הטחים אתו |
| [16]ܗܵܠܹܝܢ ܐܸܢܘܿܢ ܢܒ̣ܝܹ̈ܐ ܕܝܼܣܪܵܝܹܠ ܕܡܸܬ̣ܢܲܒܹ̇ܝܢ ܥܲܠ ܐܘܿܪܸܫܠܸܡ: ܘܚܵܙܹ̇ܝܢ ܠܵܗ̇ ܚܸܙ̈ܘܹܐ ܕܲܫܠܵܡܵܐ: ܘܠܲܝܬ̇ ܫܠܵܡܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[16]נביאי ישראל הנבאים אל ירושלם והחזים לה חזון שלם ואין שלם נאם אדני יהוה |
| [17]ܘܐܲܢ̄ܬ̇ ܒܲܪܢܵܫܵܐ: ܣܝܼܡ ܐܲܦܲܝ̈ܟ ܥܲܠ ܒ̈ܢܵܬ̣ ܥܲܡܵܟ ܕܡܸܬ̣ܢܲܒ̇ـ̈ـܝܵܢ ܡ̣ܢ ܠܸܒ̇ܗܹܝܢ: ܐܸܬ̣ܢܲܒܵܐ ܥܠܲܝܗܹܝܢ ܘܐܸܡܲܪ ܠܗܹܝܢ. |
[17]ואתה בן אדם שים פניך אל בנות עמך המתנבאות מלבהן והנבא עליהן |
| [18]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܘܵܝ ܠܲܕܼܚܵܝ̈ܛܵܢ ܒܸܣܵـ̈ـܕܼܘܵܬ̣ܵܐ ܠܝܲܨܝܼ̈ܠܹܐ ܕܐܝܼ̈ܕܲܝܵܐ: ܘܥܵܒ̣̈ܕܵܢ ܬܲܟ̣ܣ̈ܝܵܬ̣ܵܐ ܠܟ̣ܠ ܪܹܫ ܘܲܠܟ̣ܠ ܩܵܘܡܵܐ: ܠܲܡܨܵܕܼ ܢܲܦ̮̈ܫܵܬ̣ܵܐ. ܢܲܦ̮̈ܫܵܬܹܗ ܕܥܲܡܝ ܨܵܝ̈ܕܵܢ ܐ̄ܢܬܹ̇ܝܢ: ܘܢܲܦ̮ܫܵܬ̣ܟܹܝܢ ܕܝܼܠܟܹܝܢ ܡܲܚ̈ܝܵܢ ܐ̄ܢܬܹ̇ܝܢ. |
[18]ואמרת כה אמר אדני יהוה הוי למתפרות כסתות על כל אצילי ידי ועשות המספחות על ראש כל קומה־לצודד נפשות הנפשות תצודדנה לעמי ונפשות לכנה תחיינה |
| [19]ܘܛܵܘܸܫ̈ܬܹ̇ܢܵܝܗܝ ܠܥܲܡܝ ܒܚܘܼܦܢܹ̈ܐ ܕܲܣܥܵܪܹ̈ܐ: ܘܒܲܩܨܵܝܹ̈ܐ ܕܠܲܚܡܵܐ: ܠܡܸܩܛܲܠ ܢܲܦ̮̈ܫܵܬ̣ܵܐ ܐܲܝܠܹܝܢ ܕܠܵܐ ܚܲܝܵـ̈ـܒ̣ܵܢ ܗ̄ܘܲܝ̈ ܠܲܡܡܵܬ̣ ܘܲܠܡܲܚܵܝܘܼ ܢܲܦ̮̈ܫܵܬ̣ܵܐ ܕܐܲܝܠܹܝܢ ܕܠܵܐ ܚܲܝܵـ̈ـܒ̣ܵܢ ܗ̄ܘܲܝ̈ ܠܡܸܚܵܐ: ܘܟܲܕܸ̇ܒ̣̈ܬܹ̇ܝܢ ܠܥܲܡܵܐ ܕܲܫܡܲܥ ܟܲܕܵܒ̣ܘܼܬ̣ܵܐ. |
[19]ותחללנה אתי אל עמי בשעלי שערים ובפתותי לחם להמית נפשות אשר לא תמותנה ולחיות נפשות אשר לא תחיינה בכזבכם־לעמי שמעי כזב |
| [20]ܡܸܛܠ ܗܵܢܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܥܲܠ ܒܸܣܵـ̈ـܕܼܘܵܬ̣ܟܹܝܢ ܕܨܵܝ̈ܕܵܢ ܐ̄ܢܬܹ̇ܝܢ ܒܗܘܿܢ ܢܲܦ̮̈ܫܵܬ̣ܵܐ: ܘܐܸܨܪܸܐ ܐܸܢܘܿܢ ܡ̣ܢ ܕܪ̈ܵܥܲܝܟܹ̇ܝܢ: ܘܐܸܫܪܹܐ ܢܲܦ̮̈ܫܵܬ̣ܵܐ ܐܲܝܠܹܝܢ ܕܨܵܝ̈ܕܵܢ ܐ̄ܢܬܹ̇ܝܢ: ܘܐܲܦܪܲܚ ܐܸܢܹܝܢ. |
[20]לכן כה אמר אדני יהוה הנני אל כסתותיכנה אשר אתנה מצדדות שם את הנפשות לפרחות וקרעתי אתם מעל זרועתיכם ושלחתי את הנפשות אשר אתם מצדדות את נפשים לפרחת |
| [21]ܘܐܸܨܪܸܐ ܡܵܐܢܲܝ̈ܟܹ̇ܝܢ: ܘܐܹܦܲܨܹܐ ܠܥܲܡܝ ܡ̣ܢ ܐܝܼܕܲܝ̈ܟܹ̇ܝܢ: ܘܬ̣ܘܼܒ̣ ܠܵܐ ܢܸܫܬܲܠܡܘܼܢ ܒܲܡܨܝܼܕ̇ܬܵܐ ܒܐܝܼܕܲܝ̈ܟܹ̇ܝܢ: ܘܬܸܕ̇ܥܵـ̈ـܢ ܕܐܸܢܵܐ ܐ̄ܢܵܐ ܡܵܪܝܵܐ. |
[21]וקרעתי את מספחתיכם והצלתי את עמי מידכן ולא יהיו עוד בידכן למצודה וידעתן כי אני יהוה |
| [22]ܥܲܠ ܕܲܡܚܲܝ̈ܬܹ̇ܝܢ ܠܸܒܹ̇ܗ ܕܙܲܕ̇ܝܼܩܵܐ ܒܕܲܓܵܠܘܼܬ̣ܵܐ: ܘܐܸܢܵܐ ܠܵܐ ܐܲܟ̣ܐܸܒ̣ܬܹ̇ܗ: ܘܚܲܡܣܸܢܬܹ̇ܝ̈ܢ ܐܝܼ̈ܕܲܝܵܐ ܕܥܵܘܿܠܹܐ: ܕܠܵܐ ܢܸܗܦ̄ܟ̣ܘܿܢ ܡ̣ܢ ܐܘܼܪ̈ܚܵܬ̣ܗܘܿܢ ܒܝܼ̈ܫܵܬ̣ܵܐ ܘܢܸܚܘܿܢ. |
[22]יען הכאות לב צדיק שקר ואני לא הכאבתיו ולחזק ידי רשע לבלתי שוב מדרכו הרע להחיתו |
| [23]ܡܸܟܹ̇ܝܠ ܣܪܝܼܩܘܼܬ̣ܵܐ ܠܵܐ ܬܸܚ̈ܙܝܵܢ: ܘܬ̣ܘܼܒ̣ ܩܸܨܡܵܐ ܠܵܐ ܬܸܩܨ̈ܡܵܢ: ܘܐܹܦܲܨܹܐ ܠܥܲܡܝ ܡ̣ܢ ܐܝܼܕܲܝ̈ܟܹ̇ܝܢ: ܘܬܸܕ̇ܥܵـ̈ـܢ ܕܐܸܢܵܐ ܐ̄ܢܵܐ ܡܵܪܝܵܐ. |
[23]לכן שוא לא תחזינה וקסם לא תקסמנה עוד והצלתי את עמי מידכן וידעתן כי אני יהוה |