|
|
| [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[1]ויהי דבר יהוה אלי לאמר |
| [2]ܒܲܪܢܵܫܵܐ: ܒܓ̣ܵܘ ܒܲܝܬܵܐ ܡܡܲܪܡܪܵܢܵܐ ܝܵܬܹ̇ܒ̣ ܐܲܢ̄ܬ̇: ܕܥܲܝܢܹ̈ܐ ܐܝܼܬ̣ ܠܗܘܿܢ ܘܠܵܐ ܚܵܙܹ̇ܝܢ: ܘܐܸܕܼܢܹ̈ܐ ܐܝܼܬ̣ ܠܗܘܿܢ ܘܠܵܐ ܫܵܡ̇ܥܝܼܢ: ܡܸܛܠ ܕܒܲܝܬܵܐ ܐܸܢܘܿܢ ܡܡܲܪܡܪܵܢܵܐ. |
[2]בן אדם בתוך בית המרי אתה ישב אשר עינים להם לראות ולא ראו אזנים להם לשמע ולא שמעו־כי בית מרי הם |
| [3]ܐܲܢ̄ܬ̇ ܕܹܝܢ ܒܲܪܢܵܫܵܐ: ܥܒܸܕܼ ܠܵܟ ܡܵܐܢܹ̈ܐ ܕܲܫܒ̣ܝܼܬ̣ܵܐ: ܘܐܸܫܬܲܒ̣ܚ̄ ܒܐܝܼܡܵܡܵܐ ܠܥܹܢܲܝܗܘܿܢ: ܡ̣ܢ ܐܲܬ̣ܪܵܟ ܠܐܲܬ̣ܪܵܐ ܐ̄ܚܪܹܢܵܐ ܕܢܸܚܙܘܿܢ: ܡܸܛܠ ܕܒܲܝܬܵܐ ܐܸܢܘܿܢ ܡܡܲܪܡܪܵܢܵܐ. |
[3]ואתה בן אדם עשה לך כלי גולה וגלה יומם לעיניהם וגלית ממקומך אל מקום אחר לעיניהם־אולי יראו כי בית מרי המה |
| [4]ܘܐܲܦܸܩ ܡܵܐܢܲܝ̈ܟ ܐܲܝܟ ܡܵܐܢܹ̈ܐ ܕܲܫܒ̣ܝܼܬ̣ܵܐ ܒܐܝܼܡܵܡܵܐ ܠܥܹܢܲܝܗܘܿܢ: ܘܐܲܢ̄ܬ̇ ܦܘܿܩ ܒܪܲܡܫܵܐ ܐܲܝܟ ܕܲܒ̣ܫܸܒ̣ܝܵܐ. |
[4]והוצאת כליך ככלי גולה יומם־לעיניהם ואתה תצא בערב לעיניהם כמוצאי גולה |
| [5]ܘܲܬ̣ܪܘܿܥ ܐܸܣܬ̣ܵܐ ܠܥܹܢܲܝܗܘܿܢ ܘܦܘܿܩ ܒܵܗ̇. |
[5]לעיניהם חתר לך בקיר והוצאת בו |
| [6]ܘܲܫܩܘܿܠ ܫܩܘܼܠܬܵܐ ܥܲܠ ܟܲܬܦܵܟ: ܘܦܘܿܩ ܒܥܲܡܛܵܢܵܐ: ܘܟܲܣܵܐ ܐܲܦܲܝ̈ܟ ܘܠܵܐ ܬܸܚܙܹܐ ܠܐܲܪܥܵܐ: ܡܸܛܠ ܕܐܵܬ̤ܵܐ ܝܲܗ̄ܒ̣ܬܵܟ ܠܲܕܼܒܹܝܬ̣ ܝܑܼܣܪܵܝܹܠ. |
[6]לעיניהם על כתף תשא בעלטה תוציא־פניך תכסה ולא תראה את הארץ כי מופת נתתיך לבית ישראל |
| [7]ܘܥܸܒ̣ܕܹ̇ܬ̣ ܗܵܟܲܢܵܐ ܐܲܝܟ ܕܦܲܩ̣ܕܲܢܝ: ܡܵܐܢܲܝ̈ ܐܲܦܩܹ̇ܬ̣ ܒܐܝܼܡܵܡܵܐ: ܐܲܝܟ ܡܵܐܢܹ̈ܐ ܕܲܫܒ̣ܝܼܬ̣ܵܐ: ܘܐܸܣܬ̣ܵܐ ܬܸܪܥܹܬ̣ ܒܪܲܡܫܵܐ: ܘܲܒ̣ܥܲܡܛܵܢܵܐ ܢܸܦܩܹ̇ܬ̣: ܘܥܲܠ ܟܲܬ̣ܦܝ ܫܸܩܠܹ̇ܬ̣ ܠܥܹܢܲܝܗܘܿܢ. |
[7]ואעש כן כאשר צויתי כלי הוצאתי ככלי גולה יומם ובערב חתרתי לי בקיר ביד בעלטה הוצאתי על כתף נשאתי לעיניהם |
| [8]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܒܨܲܦܪܵܐ ܠܡܹܐܡܲܪ. |
[8]ויהי דבר יהוה אלי בבקר לאמר |
| [9]ܒܲܪܢܵܫܵܐ: ܐܸܢ ܐܵܡ̇ܪܝܼܢ ܠܵܟ ܕܒܹܝܬ̣ ܝܑܼܣܪܵܝܹܠ ܒܲܝܬܵܐ ܡܡܲܪܡܪܵܢܵܐ: ܡܵܢܵܐ ܥܵܒܹ̇ܕܼ ܐܲܢ̄ܬ̇. |
[9]בן אדם הלא אמרו אליך בית ישראל בית המרי מה אתה עשה |
| [10]ܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܪܲܒܵܐ ܢܸܫܩܘܿܠ ܫܩܘܼܠܬܵܐ ܗܵܕܹܐ ܒܐܘܿܪܸܫܠܸܡ: ܘܟ̣ܠܗܘܿܢ ܕܒܹܝܬ̣ ܝܑܼܣܪܵܝܹܠ ܥܲܡܹܗ. |
[10]אמר אליהם כה אמר אדני יהוה הנשיא המשא הזה בירושלם וכל בית ישראל אשר המה בתוכם |
| [11]ܘܐܸܡܲܪ ܠܗܘܿܢ: ܐܸܢܵܐ ܐ̄ܢܵܐ ܐܵܬ̤ܟ̣ܘܿܢ: ܐܲܝܟ ܕܥܸܒ̣ܕܹ̇ܬ̣ ܗܵܟܲܢܵܐ ܢܸܬ̣ܥ̱ܒܸܕܼ ܠܟ̣ܘܿܢ: ܘܒܲܫܒ̣ܝܼܬ̣ܵܐ ܬܹܐܙܠ̄ܘܼܢ. |
[11]אמר אני מופתכם כאשר עשיתי כן יעשה להם־בגולה בשבי ילכו |
| [12]ܘܪܲܒܵܐ ܕܲܒ̣ܟ̣ܘܿܢ ܥܲܠ ܟܲܬ̣ܦܹܗ ܢܸܫܩܘܿܠ: ܘܲܒ̣ܥܲܡܛܵܢܵܐ ܢܸܦܘܿܩ: ܘܢܸܬ̣ܪܘܿܥ ܐܸܣܬ̣ܵܐ ܕܢܸܦܘܿܩ ܒܵܗ̇: ܘܲܢܚܲܦܸܐ ܐܲܦܵܘ̈ܗܝ ܕܠܵܐ ܢܸܚܙܹܝܗ̇ ܠܐܲܪܥܵܐ. |
[12]והנשיא אשר בתוכם אל כתף ישא בעלטה ויצא־בקיר יחתרו להוציא בו פניו יכסה־יען אשר לא יראה לעין הוא את הארץ |
| [13]ܘܐܸܦܪܘܿܣ ܡܨܝܼܕ̇ܬ̇ܝ ܥܠܵܘܗܝ ܘܢܸܬ̇ܬ̇ܨܝܼܕܼ ܒܵܗ̇: ܘܐܲܝܬܹ̇ܝܘܗܝ ܠܒ̣ܵܒܹܠ ܠܐܲܪܥܵܐ ܕܟܲܠܕܼܵܝܹ̈ܐ: ܘܠܵܐ ܢܸܚܙܹܝܗ̇: ܘܬܲܡܵܢ ܢܡܘܼܬ̣. |
[13]ופרשתי את רשתי עליו ונתפש במצודתי והבאתי אתו בבלה ארץ כשדים ואותה לא יראה ושם ימות |
| [14]ܘܟ̣ܠܗܘܿܢ ܕܲܚܕܼܝܼܪܝܼܢ ܠܹܗ ܘܲܡܥܲܕ̇ܪܝܼܢ ܠܹܗ ܘܲܡܥܲܫܢܝܼܢ ܠܹܗ: ܐܸܕܼܪܸܐ ܠܟܠ ܪܘܼܚ: ܘܚܲܪܒܵܐ ܐܹܫܲܕܲܪ ܒܵܬܲܪܗܘܿܢ. |
[14]וכל אשר סביבתיו עזרה וכל אגפיו אזרה לכל רוח וחרב אריק אחריהם |
| [15]ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܕܒܲܕ̇ܪܹܬ̣ ܐܸܢܘܿܢ ܒܹܝܬ̣ ܥܲܡܡܹ̈ܐ: ܘܲܕܼܪܹܝܬ̣ ܐܸܢܘܿܢ ܒܐܲܪ̈ܥܵܬ̣ܵܐ. |
[15]וידעו כי אני יהוה בהפיצי אותם בגוים וזריתי אותם בארצות |
| [16]ܘܐܵܘܬܲܪ ܡܸܢܗܘܿܢ ܓܲܒ̣ܪܹ̈ܐ ܒܡܸܢܝܵܢܵܐ: ܡ̣ܢ ܚܲܪܒܵܐ ܘܡ̣ܢ ܟܲܦܢܵܐ ܘܡ̣ܢ ܡܵܘܬܵܐ: ܕܢܸܫܬܲܥܘܿܢ ܟܠܵܗ̇ ܛܲܢܦܘܼܬ̣ܗܘܿܢ ܒܹܝܬ̣ ܥܲܡܡܹ̈ܐ ܕܐܸܙܲܠܘ ܠܘܵܬ̣ܗܘܿܢ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[16]והותרתי מהם אנשי מספר מחרב מרעב ומדבר־למען יספרו את כל תועבותיהם בגוים אשר באו שם וידעו כי אני יהוה |
| 17[No verse] |
[17]ויהי דבר יהוה אלי לאמר |
| [18]ܒܲܪܢܵܫܵܐ: ܠܲܚܡܵܟ ܒܙܵܘܸܥܬ̣ܵܐ ܬܹܐܟ̣ܘܿܠ: ܘܡܲܝ̈ܟ ܒܙܵܘܸܥܬ̣ܵܐ ܘܲܒ̣ܕܸܚ̱ܠܬ̣ܵܐ ܬܸܫܬܸ̇ܐ. |
[18]בן אדם לחמך ברעש תאכל ומימיך ברגזה ובדאגה תשתה |
| [19]ܘܐܸܡܲܪ ܠܥܲܡܵܐ ܕܐܲܪܥܵܐ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܠܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܘܠܲܐܪܥܵܐ ܕܝܼܣܪܵܝܹܠ: ܠܲܚ̱ܡܗܘܿܢ ܒܕܸܚ̱ܠܬ̣ܵܐ ܢܹܐܟ̣ܠܘܼܢ: ܘܡܲܝ̈ܗܘܿܢ ܒܬܸܡܗܵܐ ܢܸܫܬ̇ܘܿܢ: ܡܸܛܠ ܕܚܵܪܒܵܐ ܐܲܪܥܵܐ ܒܲܡܠܹܐܵܗ̇: ܡ̣ܢ ܥܵܘܼܠܵܐ ܕܟ̣ܠܗܘܿܢ ܥܲܡܘܿܪܹ̈ܝܗ̇. |
[19]ואמרת אל עם הארץ כה אמר אדני יהוה ליושבי ירושלם אל אדמת ישראל לחמם בדאגה יאכלו ומימיהם בשממון ישתו־למען תשם ארצה ממלאה מחמס כל הישבים בה |
| [20]ܘܲܡܕܼܝܼ̈ܢܵܬ̣ܵܐ ܕܝܵܬ̣̈ܒܵܢ ܢܸܚ̱ܪ̈ܒ̣ܵܢ: ܘܐܲܪܥܵܐ ܠܲܚܒ̣ܵܠܵܐ ܬܸܗܘܹܐ: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[20]והערים הנושבות תחרבנה והארץ שממה תהיה וידעתם כי אני יהוה |
| [21]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[21]ויהי דבר יהוה אלי לאמר |
| [22]ܒܲܪܢܵܫܵܐ: ܡܵܢܵܘ ܡܲܬ̣ܠܵܐ ܗܵܢܵܐ ܕܡܲܡܬ̇ܠܝܼܢ ܥܠܲܝܟ̇ܘܿܢ ܒܐܲܪܥܵܐ ܕܝܼܣܪܵܝܹܠ: ܘܐܵܡ̇ܪܝܼܢ ܢܸܓ̇ܪܘܼܢ ܝܵܘ̈ܡܵܬ̣ܵܐ: ܘܢܹܐܒܲܕܼ ܟܠܹܗ ܚܸܙܘܵܐ. |
[22]בן אדם מה המשל הזה לכם על אדמת ישראל לאמר יארכו הימים ואבד כל חזון |
| [23]ܡܸܛܠ ܗܵܢܵܐ ܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܡܒܲܛܸܠ ܐ̄ܢܵܐ ܠܹܗ ܠܡܲܬ̣ܠܵܐ ܗܵܢܵܐ: ܘܠܵܐ ܢܲܡܬ̇ܠܘܼܢܹܗ ܬܘܼܒ̣ ܒܝܼܣܪܵܝܹܠ: ܐܸܠܵܐ ܐܸܡܲܪ ܠܗܘܿܢ: ܢܸܩ̱ܪܒ̣ܘܼܢ ܝܵܘ̈ܡܵܬ̣ܵܐ ܘܢܸܗܘܹܐ ܟܠܹܗ ܚܸܙܘܵܐ. |
[23]לכן אמר אליהם כה אמר אדני יהוה השבתי את המשל הזה ולא ימשלו אתו עוד בישראל כי אם דבר אליהם קרבו הימים ודבר כל חזון |
| [24]ܘܬ̣ܘܼܒ̣ ܠܵܐ ܢܸܗܘܹܐ ܟܠ ܚܸܙܘܵܐ ܕܲܓܵܠܵܐ: ܘܩܸܨܡܵܐ ܕܦܵܠܓܘܼܬ̣ܵܐ ܒܲܝܢܵܬ̣ ܒܢܲܝ̈ ܝܼܣܪܵܝܹܠ. |
[24]כי לא יהיה עוד כל חזון שוא־ומקסם חלק בתוך בית ישראל |
| [25]ܡܸܛܠ ܕܐܸܢܵܐ ܐ̄ܢܵܐ ܡܵܪܝܵܐ ܐܹܡ̇ܪܹܬ̣: ܘܐܵܡܲܪ ܐ̄ܢܵܐ ܡܸܠܬ̣ܵܐ ܘܥܵܒܹ̇ܕܼ ܐ̄ܢܵܐ ܠܵܗ̇: ܘܠܵܐ ܡܫܵܘܚܲܪ ܐ̄ܢܵܐ: ܘܲܒ̣ܝܵܘ̈ܡܵܬ̣ܟ̣ܘܿܢ ܒܲܝܬܵܐ ܡܡܲܪܡܪܵܢܵܐ: ܐܹܡܲܪ ܡܸܠܬ̣ܵܐ ܘܐܸܥܒ̇ܕܼܝܼܗ̇ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[25]כי אני יהוה אדבר את אשר אדבר דבר ויעשה־לא תמשך עוד כי בימיכם בית המרי אדבר דבר ועשיתיו נאם אדני יהוה |
| [26]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[26]ויהי דבר יהוה אלי לאמר |
| [27]ܒܲܪܢܵܫܵܐ: ܗܵܐ ܕܒܹܝܬ̣ ܝܑܼܣܪܵܝܹܠ ܐܵܡ̇ܪܝܼܢ: ܚܸܙܘܵܐ ܕܚܵܙܹ̇ܐ ܗܵܢܵܐ: ܠܝܵܘ̈ܡܵܬ̣ܵܐ ܗ̄ܘܼ ܣܲܓ̇ܝܼ̈ܐܹܐ ܘܲܠܙܲܒ̣ܢܹ̈ܐ ܪ̈ܲܚܝܼܩܹܐ ܡܸܬ̣ܢܲܒܸ̇ܐ. |
[27]בן אדם הנה בית ישראל אמרים החזון אשר הוא חזה לימים רבים ולעתים רחוקות הוא נבא |
| [28]ܡܸܛܠ ܗܵܢܵܐ ܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܬܘܼܒ̣ ܠܵܐ ܢܸܗܘܹܐ ܦܵܘܫܵܐ ܠܡܸܠܲܝ̈: ܡܸܠܬ̣ܵܐ ܕܐܵܡܲܪ ܐ̄ܢܵܐ ܥܵܒܹ̇ܕܼ ܐ̄ܢܵܐ ܠܹܗ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[28]לכן אמר אליהם כה אמר אדני יהוה לא תמשך עוד כל דברי־אשר אדבר דבר ויעשה נאם אדני יהוה |