➖ »
«
➖ ➕
Peshitta OT
PesOT
King James Version with Samaritan Pentateuch
KJV(SP)
←
Ezekiel
Eze
13
→
[1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. [No book]
[2]ܒܲܪܢܵܫܵܐ: ܐܸܬ̣ܢܲܒܵܐ ܥܲܠ ܢܒ̣ܝܹ̈ܐ ܕܝܼܣܪܵܝܹܠ ܕܡܸܬ̣ܢܲܒܹ̇ܝܢ ܠܗܘܿܢ: ܘܐܸܡܲܪ ܠܐܲܝܠܹܝܢ ܕܡܸܬ̣ܢܲܒܹ̇ܝܢ ܡ̣ܢ ܠܸܒ̇ܗܘܿܢ: ܫܡܲܥܘ ܦܸܬ̣ܓ̣ܵܡܹܗ ܕܡܵܪܹܐ ܡܵܪ̈ܵܘܵܬ̣ܵܐ. [No book]
[3]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܘܵܝ ܠܲܢܒ̣ܝܹ̈ܐ ܫܵܛܲـ̈ـܝܵܐ: ܕܐܵܙܠ̄ܝܼܢ ܒܵܬܲܪ ܪܘܼܚܗܘܿܢ ܕܠܵܐ ܚ̣ܙܵܘ ܚܸܙܘܵܐ. [No book]
[4]ܐܲܝܟ ܬܲܥ̈ܠܹܐ ܒܚܲܪ̈ܒ̣ܵܬ̣ܵܐ ܗܘ̤ܵܘ ܢܒ̣ܝܲܝ̈ܟ ܝܑܼܣܪܵܝܹܠ. [No book]
[5]ܠܵܐ ܣܠܸܩܬ̇ܘܿܢ ܒܬ̣ܘܼܪ̱ܥܬ̣ܵܐ: ܐܵܦ ܠܵܐ ܣܵܓ̣ܬ̇ܘܿܢ ܣܝܵܓ̣ܵܐ ܥܲܠ ܕܒܹܝܬ̣ ܝܑܼܣܪܵܝܹܠ: ܠܲܡܩܵܡ ܒܲܩܪܵܒ̣ܵܐ ܒܝܵܘܡܹܗ ܕܡܵܪܝܵܐ. [No book]
[6]ܕܐܵܡ̇ܪܝܼܢ ܗܵܟܲܢܵܐ ܐܵܡܲܪ ܡܵܪܝܵܐ: ܘܡܵܪܝܵܐ ܠܵܐ ܫܲܕܲܪ ܐܸܢܘܿܢ: ܘܫܲܪܝܿܘ ܠܲܡܩܵܡܘܼ ܡܸܠܬ̣ܵܐ ܕܲܓܵܠܬܵܐ. [No book]
[7]ܚܸܙܘܵܐ ܣܪܝܼܩܵܐ ܚܙܲܝܬ̇ܘܿܢ: ܘܩܸܨܡܵܐ ܕܲܓܵܠܵܐ ܐܸܡܲܪܬ̇ܘܿܢ: ܘܐܵܡ̇ܪܝܼܢ ܐ̄ܢܬ̇ܘܿܢ ܐܸܡܲܪ ܡܵܪܝܵܐ: ܘܐܸܢܵܐ ܠܵܐ ܐܸܡ̇ܪܹܬ̣. [No book]
[8]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܲܚܙܲܝܬ̇ܘܿܢ ܣܪܝܼܩܘܼܬ̣ܵܐ ܘܡܲܠܠܬ̇ܘܿܢ ܕܲܓܵܠܘܼܬ̣ܵܐ: ܗܵܐ ܐܸܢܵܐ ܥܠܲܝܟ̇ܘܿܢ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. [No book]
[9]ܘܬܸܗܘܹܐ ܐܝܼܕܼܝ ܥܲܠ ܢܒ̣ܝܹ̈ܐ ܕܚܵܙܹ̇ܝܢ ܣܪܝܼܩܘܼܬ̣ܵܐ ܘܩܵܨ̇ܡܝܼܢ ܕܲܓܵܠܘܼܬ̣ܵܐ: ܒܓ̣ܵܘ ܥܲܡܝ ܠܵܐ ܢܸܗܘܘܿܢ: ܘܒܲܟ̣ܬ̣ܵܒ̣ܵܐ ܕܒܹܝܬ̣ ܝܑܼܣܪܵܝܹܠ ܠܵܐ ܢܸܬ̣ܟܲܬ̣ܒ̇ܘܼܢ: ܘܠܲܐܪܥܵܐ ܕܝܼܣܪܵܝܹܠ ܠܵܐ ܢܸܥܠܘܼܢ: ܘܬܸܕܼܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܹܐ ܡܵܪ̈ܵܘܵܬ̣ܵܐ. [No book]
[10]ܥܲܠ ܕܐܲܛܥܝܼܘ ܠܥܲܡܝ: ܘܐܸܡܲܪܘ ܫܠܵܡܵܐ ܘܠܲܝܬ̇ ܫܠܵܡܵܐ: ܘܗ̤ܘ ܒܵܢܹ̇ܐ ܗ̄ܘܼܵܐ ܐܸܣܬ̣ܵܐ ܘܗܸܢܘܿܢ ܛܵܪܹܝܢ ܗ̄ܘܼܵܘ ܠܵܗ̇ ܕܬܸܦܸܠ. [No book]
[11]ܐܸܡܲܪ ܠܗܵܢܘܿܢ ܕܛܵܪܹܝܢ ܠܵܗ̇ ܕܬܸܦܸܠ: ܗܵܐ ܐܸܢܵܐ ܝܵܗܹ̇ܒ̣ ܐ̄ܢܵܐ ܡܸܛܪܵܐ ܕܓ̣ܵܪܹܦ: ܘܟܹܐܦܹ̈ܐ ܕܕܲܚܪܵܐ ܢܸܦ̈ܠܵܢ: ܘܪܘܼܚܵܐ ܕܥܲܠܥܵܠܵܐ. [No book]
[12]ܘܬܸܬ̇ܪܲܥ ܘܬܸܦܸܠ ܐܸܣܬ̣ܵܐ: ܘܢܸܬ̣ܐ̱ܡܲܪ ܠܟ̣ܘܿܢ: ܐܲܝܟܵܘ ܛܪܵܝܵܐ ܕܲܛܪܲܝܬ̇ܘܿܢ. [No book]
[13]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܸܫܸܒ̣ ܪܘܼܚܵܐ ܕܥܲܠܥܵܠܵܐ ܒܚܸܡܬ̣ܝ: ܘܡܸܛܪܵܐ ܕܓ̣ܵܪܹܦ ܢܸܗܘܹܐ ܒܪܘܼܓ̣ܙܝ: ܘܟܹܐܦܹ̈ܐ ܕܕܲܚܪܵܐ ܒܚܸܡܬ̣ܝ ܢܵܘ̈ܒ̇ܕܼܵܢ. [No book]
[14]ܘܐܸܣܚ̄ܦܝܼܗ̇ ܠܐܸܣܬ̣ܵܐ ܕܲܛܪܲܝܬ̇ܘܿܢ ܘܬܸܦܸܠ: ܘܐܲܪܡܹܝܗ̇ ܒܐܲܪܥܵܐ ܘܢܸܬ̣ܓܲܠ̈ܝܵܢ ܫܲܬ̣ܐ̱ܣܹ̈ܝܗ̇: ܘܬܸܦܠܘܼܢ ܘܬܸܣܬܲܚܦܘܼܢ ܒܓ̣ܵܘܵܗ̇: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. [No book]
[15]ܘܐܹܫܲܡܠܵܐ ܪܘܼܓ̣ܙܝ ܒܐܸܣܬ̣ܵܐ: ܘܒܲܐܝܠܹܝܢ ܕܛܵܪܹܝܢ ܗ̄ܘܼܵܘ ܠܵܗ̇ ܟܲܕܼ ܬܸܦܸܠ. ܘܢܸܬ̣̱ܐܡܲܪ ܠܟ̣ܘܿܢ ܐܲܝܟܵܐ ܗ̄ܝܼ ܐܸܣܬ̣ܵܐ: ܘܐܲܝܟܵܐ ܐܸܢܘܿܢ ܗܵܢܘܿܢ ܕܛܵܪܹܝܢ ܗ̄ܘܼܵܘ ܠܵܗ̇. [No book]
[16]ܗܵܠܹܝܢ ܐܸܢܘܿܢ ܢܒ̣ܝܹ̈ܐ ܕܝܼܣܪܵܝܹܠ ܕܡܸܬ̣ܢܲܒܹ̇ܝܢ ܥܲܠ ܐܘܿܪܸܫܠܸܡ: ܘܚܵܙܹ̇ܝܢ ܠܵܗ̇ ܚܸܙ̈ܘܹܐ ܕܲܫܠܵܡܵܐ: ܘܠܲܝܬ̇ ܫܠܵܡܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. [No book]
[17]ܘܐܲܢ̄ܬ̇ ܒܲܪܢܵܫܵܐ: ܣܝܼܡ ܐܲܦܲܝ̈ܟ ܥܲܠ ܒ̈ܢܵܬ̣ ܥܲܡܵܟ ܕܡܸܬ̣ܢܲܒ̇ـ̈ـܝܵܢ ܡ̣ܢ ܠܸܒ̇ܗܹܝܢ: ܐܸܬ̣ܢܲܒܵܐ ܥܠܲܝܗܹܝܢ ܘܐܸܡܲܪ ܠܗܹܝܢ. [No book]
[18]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܘܵܝ ܠܲܕܼܚܵܝ̈ܛܵܢ ܒܸܣܵـ̈ـܕܼܘܵܬ̣ܵܐ ܠܝܲܨܝܼ̈ܠܹܐ ܕܐܝܼ̈ܕܲܝܵܐ: ܘܥܵܒ̣̈ܕܵܢ ܬܲܟ̣ܣ̈ܝܵܬ̣ܵܐ ܠܟ̣ܠ ܪܹܫ ܘܲܠܟ̣ܠ ܩܵܘܡܵܐ: ܠܲܡܨܵܕܼ ܢܲܦ̮̈ܫܵܬ̣ܵܐ. ܢܲܦ̮̈ܫܵܬܹܗ ܕܥܲܡܝ ܨܵܝ̈ܕܵܢ ܐ̄ܢܬܹ̇ܝܢ: ܘܢܲܦ̮ܫܵܬ̣ܟܹܝܢ ܕܝܼܠܟܹܝܢ ܡܲܚ̈ܝܵܢ ܐ̄ܢܬܹ̇ܝܢ. [No book]
[19]ܘܛܵܘܸܫ̈ܬܹ̇ܢܵܝܗܝ ܠܥܲܡܝ ܒܚܘܼܦܢܹ̈ܐ ܕܲܣܥܵܪܹ̈ܐ: ܘܒܲܩܨܵܝܹ̈ܐ ܕܠܲܚܡܵܐ: ܠܡܸܩܛܲܠ ܢܲܦ̮̈ܫܵܬ̣ܵܐ ܐܲܝܠܹܝܢ ܕܠܵܐ ܚܲܝܵـ̈ـܒ̣ܵܢ ܗ̄ܘܲܝ̈ ܠܲܡܡܵܬ̣ ܘܲܠܡܲܚܵܝܘܼ ܢܲܦ̮̈ܫܵܬ̣ܵܐ ܕܐܲܝܠܹܝܢ ܕܠܵܐ ܚܲܝܵـ̈ـܒ̣ܵܢ ܗ̄ܘܲܝ̈ ܠܡܸܚܵܐ: ܘܟܲܕܸ̇ܒ̣̈ܬܹ̇ܝܢ ܠܥܲܡܵܐ ܕܲܫܡܲܥ ܟܲܕܵܒ̣ܘܼܬ̣ܵܐ. [No book]
[20]ܡܸܛܠ ܗܵܢܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܥܲܠ ܒܸܣܵـ̈ـܕܼܘܵܬ̣ܟܹܝܢ ܕܨܵܝ̈ܕܵܢ ܐ̄ܢܬܹ̇ܝܢ ܒܗܘܿܢ ܢܲܦ̮̈ܫܵܬ̣ܵܐ: ܘܐܸܨܪܸܐ ܐܸܢܘܿܢ ܡ̣ܢ ܕܪ̈ܵܥܲܝܟܹ̇ܝܢ: ܘܐܸܫܪܹܐ ܢܲܦ̮̈ܫܵܬ̣ܵܐ ܐܲܝܠܹܝܢ ܕܨܵܝ̈ܕܵܢ ܐ̄ܢܬܹ̇ܝܢ: ܘܐܲܦܪܲܚ ܐܸܢܹܝܢ. [No book]
[21]ܘܐܸܨܪܸܐ ܡܵܐܢܲܝ̈ܟܹ̇ܝܢ: ܘܐܹܦܲܨܹܐ ܠܥܲܡܝ ܡ̣ܢ ܐܝܼܕܲܝ̈ܟܹ̇ܝܢ: ܘܬ̣ܘܼܒ̣ ܠܵܐ ܢܸܫܬܲܠܡܘܼܢ ܒܲܡܨܝܼܕ̇ܬܵܐ ܒܐܝܼܕܲܝ̈ܟܹ̇ܝܢ: ܘܬܸܕ̇ܥܵـ̈ـܢ ܕܐܸܢܵܐ ܐ̄ܢܵܐ ܡܵܪܝܵܐ. [No book]
[22]ܥܲܠ ܕܲܡܚܲܝ̈ܬܹ̇ܝܢ ܠܸܒܹ̇ܗ ܕܙܲܕ̇ܝܼܩܵܐ ܒܕܲܓܵܠܘܼܬ̣ܵܐ: ܘܐܸܢܵܐ ܠܵܐ ܐܲܟ̣ܐܸܒ̣ܬܹ̇ܗ: ܘܚܲܡܣܸܢܬܹ̇ܝ̈ܢ ܐܝܼ̈ܕܲܝܵܐ ܕܥܵܘܿܠܹܐ: ܕܠܵܐ ܢܸܗܦ̄ܟ̣ܘܿܢ ܡ̣ܢ ܐܘܼܪ̈ܚܵܬ̣ܗܘܿܢ ܒܝܼ̈ܫܵܬ̣ܵܐ ܘܢܸܚܘܿܢ. [No book]
[23]ܡܸܟܹ̇ܝܠ ܣܪܝܼܩܘܼܬ̣ܵܐ ܠܵܐ ܬܸܚ̈ܙܝܵܢ: ܘܬ̣ܘܼܒ̣ ܩܸܨܡܵܐ ܠܵܐ ܬܸܩܨ̈ܡܵܢ: ܘܐܹܦܲܨܹܐ ܠܥܲܡܝ ܡ̣ܢ ܐܝܼܕܲܝ̈ܟܹ̇ܝܢ: ܘܬܸܕ̇ܥܵـ̈ـܢ ܕܐܸܢܵܐ ܐ̄ܢܵܐ ܡܵܪܝܵܐ. [No book]
See information...
Top