|
|
| [1]ܘܐܸܬ̣ܵܘ ܠܘܵܬ̣ ܓܲܒ̣ܪܹ̈ܐ ܡ̣ܢ ܣܵܒܹ̈ܐ ܕܝܼܣܪܵܝܹܠ ܠܡܸܫܐܲܠ ܡ̣ܢ ܡܵܪܝܵܐ: ܘܝܼܬܸܒ̣ܘ ܩܕܼܵܡܲܝ. |
[No book] |
| [2]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [3]ܒܲܪܢܵܫܵܐ: ܓܒ̣ܪ̈ܝܼܢ ܗܵܠܹܝܢ ܐܲܣܸܩ̣ܘ ܕܸܚܠܲܬ̣ܗܘܿܢ ܥܲܠ ܠܸܒ̇ܗܘܿܢ: ܘܬ̣ܘܼܩ̱ܠܬ̣ܵܐ ܕܥܵܘܼܠܗܘܿܢ ܣܵܡ̣ܘ ܠܘܼܩܒܲܠ ܐܲܦܲܝ̈ܗܘܿܢ: ܐܸܥܒܸ̇ܕܼ ܦܘܼܪܥܵܢܵܐ ܡܸܢܗܘܿܢ. |
[No book] |
| [4]ܡܸܟܹ̇ܝܠ ܡܲܠܸܠ ܥܲܡܗܘܿܢ ܘܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. ܓܒܲܪ ܓܒܲܪ ܡ̣ܢ ܒܹܝܬ̣ ܝܑܼܣܪܵܝܹܠ: ܕܢܲܣܸܩ ܕܸܚ̱ܠܬܹܗ ܥܲܠ ܠܸܒܹ̇ܗ: ܘܬ̣ܘܼܩ̱ܠܬ̣ܵܐ ܕܥܵܘܼܠܹܗ ܢܣܝܼܡ ܠܘܼܩܒܲܠ ܐܲܦܵܘ̈ܗܝ: ܘܢܹܐܬܹܐ ܠܘܵܬ̣ ܢܒ̣ܝܼܵܐ: ܐܸܢܵܐ ܡܵܪܝܵܐ ܐܸܗܘܹܐ ܠܹܗ ܣܵܗܕܵܐ ܒܗܹܝܢ ܒܣܘܿܓ̣ܵܐܐ ܕܕܸܚ̈ܠܵܬܹܗ. |
[No book] |
| [5]ܡܸܛܠ ܕܐܹܚܘܿܕܼ ܠܲܕܼܒܹܝܬ̣ ܝܑܼܣܪܵܝܹܠ ܒܠܸܒ̇ܗܘܿܢ: ܕܲܦܪܲܩ̣ܘ ܡܹܢܝ ܒܟ̣ܠܗܹܝܢ ܕܸܚ̈ܠܵܬ̣ܗܘܿܢ. |
[No book] |
| [6]ܡܸܟܹ̇ܝܠ ܐܸܡܲܪ ܠܲܕܼܒܹܝܬ̣ ܝܑܼܣܪܵܝܹܠ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܬܘܼܒ̣ܘ ܘܐܸܬ̣ܦܢܵܘ ܡ̣ܢ ܟܠܗܹܝܢ ܕܸܚ̈ܠܵܬ̣ܟ̣ܘܿܢ: ܘܡ̣ܢ ܟܠܵܗ̇ ܛܲܢܦܘܼܬ̣ܟ̣ܘܿܢ ܐܵܦܢܵܘ ܐܲܦܲܝ̈ܟ̇ܘܿܢ. |
[No book] |
| [7]ܡܸܛܠ ܕܓܲܒ̣ܪܵܐ ܡ̣ܢ ܝܑܼܣܪܵܝܹܠ: ܘܡ̣ܢ ܐܲܝܠܹܝܢ ܕܡܸܬ̣ܦܢܹܝܢ ܠܘܵܬ̣ܝ ܕܥܵܡ̇ܪܝܼܢ ܒܝܼܣܪܵܝܹܠ: ܕܢܸܗܦܘܿܟ ܡܹܢܝ ܘܢܲܣܸܩ ܕܸܚ̱ܠܬܹܗ ܥܲܠ ܠܸܒܹ̇ܗ: ܘܬ̣ܘܼܩ̱ܠܬ̣ܵܐ ܕܥܵܘܼܠܹܗ ܢܣܝܼܡ ܠܘܼܩܒܲܠ ܐܲܦܵܘ̈ܗܝ: ܘܢܹܐܬܹܐ ܠܘܵܬ̣ ܢܒ̣ܝܼܵܐ ܠܲܡܫܲܐܵܠܘܼܬܹܗ: ܐܸܢܵܐ ܡܵܪܝܵܐ ܐܸܗܘܹܐ ܠܹܗ ܣܵܗܕܵܐ. |
[No book] |
| [8]ܘܐܸܬܸ̇ܠ ܪܘܼܓ̣ܙܝ ܥܲܠ ܓܒ̣ܪܵܐ ܗܵܘܿ: ܘܐܸܥܒ̇ܕܼܝܼܘܗܝ ܠܐܵܬ̤ܵܐ ܘܲܠܡܲܬ̣ܠܵܐ: ܘܐܵܘܒ̇ܕܼܝܼܘܗܝ ܡ̣ܢ ܓܵܘ ܥܲܡܝ: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[No book] |
| [9]ܘܲܢܒ̣ܝܼܵܐ ܟܲܕܼ ܢܸܛܥܹܐ ܘܲܢܡܲܠܸܠ ܡܸܠܬ̣ܵܐ: ܐܸܢܵܐ ܡܵܪܝܵܐ ܐܲܛܥ̇ܝܼܬܹ̇ܗ ܠܲܢܒ̣ܝܼܵܐ ܗܵܘܿ: ܘܐܲܪܝܼܡ ܐܝܼܕܼܝ ܥܠܵܘܗܝ: ܘܐܵܘܒ̇ܕܼܝܼܘܗܝ ܡ̣ܢ ܓܵܘ ܥܲܡܝ ܝܑܼܣܪܵܝܹܠ. |
[No book] |
| [10]ܘܢܸܫܩ̄ܠܘܼܢ ܥܵܘܼܠܗܘܿܢ: ܥܵܘܼܠܹܗ ܕܗܵܘܿ ܕܲܡܫܲܐܸܠ: ܐܲܝܟ ܥܵܘܼܠܹܗ ܕܲܢܒ̣ܝܼܵܐ ܢܸܗܘܹܐ. |
[No book] |
| [11]ܘܬ̣ܘܼܒ̣ ܠܵܐ ܢܸܛܥܘܿܢ ܕܒܹܝܬ̣ ܝܑܼܣܪܵܝܹܠ ܡܹܢܝ: ܘܬ̣ܘܼܒ̣ ܠܵܐ ܢܸܬ̇ܛܲܢܦܘܼܢ ܒܟ̣ܠܹܗ ܥܵܘܼܠܗܘܿܢ: ܐܸܠܵܐ ܢܸܗܘܘܿܢ ܠܝܼ ܥܲܡܵܐ: ܘܐܸܢܵܐ ܐܸܗܘܹܐ ܠܗܘܿܢ ܐܲܠܵܗܵܐ: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [12]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [13]ܒܲܪܢܵܫܵܐ: ܐܲܪܥܵܐ ܐܸܢ ܬܸܚܛܹܐ ܠܝܼ ܘܬܸܥܒܸ̇ܕܼ ܥܵܘܼܠܵܐ ܩܕܼܵܡܲܝ: ܐܲܪܝܼܡ ܐܝܼܕܼܝ ܥܠܹܝܗ̇: ܘܐܸܬ̣ܒܲܪ ܒܵܗ̇ ܩܲܢܝܵܐ ܕܲܥܒ̣ܘܼܪܵܐ: ܘܐܹܫܲܕܲܪ ܥܠܹܝܗ̇ ܟܲܦܢܵܐ: ܘܐܵܘܒܸ̇ܕܼ ܡܸܢܵܗ̇ ܒܢܲܝ̈ܢܵܫܵܐ ܘܲܒ̣ܥܝܼܪܵܐ. |
[No book] |
| [14]ܘܐܸܢ ܢܸܗܘܘܿܢ ܒܵܗ̇ ܗܵܠܹܝܢ ܬܠܵܬ̣ܵܐ ܓܲܒ̣ܪ̈ܝܼܢ: ܢܘܿܚ ܘܕܼܵܢܝܼܐܹܝܠ: ܘܐܝܼܘܿܒ̣: ܗܸܢܘܿܢ ܒܙܲܕ̇ܝܼܩܘܼܬ̣ܗܘܿܢ ܢܦܲܨܘܿܢ ܢܲܦ̮ܫܗܘܿܢ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [15]ܘܐܸܢ ܐܲܝܬܸ̇ܐ ܚܲܝ̄ܘܬ̣ܵܐ ܒܝܼܫܬܵܐ ܥܲܠ ܐܲܪܥܵܐ ܘܬ̣ܵܘܒ̇ܕܼܝܼܗ̇: ܘܬܸܗܘܹܐ ܠܲܚܒ̣ܵܠܵܐ ܡ̣ܢ ܒܠܲܝ ܕܥܵܒܲܪ ܡ̣ܢ ܚܲܝ̄ܘܬ̣ܵܐ. |
[No book] |
| [16]ܘܗܵܠܹܝܢ ܬܠܵܬ̣ܵܐ ܓܲܒ̣ܪ̈ܝܼܢ ܐܝܼܬ̣ ܒܵܗ̇: ܚܲܝ ܐ̄ܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܕܠܵܐ ܢܦܲܨܘܿܢ ܠܵܐ ܠܲܒ̣̈ܢܲܝܵܐ ܘܠܵܐ ܠܲܒ̣̈ܢܵܬ̣ܵܐ: ܐܸܠܵܐ ܗܸܢܘܿܢ ܒܲܠܚܘܿܕܲܝܗܘܿܢ ܢܸܬ̣ܦܲܨܘܿܢ: ܘܐܲܪܥܵܐ ܬܸܗܘܹܐ ܠܲܚܒ̣ܵܠܵܐ. |
[No book] |
| [17]ܘܐܸܢ ܐܲܝܬܸ̇ܐ ܚܲܪܒܵܐ ܥܲܠ ܐܲܪܥܵܐ ܗܵܝ̇: ܘܐܹܡܲܪ ܕܬܸܥܒܲܪ ܚܲܪܒܵܐ ܒܐܲܪܥܵܐ ܗܵܝ̇: ܘܐܵܘܒܸ̇ܕܼ ܡܸܢܵܗ̇ ܒܢܲܝ̈ܢܵܫܵܐ ܘܲܒ̣ܥܝܼܪܵܐ. |
[No book] |
| [18]ܘܗܵܠܹܝܢ ܬܠܵܬ̣ܵܐ ܓܲܒ̣ܪ̈ܝܼܢ ܐܝܼܬ̣ ܒܵܗ̇: ܚܲܝ ܐ̄ܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܕܠܵܐ ܢܦܲܨܘܿܢ ܠܵܐ ܠܲܒ̣̈ܢܲܝܵܐ ܘܠܵܐ ܠܲܒ̣̈ܢܵܬ̣ܵܐ: ܐܸܠܵܐ ܗܸܢܘܿܢ ܒܲܠܚܘܿܕܲܝܗܘܿܢ ܢܸܬ̣ܦܲܨܘܿܢ. |
[No book] |
| [19]ܘܐܸܢ ܐܹܫܲܕܲܪ ܡܵܘܬܵܢܵܐ ܥܲܠ ܐܲܪܥܵܐ ܗܵܝ̇: ܘܐܹܫܘܿܕܼ ܚܸܡܬ̣ܝ ܥܠܹܝܗ̇ ܒܲܕܼܡܵܐ: ܘܐܵܘܒܸ̇ܕܼ ܡܸܢܵܗ̇ ܒܢܲܝ̈ܢܵܫܵܐ ܘܲܒ̣ܥܝܼܪܵܐ. |
[No book] |
| [20]ܘܢܘܿܚ ܘܕܼܵܢܝܼܐܹܝܠ ܘܐܝܼܘܿܒ̣ ܐܝܼܬ̣ ܒܓ̣ܵܘܵܗ̇: ܚܲܝ ܐ̄ܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܕܠܵܐ ܒܪܵܐ ܘܠܵܐ ܒܲܪܬ̣ܵܐ ܢܦܲܨܘܿܢ: ܐܸܠܵܐ ܗܸܢܘܿܢ ܒܙܲܕ̇ܝܼܩܘܼܬ̣ܗܘܿܢ ܢܦܲܨܘܿܢ ܢܲܦ̮ܫܗܘܿܢ. |
[No book] |
| [21]ܡܸܛܠ ܕܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܲܪܒ̇ܥܵܐ ܕܝܼܢ̈ܝܼܢ ܒܝܼܫ̈ܝܼܢ ܫܲܕ̇ܪܹܬ̣ ܥܲܠ ܐܘܿܪܸܫܠܸܡ: ܚܲܪܒܵܐ: ܘܟܲܦܢܵܐ: ܘܚܲܝ̄ܘܬ̣ܵܐ ܒܝܼܫܬܵܐ: ܘܡܵܘܬܵܢܵܐ: ܘܐܵܘܒܸ̇ܕܼ ܡܸܢܵܗ̇ ܒܢܲܝ̈ܢܵܫܵܐ ܘܲܒ̣ܥܝܼܪܵܐ. |
[No book] |
| [22]ܘܢܸܫܬܲܚܪܘܼܢ ܒܵܗ̇ ܐܲܝܠܹܝܢ ܕܡܸܬ̣ܦܲܨܹܝܢ ܕܡܲܦܩܝܼܢ ܒ̈ܢܲܝܵܐ ܘܲܒ̣̈ܢܵܬ̣ܵܐ: ܘܗܸܢܘܿܢ ܢܸܦܩܘܼܢ ܠܘܵܬ̣ܟ̣ܘܿܢ: ܘܬܸܚܙܘܿܢ ܐܘܼܪ̈ܚܵܬ̣ܗܘܿܢ ܘܨܸܢ̈ܥܵܬ̣ܗܘܢ: ܘܬܸܬ̣ܒܲܝܐܘܼܢ ܡ̣ܢ ܒܝܼܫܬܵܐ ܕܐܲܝܬ̇ܝܼܬ̣ ܥܲܠ ܐܘܿܪܸܫܠܸܡ: ܘܟ̣ܠܡܸܕܸ̇ܡ ܕܐܲܝܬ̇ܝܼܬ̇ ܥܠܹܝܗ̇. |
[No book] |
| [23]ܘܲܢܒܲܝܐܘܼܢܵܟ̣ܘܿܢ ܟܲܕܼ ܬܸܚܙܘܿܢ ܐܘܼܪ̈ܚܵܬ̣ܗܘܿܢ ܘܨܸܢ̈ܥܵܬ̣ܗܘܿܢ: ܘܬܸܕ̇ܥܘܼܢ ܕܠܵܐ ܗ̄ܘܵܐ ܡܲܓܵܢ ܥܸܒ̣ܕܹܬ̣ ܟܠ ܕܥܸܒ̣ܕܹ̇ܬ̣ ܒܵܗ̇: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |