|
|
| [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ: ܒܲܪܢܵܫܵܐ. |
[No book] |
| [2]ܠܡܵܢܵܐ ܡܲܡܬ̇ܠܝܼܢ ܐ̄ܢܬ̇ܘܿܢ ܡܲܬ̣ܠܵܐ ܗܵܢܵܐ ܒܐܲܪܥܵܐ ܕܝܼܣܪܵܝܹܠ: ܘܐܵܡ̇ܪܝܼܢ ܐ̄ܢܬ̇ܘܿܢ: ܐܲܒ̣ܵܗܹ̈ܐ ܐܸܟܲܠ̣ܘ ܒܣܪܹ̈ܐ: ܘܫܸܢܹ̈ܐ ܕܲܒ̣ܢܲـ̈ـܝܵܐ ܩܗ̈ܝܵܢ. |
[No book] |
| [3]ܚܲܝ ܐ̄ܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܸܢ ܢܸܗܘܹܐ ܬܘܼܒ̣ ܕܡܲܡܬܸ̇ܠ ܡܲܬ̣ܠܵܐ ܗܵܢܵܐ ܒܝܼܣܪܵܝܹܠ. |
[No book] |
| [4]ܡܸܛܠ ܕܟ̣ܠܗܹܝܢ ܢܲܦ̮̈ܫܵܬ̣ܵܐ ܕܝܼܠܝ ܐܸܢܹܝܢ: ܢܲܦ̮ܫܵܐ ܕܐܲܒ̣ܵܐ ܘܢܲܦ̮ܫܵܐ ܕܲܒ̣ܪܵܐ ܕܝܼܠܝ ܐܸܢܹܝܢ: ܢܲܦ̮ܫܵܐ ܕܚܵܛ̇ܝܵܐ ܗ̤ܝ ܬܡܘܼܬ̣. |
[No book] |
| [5]ܘܓܲܒ̣ܪܵܐ ܐܸܢ ܢܸܗܘܹܐ ܙܲܕ̇ܝܼܩ: ܘܢܸܥܒܸ̇ܕܼ ܕܝܼܢܵܐ ܘܙܲܕ̇ܝܼܩܘܼܬ̣ܵܐ. |
[No book] |
| [6]ܘܥܲܠ ܛܘܼܪܹ̈ܐ ܠܵܐ ܐܸܟܲܠ: ܘܠܵܐ ܐܲܪܝܼܡ ܥܲܝܢܵܘ̈ܗܝ ܠܲܦܬܲܟ̣ܪܹ̈ܐ ܘܲܠܕܼܚ̈ܠܵܬ̣ܵܐ ܕܲܒ̣ܢܲܝ̈ ܝܑܼܣܪܵܝܹܠ: ܘܠܲܐ̄ܢܬܲܬ̣ ܚܲܒ̣ܪܹܗ ܠܵܐ ܛܲܢܸܦ̣: ܘܠܲܐܢ̄ܬ̇ܬ̣ܵܐ ܒܟܸܦ̮ܣܵܗ̇ ܠܵܐ ܐܸܬ̣ܩܲܪܲܒ̣. |
[No book] |
| [7]ܘܲܠܐ̄ܢܵܫ ܠܵܐ ܛܠܲܡ̣ ܘܲܠܐ̄ܢܵܫ ܠܵܐ ܬܲܟ: ܘܦܲܢܝܼ ܡܸܫܟܵܢܵܐ ܕܲܢܣܲܒ̣: ܘܝܲܗ̄ܒ̣ ܠܲܚܡܹܗ ܠܟܲܦܢܵܐ: ܘܲܠܥܲܪܛܸܠܵܝܵܐ ܐܲܠܒܸ̇ܫ ܬܲܟ̣ܣܝܼܬ̣ܵܐ. |
[No book] |
| [8]ܘܲܒ̣ܪܸܒ̇ܝܼܬ̣ܵܐ ܠܵܐ ܐܵܘܙܸܦ: ܘܒܲܩܨܵܨܵܐ ܠܵܐ ܝܲܗ̄ܒ̣: ܘܡ̣ܢ ܥܵܘܼܠܵܐ ܐܲܗܦܸܟ ܐܝܼܕܹܗ: ܘܕܼܵܢ ܕܝܼܢܵܐ ܕܩܘܼܫܬܵܐ ܒܹܝܬ̣ ܓܲܒ̣ܪܵܐ ܠܚܲܒ̣ܪܹܗ. |
[No book] |
| [9]ܘܲܒ̣ܦܘܼܩ̈ܕܵܢܲܝ ܗܲܠܸܟ: ܘܕܼܝܼܢܲܝ̈ ܢ̣ܛܲܪ ܘܲܥܒܲܕܼ ܩܘܼܫܬܵܐ: ܡܲܢ ܕܗܵܟܲܢܵܐ ܥ̣ܒܲܕܼ ܙܲܕ̇ܝܼܩܵܐ ܗ̄ܘܼ: ܘܡܸܚܵܐ ܢܸܚܹܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [10]ܘܐܸܢ ܢܵܘܠܸܕܼ ܒܪܵܐ ܥܵܘܵܠܵܐ ܐܵܫܹ̇ܕܼ ܕܡܵܐ: ܘܢܸܥܒܸ̇ܕܼ ܚܕܼܵܐ ܡ̣ܢ ܗܵܠܹܝܢ. |
[No book] |
| [11]ܘܢܹܐܟ̣ܘܿܠ ܥܲܠ ܛܘܼܪܹ̈ܐ: ܘܲܢܛܲܢܸܦ ܐܲܢ̄ܬܲܬ̣ ܚܲܒ̣ܪܹܗ. |
[No book] |
| [12]ܘܢܸܛܠܘܿܡ ܠܡܸܣܟܹ̇ܢܵܐ ܘܲܠܒ̣ܵܝܫܵܐ: ܘܢܸܬ̇ܘܿܟ ܠܚܲܒ̣ܪܹܗ: ܘܠܵܐ ܢܦܲܢܹܐ ܡܸܫܟܵܢܵܐ ܠܡܵܪ̈ܵܘܗܝ: ܘܠܲܦܬܲܟ̣ܪܹ̈ܐ ܢܪܝܼܡ ܥܲܝܢܵܘ̈ܗܝ ܘܢܸܥܒܸ̇ܕܼ ܛܲܢܦܘܼܬ̣ܵܐ. |
[No book] |
| [13]ܘܲܒ̣ܪܸܒ̇ܝܼܬ̣ܵܐ ܢܵܘܙܸܦ: ܘܒܲܩܨܵܨܵܐ ܢܸܣܲܒ̣: ܕܲܠܡܵܐ ܚܵܝܹ̇ܐ ܠܵܐ ܢܸܚܹܐ: ܡܸܛܠ ܕܗܵܠܹܝܢ ܟܠܗܹܝܢ ܒܝܼ̈ܫܵܬ̣ܵܐ ܥ̣ܒܲܕܼ: ܐܸܠܵܐ ܡܡܵܬ̣ ܢܡܘܼܬ̣: ܘܲܕܼܡܹܗ ܥܠܵܘܗܝ ܢܸܗܘܹܐ. |
[No book] |
| [14]ܘܐܸܢ ܢܵܘܠܸܕܼ ܒܪܵܐ: ܘܢܸܚܙܹܐ ܟܠܗܘܿܢ ܚܛܵܗܹ̈ܐ ܕܲܥ̣ܒܲܕܼ ܐܲܒ̣ܘܼܗܝ: ܘܠܵܐ ܢܸܥܒܸ̇ܕ ܐܲܟ̣ܘܵܬ̣ܗܘܿܢ. |
[No book] |
| [15]ܘܥܲܠ ܛܘܼܪܹ̈ܐ ܠܵܐ ܢܹܐܟ̣ܘܿܠ: ܘܠܵܐ ܢܪܝܼܡ ܥܲܝ̈ܢܵܘܗܝ ܠܲܦܬܲܟ̣ܪܹ̈ܐ ܕܲܒ̣ܝܝ̈ ܝܑܼܣܪܵܝܹܠ: ܘܠܲܐܢ̄ܬܲܬ̣ ܚܲܒ̣ܪܹܗ ܠܵܐ ܢܛܲܢܸܦ. |
[No book] |
| [16]ܘܲܠܐ̄ܢܵܫ ܠܵܐ ܢܸܛܠܘܡ: ܘܡܸܫܟܵܢܵܐ ܠܐ̄ܢܵܫ ܠܵܐ ܢܸܫܩܘܿܠ: ܘܬ̣ܘܼܟܵܐ ܠܵܐ ܢܸܬ̇ܘܿܟ. ܘܠܲܚܡܹܗ ܢܸܬܸ̇ܠ ܠܟܲܦܢܵܐ: ܘܲܠܥܲܪܛܠܵܝܵܐ ܢܲܠܒܸ̇ܫ. |
[No book] |
| [17]ܘܡ̣ܢ ܡܸܣܟܹ̇ܢܵܐ ܠܵܐ ܢܲܗܦܸܟ ܐܝܼܕܹܗ: ܘܪܸܒ̇ܝܼܬ̣ܵܐ ܠܵܐ ܢܸܫܩܘܿܠ: ܘܝܲܬ̇ܝܼܪܵܐ ܠܵܐ ܢܸܣܲܒ̣: ܘܕܼܝܼܢܲܝ̈ ܢܸܥܒܸ̇ܕܼ: ܘܲܒ̣ܦܘܼܩ̈ܕܵܢܲܝ ܢܗܲܠܸܟ: ܠܵܐ ܢܡܘܼܬ̣ ܒܥܵܘܼܠܹܗ ܕܐܲܒ̣ܘܼܗܝ: ܐܸܠܵܐ ܡܸܚܵܐ ܢܸܚܹܐ. |
[No book] |
| [18]ܐܲܒ̣ܘܗܝ ܕܹܝܢ ܥܲܠ ܕܲܛܠܲܡ̣ ܛܠܘܼܡܝܵܐ: ܘܬܲܟ ܬܘܼܟܵܐ ܠܐܲܚܘܼܗܝ: ܘܡܸܕܸ̇ܡ ܕܫܲܦܝܪ ܠܵܐ ܥ̣ܒܲܕܼ ܒܥܲܡܹܗ: ܡܝܼܬ̣ ܒܲܚܛܵܗܵܘ̈ܗܝ. |
[No book] |
| [19]ܘܐܸܢ ܐܵܡ̇ܪܝܼܢ ܐܲܝܟܵܘ ܠܵܐ ܡܸܬ̣ܦܪܲܥ ܒܪܵܐ ܚܛܵܗܹ̈ܐ ܕܐܲܒ̣ܘܼܗܝ: ܐܸܡܲܪ ܠܗܘܿܢ: ܡܸܛܠ ܕܲܥܒܲܕܼ ܒܪܵܐ ܕܝܼܢܵܐ ܘܙܲܕ̇ܝܼܩܘܼܬ̣ܵܐ: ܘܲܢܛܲܪ ܟܠܗܘܿܢ ܦܘܼܩ̈ܕܵܢܲܝ̈: ܡܸܚܵܐ ܢܸܚܹܐ. |
[No book] |
| [20]ܢܲܦ̮ܫܵܐ ܕܚܵܛ̇ܝܵܐ ܗ̤ܝ ܬܡܘܼܬ̣. ܠܵܐ ܢܸܬ̣ܦܪܲܥ ܒܪܵܐ ܚܛܵܗܹ̈ܐ ܕܐܲܒ̣ܘܼܗܝ: ܐܵܦܠܵܐ ܐܲܒ̣ܵܐ ܢܸܬ̣ܦܪܲܥ ܚܛܵܗܹ̈ܐ ܕܲܒ̣ܪܹܗ: ܙܵܟ̣ܘܼܬܹܗ ܕܙܲܟܵܝܵܐ ܥܠܵܘܗܝ ܬܸܗܘܹܐ: ܘܲܚܛܝܼܬܹܗ ܕܚܲܛܵܝܵܐ ܥܠܵܘܗܝ ܬܸܗܘܹܐ. |
[No book] |
| [21]ܥܵܘܿܠܵܐ ܕܹܝܢ ܐܸܢ ܢܸܗܦܘܿܟ ܡ̣ܢ ܟܠܗܘܿܢ ܚܛܵܗܵܘ̈ܗܝ ܕܲܥܒܲܕܼ: ܘܢܸܛܲܪ ܦܘܼܩ̈ܕܵܢܲܝ: ܘܢܸܥܒܸ̇ܕܼ ܕܝܼܢܵܐ ܘܙܲܕ̇ܝܼܩܘܼܬ̣ܵܐ: ܡܸܚܐ ܢܸܚܹܐ ܘܠܵܐ ܢܡܘܼܬ̣. |
[No book] |
| [22]ܘܟ̣ܠܗܘܿܢ ܚܛܵܗܵܘ̈ܗܝ ܕܲܥܒܲܕܼ ܠܵܐ ܢܸܬ̇ܕܲܟ̣ܪܘܿܢ ܠܹܗ: ܐܸܠܵܐ ܒܙܲܕ̇ܝܼܩܘܼܬ̣ܵܐ ܕܲܥ̣ܒܲܕܼ ܢܸܚܹܐ. |
[No book] |
| [23]ܠܵܐ ܨܵܒܹ̇ܐ ܐ̄ܢܵܐ ܒܡܵܘ̱ܬܹ̇ܗ ܕܚܲܛܵܝܵܐ: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܸܠܵܐ ܕܢܸܗܦܘܿܟ ܡ̣ܢ ܐܘܼܪܚܹܗ ܒܝܼܫܬܵܐ ܘܢܸܚܹܐ. |
[No book] |
| [24]ܘܐܸܢ ܢܸܗܦܘܿܟ ܙܲܕ̇ܝܼܩܵܐ ܡ̣ܢ ܙܲܕ̇ܝܼܩܘܼܬܹܗ: ܘܢܸܥܒܸ̇ܕܼ ܥܵܘܼܠܵܐ ܘܛܲܢܦܘܼܬ̣ܵܐ ܐܲܝܟ ܗܵܠܹܝܢ ܕܲܥ̣ܒܲܕܼ ܚܲܛܵܝܵܐ: ܟܠܵܗ̇ ܙܲܕ̇ܝܼܩܘܼܬܹܗ ܕܲܥܒܲܕܼ ܠܵܐ ܬܸܬ̇ܕ̇ܟܲܪ ܠܹܗ: ܐܸܠܵܐ ܒܥܵܘܼܠܵܐ ܕܲܥܒܲܕܼ: ܘܒܲܚܛܵܗܹ̈ܐ ܕܲܚܛܵܐ: ܒܗܘܿܢ ܢܡܘܼܬ̣. |
[No book] |
| [25]ܘܐܸܡܲܪܬ̇ܘܿܢ ܠܵܐ ܫܲܦܝܼܪ̈ܵܢ ܐܘܼܪ̈ܚܵܬܹܗ ܕܡܵܪܝܵܐ: ܫܡܲܥܘ ܗܵܟܹܝܠ ܕܒܹܝܬ̣ ܝܑܼܣܪܵܝܹܠ: ܐܘܼܪ̈ܚܵܬ̣ܝ ܕܝܼܠܝ ܫܲܦܝܼܪ̈ܵܢ ܐܸܢܹܝܢ: ܐܸܠܵܐ ܐܘܼܪ̈ܚܵܬ̣ܟ̣ܘܿܢ ܗ̄ܘܼ ܕܝܼܠܟ̣ܘܿܢ ܠܵܐ ܫܲܦܝܼܪ̈ܵܢ. |
[No book] |
| [26]ܘܐܸܢ ܢܸܗܦܘܿܟ ܙܲܕ̇ܝܼܩܵܐ ܡ̣ܢ ܙܲܕ̇ܝܼܩܘܼܬܹܗ ܘܢܸܥܒܸ̇ܕܼ ܥܵܘܼܠܵܐ: ܒܹܗ ܒܥܵܘܼܠܵܐ ܕܲܥܒܲܕܼ ܢܡܘܼܬ̣. |
[No book] |
| [27]ܘܐܸܢ ܢܸܗܦܘܿܟ ܥܵܘܠܵܐ ܡ̣ܢ ܥܵܘܵܠܘܼܬܹܗ: ܘܢܸܥܒܸ̇ܕܼ ܕܝܼܢܵܐ ܘܙܲܕ̇ܝܼܩܘܼܬ̣ܵܐ: ܢܲܚܸܐ ܢܲܦ̮ܫܹܗ. |
[No book] |
| [28]ܘܐܸܢ ܢܸܚܙܹܐ ܘܢܸܗܦܘܿܟ ܡ̣ܢ ܟܠܗܘܿܢ ܚܛܵܗܵܘ̈ܗܝ ܕܲܥܒܲܕܼ: ܡܸܚܵܐ ܢܸܚܸܐ ܘܠܵܐ ܢܡܘܼܬ̣. |
[No book] |
| [29]ܘܐܵܡ̇ܪܝܼܢ ܕܒܹܝܬ̣ ܝܑܼܣܪܵܝܹܠ ܠܵܐ ܫܲܦܝܼܪ̈ܵܢ ܐܘܼܪ̈ܚܵܬܹܗ ܕܡܵܪܝܵܐ: ܐܘܼܪ̈ܚܵܬ̣ܝ ܕܝܼܠܝ ܫܲܦܝܼܪ̈ܵܢ ܐܸܢܹܝܢ ܕܒܹܝܬ̣ ܝܑܼܣܪܵܝܹܠ: ܐܸܠܵܐ ܐܘܼܪ̈ܚܵܬ̣ܟ̣ܘܿܢ ܗ̄ܘܼ ܕܝܼܠܟ̣ܘܿܢ ܠܵܐ ܫܲܦܝܼܪ̈ܵܢ. |
[No book] |
| [30]ܡܸܛܠ ܗܵܢܵܐ ܐ̄ܢܵܫ ܐܲܝܟ ܐܘܼܪ̈ܚܵܬܹܗ ܐܹܕ̇ܢܟ̣ܘܿܢ ܒܹܝܬ̣ ܝܑܼܣܪܵܝܹܠ: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. ܬܘܼܒ̣ܘ ܘܐܸܬ̣ܦܢܵܘ ܡ̣ܢ ܟܠܹܗ ܥܵܘܼܠܟ̣ܘܿܢ: ܘܠܵܐ ܬܸܗܘܹܐ ܠܟ̣ܘܿܢ ܬܘܼܩ̱ܠܬ̣ܵܐ ܠܲܚܛܵܗܲܝ̈ܟ̇ܘܿܢ. |
[No book] |
| [31]ܘܲܫܕܼܵܘ ܡܸܢܟ̣ܘܿܢ ܟܠܹܗ ܥܵܘܼܠܵܐ ܕܲܥ̣ܕ̇ܬ̇ܘܿܢ: ܘܲܥܒܸܕܼܘ ܠܟ̣ܘܿܢ ܠܸܒܵܐ ܚܲܕܬܵܐ: ܘܪܘܼܚܵܐ ܚܕܲܬܵܐ: ܘܠܵܐ ܬܡܘܼܬ̣ܘܼܢ ܕܒܹܝܬ̣ ܝܑܼܣܪܵܝܹܠ. |
[No book] |
| [32]ܡܸܛܠ ܕܠܵܐ ܨܵܒܹ̇ܐ ܐ̄ܢܵܐ ܒܡܵܘܬܹ̇ܗ ܕܡܝܼܬ̣ܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܸܠܵܐ ܬܘܼܒ̣ܘ ܘܲܚܝܵܘ. |
[No book] |