➖ »
«
➖ ➕
Peshitta OT
PesOT
The Acts of Thomas
ActThom
←
Ezekiel
Eze
19
→
[1]ܐܲܢ̄ܬ̇ ܕܹܝܢ ܒܲܪܢܵܫܵܐ ܫܩܘܿܠ ܐܘܿܠܝܼܬܵܐ ܥܲܠ ܪܵܘܪ̈ܒ̣ܵܢܹܐ ܕܝܼܣܪܵܝܹܠ. [No book]
[2]ܘܐܸܡܲܪ: ܡܵܢܲܐ ܗ̄ܝܼ ܐܸܡܵܟ ܓܘܼܪܝܵܐ ܕܐܲܪܝܵܐ: ܕܒܲܝܢܵܬ̣ ܐܲܪ̈ܝܵܘܵܬ̣ܵܐ ܪܲܒ̇ܝܼܥܵܐ: ܘܒܲܝܢܵܬ̣ ܐܲܪ̈ܝܵܘܵܬ̣ܵܐ ܪܲܒ̇ܝܲܬ̤ ܓܪܹ̈ܝܗ̇. [No book]
[3]ܘܲܪܒ̣ܵܐ ܚܲܕܼ ܡ̣ܢ ܓܪܹ̈ܝܗ̇ ܘܲܗܘ̤ܵܐ ܐܲܪܝܵܐ: ܘܝܼܠܸܦ ܠܡܸܬ̣ܒܲܪ ܬܒ̣ܵܪܵܐ: ܘܐܸܟܲܠ ܒܲܪܢܵܫܵܐ. [No book]
[4]ܘܲܫ̣ܡܲܥܘ ܛܸܒܹ̇ܗ ܥܲܡܡܹ̈ܐ: ܘܒܲܡܨܝܼܕ̇ܬ̇ܗܘܿܢ ܐܸܬ̇ܬ̇ܚܸܕܼ: ܘܐܲܝܬ̇ܝܼܘܗܝ ܒܲܒ̣ܠܵܡܵܐ ܠܐܲܪܥܵܐ ܕܡܸܨܪܹܝܢ. [No book]
[5]ܘܟܲܕܼ ܚܙܵܬ̤ ܐܸܡܹܗ ܕܐܸܬ̣ܟܲܪܗܲܬ̣ ܘܐܸܒܲܕܼ ܠܹܗ ܣܲܒ̣ܪܵܗ̇: ܢܸܣܒܲܬ̤ ܡ̣ܢ ܓܪܹ̈ܝܗ̇ ܘܲܥܒܲܕܼܬܹܗ ܐܲܪܝܵܐ. [No book]
[6]ܘܗܲܠܸܟ ܒܲܝܢܵܬ̣ ܐܲܪ̈ܝܵܘܵܬ̣ܵܐ: ܘܲܗܘ̤ܵܐ ܐܲܪܝܵܐ: ܘܝܼܠܸܦ ܠܡܸܬ̣ܒܲܪ ܬܒ̣ܵܪܵܐ: ܘܐܸܟܲܠ̣ ܒܲܪܢܵܫܵܐ. [No book]
[7]ܘܗܲܠܸܟ ܒܥܘܼܫܢܹܗ: ܘܲܡܕܼܝܼ̈ܢܵܬܵܐ ܐܲܚܪܸܒ̣: ܘܚܒܸ̇ܠ ܐܲܪܥܵܐ ܒܲܡܠܹܐܵܗ̇ ܒܩܵܠܵܐ ܕܢܸܗ̱ܡܬܹܗ. [No book]
[8]ܘܐܸܬ̣ܟܲܢܲܫܘ ܥܠܵܘܗܝ ܥܲܡܡܹ̈ܐ ܡ̣ܢ ܡܕܼܝܼ̈ܢܵܬ̣ܵܐ ܕܲܚܕܼܵܪ̈ܵܘܗܝ: ܘܲܦܪܲܣܘ ܥܠܵܘܗܝ ܡܨܝܼܕ̇ܬ̇ܗܘܿܢ: ܘܒ̣ܵܗ̇ ܐܸܬ̇ܬ̇ܚܸܕܼ. [No book]
[9]ܘܚܲܒ̣ܫܘܼܗܝ ܒܢܵܡܲܪܬܵܐ: ܘܐܵܘܒ̇ܠܘܼܗܝ ܠܡܲܠܟܵܐ ܕܒ̣ܵܒܹܠ: ܘܐܲܥܠܹܗ ܠܒܹܝܬ̣ ܚܒ̣ܘܼܫܝܵܐ: ܕܬ̣ܘܼܒ̣ ܠܵܐ ܢܸܫܬ̇ܡܲܥ ܩܵܠܹܗ ܒܛܘܼܪܹ̈ܐ ܕܝܼܣܪܵܝܹܠ. [No book]
[10]ܐܸܡܵܟ ܐܲܝܟ ܓܦܸܬܵܐ ܒܲܕܼܡܵܟ: ܥܲܠ ܡܲـ̈ـܝܵܐ ܢܨܝܼܒ̣ܵܐ. ܦܹܐܪܹ̈ܝܗ̇ ܘܥܵܘܦܹ̈ܝܗ̇ ܗܘ̤ܵܘ ܒ̈ܡܲܝܵܐ ܣܲܓ̇ܝܼ̈ܐܹܐ. [No book]
[11]ܘܲܗܘ̤ܵܘ ܠܵܗ̇ ܚܘܼܛܪܹ̈ܐ ܥܲܫܝܼܢܹ̈ܐ ܥܲܠ ܫܲܒ̣̈ܛܹܐ ܕܪܵܘܪ̈ܒ̣ܵܢܹܐ: ܘܬܸܬ̇ܬ̇ܪܝܼܡܲܬ̤ ܩܵܘܡܲܬ̣ܗܘܿܢ ܡ̣ܢ ܒܲܝܢܵܬ̣ ܢܘܼܪ̈ܒܹ̇ܝܗ̇: ܘܐܸܬ̣ܚܙܝܼܘ ܒܪܵܘܡܗܘܿܢ ܘܲܒ̣ܣܘܿܓ̣ܵܐܐ ܕܕܼܵܠܝܵـ̈ـܬ̣ܗܘܿܢ. [No book]
[12]ܘܐܸܬ̣ܥ̱ܩܲܪܘ ܒܚܸܡܬ̣ܵܐ ܘܒܲܐܪܥܵܐ ܐܸܫܬ̇ܕܼܝܼܘ: ܘܪܘܼܚܵܐ ܕܫܵܘܒܵܐ ܐܵܘܒ̇ܫܲܬ̤ ܦܹܐܪܹ̈ܝܗ̇: ܘܐܸܬ̣ܦܲܪܲܩܘ ܘܝܼܒܸܫܘ ܚܘܼܛܪܹ̈ܐ ܕܥܘܼܫܢܵܗ̇: ܘܢܘܼܪܵܐ ܐܸܟܲܠܬ̣ܵܗ̇. [No book]
[13]ܡܸܟܹ̇ܝܠ ܐܸܬ̣ܢܲܨܒܲܬ̤ ܒܡܲܕܼܒ̇ܪܵܐ: ܒܐܲܪܥܵܐ ܨܗܝܼܬ̣ܵܐ ܘܨܵܕܼܝܼܬ̣ܵܐ. [No book]
[14]ܘܢܸܦܩܲܬ̤ ܢܘܼܪܵܐ ܡ̣ܢ ܚܘܼܛܪܹ̈ܝܗ̇ ܓܒܲـ̈ـܝܵܐ ܘܐܸܟܲܠܬ̤ ܦܹܐܪܹ̈ܝܗ̇: ܘܠܵܐ ܐܸܫܬ̇ܟܲܚ ܒܵܗ̇ ܬܘܼܒ̣ ܚܘܼܛܪܵܐ ܥܲܫܝܼܢܵܐ: ܐܵܘ ܫܲܒ̣ܛܵܐ ܕܢܸܗܘܹܐ ܫܲܠܝܼܛܵܐ. ܐܘܿܠܝܼܬ̣ܵܐ ܗ̄ܝܼ ܬܸܗܘܹܐ ܠܐܘܿܠܝܼܬ̣ܵܐ. [No book]
 
Top