➖ »
«
➖ ➕
Aleppo Codex (~920)
Alep
Peshitta NT (literal)
PesNT(lit)
←
Ezekiel
Eze
38
→
[1]ויהי דבר יהוה אלי לאמר [No book]
[2]בן אדם שים פניך אל גוג ארץ המגוג־נשיא ראש משך ותבל והנבא עליו [No book]
[3]ואמרת כה אמר אדני יהוה הנני אליך גוג־נשיא ראש משך ותבל [No book]
[4]ושובבתיך ונתתי חחים בלחייך והוצאתי אותך ואת כל חילך סוסים ופרשים לבשי מכלול כלם־קהל רב צנה ומגן תפשי חרבות כלם [No book]
[5]פרס כוש ופוט אתם כלם מגן וכובע [No book]
[6]גמר וכל אגפיה־בית תוגרמה ירכתי צפון ואת כל אגפיו עמים רבים אתך [No book]
[7]הכן והכן לך־אתה וכל קהלך הנקהלים עליך והיית להם למשמר [No book]
[8]מימים רבים תפקד־באחרית השנים תבוא אל ארץ משובבת מחרב מקבצת מעמים רבים על הרי ישראל אשר היו לחרבה תמיד והיא מעמים הוצאה וישבו לבטח כלם [No book]
[9]ועלית כשאה תבוא כענן לכסות הארץ תהיה־אתה וכל אגפיך ועמים רבים אותך [No book]
[10]כה אמר אדני יהוה והיה ביום ההוא יעלו דברים על לבבך וחשבת מחשבת רעה [No book]
[11]ואמרת אעלה על ארץ פרזות־אבוא השקטים ישבי לבטח כלם ישבים באין חומה ובריח ודלתים אין להם [No book]
[12]לשלל שלל ולבז בז־להשיב ידך על חרבות נושבות ואל עם מאסף מגוים עשה מקנה וקנין ישבי על טבור הארץ [No book]
[13]שבא ודדן וסחרי תרשיש וכל כפיריה יאמרו לך הלשלל שלל אתה בא הלבז בז הקהלת קהלך־לשאת כסף וזהב לקחת מקנה וקנין לשלל שלל גדול [No book]
[14]לכן הנבא בן אדם ואמרת לגוג כה אמר אדני יהוה הלוא ביום ההוא בשבת עמי ישראל לבטח־תדע [No book]
[15]ובאת ממקומך מירכתי צפון־אתה ועמים רבים אתך רכבי סוסים כלם קהל גדול וחיל רב [No book]
[16]ועלית על עמי ישראל כענן לכסות הארץ באחרית הימים תהיה והבאותיך על ארצי למען דעת הגוים אתי בהקדשי בך לעיניהם גוג [No book]
[17]כה אמר אדני יהוה האתה הוא אשר דברתי בימים קדמונים ביד עבדי נביאי ישראל הנבאים בימים ההם שנים־להביא אתך עליהם [No book]
[18]והיה ביום ההוא ביום בוא גוג על אדמת ישראל־נאם אדני יהוה תעלה חמתי באפי [No book]
[19]ובקנאתי באש עברתי דברתי אם לא ביום ההוא יהיה רעש גדול על אדמת ישראל [No book]
[20]ורעשו מפני דגי הים ועוף השמים וחית השדה וכל הרמש הרמש על האדמה וכל האדם אשר על פני האדמה ונהרסו ההרים ונפלו המדרגות וכל חומה לארץ תפול [No book]
[21]וקראתי עליו לכל הרי חרב נאם אדני יהוה חרב איש באחיו תהיה [No book]
[22]ונשפטתי אתו בדבר ובדם וגשם שוטף ואבני אלגביש אש וגפרית אמטיר עליו ועל אגפיו ועל עמים רבים אשר אתו [No book]
[23]והתגדלתי והתקדשתי ונודעתי לעיני גוים רבים וידעו כי אני יהוה [No book]
Source: unbound.biola.edu
Top