➖ »
«
➖ ➕
Peshitta OT
PesOT
The Acts of Thomas
ActThom
←
Ezekiel
Eze
41
→
[1]ܘܐܲܥܠܲܢܝ ܠܗܲܝܟ̇ܠܵܐ: ܘܡܲܫܚܹܗ ܠܲܦܪܘܼܣܬ̇ܕܼܵܐ: ܫܸܬ̣ ܐܲܡܝܼ̈ܢ ܦܬ̣ܵܝܹܗ ܡܸܟܵܐ: ܘܫܸܬ̣ ܐܲܡܝܼ̈ܢ ܦܬ̣ܵܝܹܗ ܡܸܟܵܐ. [No book]
[2]ܘܲܦܬ̣ܵܝܹܗ ܕܡܲܫܟ̇ܢܵܐ ܘܲܦܬ̣ܵܝܹܗ ܕܬܲܪܥܵܐ ܥܣܲܪ ܐܲܡ̈ܝܼܢ: ܘܣܸܛܪ̈ܵܘܗܝ ܕܬܲܪܥܵܐ: ܚܲܡܸܫ ܐܲܡܝܼ̈ܢ ܡܸܟܵܐ: ܘܲܡܫܲܚ ܐܘܼܪܟܹ̇ܗ ܐܲܪܒ̇ܥܝܼܢ ܐܲܡ̈ܝܼܢ: ܘܲܦܬ̣ܵܝܹܗ ܥܸܣܪܝܼܢ ܐܲܡ̈ܝܼܢ. [No book]
[3]ܘܥܲܠ ܠܓ̣ܵܘ: ܘܡܲܫ̣ܚܹܗ ܠܲܦܪܘܼܣܬ̇ܕܹܐ ܕܬܲܪܥܵܐ: ܬܲܪܬܹ̇ܝܢ ܐܲܡܝܼ̈ܢ: ܘܬܲܪܥܵܐ ܫܸܬ̣ ܐܲܡܝܼ̈ܢ: ܘܲܦܬ̣ܵܝܹܗ ܫܒܲܥ ܐܲܡܝܼ̈ܢ. [No book]
[4]ܘܲܡܫܲܚ ܐܘܼܪܟܹ̇ܗ ܥܸܣܪܝܼܢ ܐܲܡܝܼ̈ܢ: ܘܲܦܬ̣ܵܝܹܗ ܥܸܣܪܝܼܢ ܐܲܡܝܼ̈ܢ ܠܘܼܩܒܲܠ ܗܲܝܟ̇ܠܵܐ: ܘܐܸܡܲܪ ܠܝܼ ܗܵܢܵܘ ܩܕܼܘܿܫ ܩܘܼܕܼܫܹ̈ܐ. [No book]
[5]ܘܲܡܫܲܚ ܐܸܣܬܹܗ ܕܒܲܝܬܵܐ ܫܸܬ̣ ܐܲܡܝܼ̈ܢ: ܘܲܦܬ̣ܵܝܵܗ̇ ܕܕܲܦܢܵܐ ܫܒܲܥ ܐܲܡܝܼ̈ܢ ܟܲܕܼ ܚܵܕܲܪ ܒܲܝܬܵܐ. [No book]
[6]ܘܕܲܦܢܵـ̈ـܬ̣ܵܐ ܕܲܦܢܵܐ ܥܲܠ ܕܲܦܢܵܐ: ܬܠܵܬ̣ܝܼܢ ܘܲܬ̣ܠܵܬ̣ ܙܲܒ̣̈ܢܝܼܢ: ܘܥܵܐ̈ܠܵܢ ܒܐܸܣܬܹܗ ܕܒܲܝܬܵܐ ܕܲܦ̈ܢܵܬ̣ܵܐ ܟܲܕܼ ܚܵܕܼܪ̈ܵܢ: ܕܢܸܗܘ̈ܝܵܢ ܐܲܚܝܼ̈ܕܼܵܢ ܘܡܲܦ̱ܪ̈ܩܵܢ ܡ̣ܢ ܐܸܣܬ̣ܵܐ. [No book]
[7]ܘܢܵܩـ̈ـܦܵܢ ܠܥܸܠ ܗܸܢܹܝܢ ܕܲܦ̈ܢܵܬ̣ܵܐ: ܕܢܸܬ̣ܟܲܪ̈ܟܵܢ ܡ̣ܢ ܠܥܸܠ ܠܒܲܝܬܵܐ: ܕܢܸܪܘܲܚ ܒܲܝܬܵܐ ܡ̣ܢ ܠܥܸܠ: ܘܡ̣ܢ ܠܬܲܚܬ̇ ܢܸܗܘܘܿܢ ܣܵܠܩܝܼܢ ܠܡܸܨܥܵـ̈ـܝܵܬ̣ܵܐ: ܘܡ̣ܢ ܡܸܨܥܵܝܵـ̈ـܬ̣ܵܐ ܠܥܸܠܵܝܵـ̈ـܬ̣ܵܐ. [No book]
[8]ܘܲܚܙܹ̇ܝܬ̣ ܪܵܘܡܹܗ ܕܒܲܝܬܵܐ ܟܲܕܼ ܚܵܕܲܪ: ܘܦܲܪ̈ܝܼܩܵܢ ܗ̄ܘܲܝ̈ ܕܲܦܢܵܬ̣ܵܐ ܚܕܼܵܐ ܡ̣ܢ ܚܕܼܵܐ: ܡܠܹܐ ܩܲܢܝܵܐ ܫܸܬ̣ ܐܲܡܝܼ̈ܢ. [No book]
[9]ܘܲܦܬ̣ܵܝܵܗ̇ ܕܐܸܣܬ̣ܵܐ ܕܕܲܦܢܵܐ ܕܲܠܒܲܪ ܚܲܡܸܫ ܐܲܡܝܼ̈ܢ: ܘܲܕܼܡܸܢ ܠܓ̣ܵܘ ܚܲܡܸܫ ܐܲܡܝܼ̈ܢ. [No book]
[10]ܘܒܹܝܬ̣ ܐܲܟ̣ܣܸܕܼܪܹ̈ܐ ܦܬܵܝܵܐ ܥܸܣܪܝܼܢ ܐܲܡܝܼ̈ܢ ܟܲܕܼ ܚܵܕܼܪ̈ܵܢ ܠܒܲܝܬܵܐ. [No book]
[11]ܘܬܲܪܥܵܐ ܕܕܲܦܢܵܐ ܕܲܫܒ̣ܝܼܩ: ܚܲܕܼ ܠܬܲܝܡܢܵܐ: ܘܚܲܕܼ ܠܓܲܪܒ̇ܝܵܐ: ܘܲܦܬ̣ܵܝܹܗ ܕܬܲܪܥܵܐ ܕܲܫܒ̣ܝܼܩ ܚܲܡܸܫ ܐܲܡܝܼ̈ܢ. [No book]
[12]ܘܒܸܢܝܵܢܵܐ ܕܲܩܕܼܵܡ ܓܙܝܼܪܬܵܐ: ܕܲܒ̣ܬܲܪܥܵܐ ܡܲܥ̱ܪܒ̣ܵܝܵܐ: ܦܬ̣ܵܝܹܗ ܫܲܒ̣ܥܝܼܢ ܐܲܡܝܼ̈ܢ: ܘܐܸܣܬܹܗ ܕܒܸܢܝܵܢܵܐ ܚܲܡܸܫ ܐܲܡܝܼ̈ܢ ܦܬ̣ܵܝܵܐ ܟܲܕܼ ܚܵܕܲܪ: ܘܐܘܼܪܟܹ̇ܗ ܬܸܫܥܝܼܢ ܐܲܡܝܼ̈ܢ. [No book]
[13]ܘܡܲܫܚܹܗ ܠܒܲܝܬܵܐ: ܡܵܐܐ ܐܲܡܝܼ̈ܢ ܐܘܼܪܟܹ̇ܗ: ܘܲܓ̣ܙܝܼܪܬܵܐ ܕܒܸܢܝܵܢܵܐ ܕܐܸܣܹ̈ܐ: ܐܘܼܪܟܵܐ ܡܵܐܐ ܐܲܡܝܼ̈ܢ. [No book]
[14]ܘܲܦܬܼܵܝܵܐ ܠܘܼܩܒܲܠ ܒܲܝܬܵܐ: ܘܲܓ̣ܙܝܼܪܬܵܐ ܡܲܕܼܢ̱ܚܵܝܬܵܐ ܡܵܐܐ ܐܲܡܝܼ̈ܢ. [No book]
[15]ܘܲܡܫܲܚ ܐܘܼܪܟܹ̇ܗ ܕܒܸܢܝܵܢܵܐ ܕܲܩܕܼܵܡ ܓܙܝܼܪܬܵܐ: ܘܒܸܣܬ̇ܪܹܗ ܘܲܬ̣ܝܵܟ̣ܵܘ̈ܗܝ ܡܸܟܵܐ ܘܡܸܟܵܐ: ܡܵܐܐ ܐܲܡܝܼ̈ܢ: ܘܗܲܝܟ̇ܠܵܐ ܓܵܘܵܝܵܐ: ܘܲܦܪ̈ܘܼܣܬ̇ܕܹܐ ܕܬܲܪܥܵܐ ܕܕܼܵܪܬܵܐ. [No book]
[16]ܘܣܸܦܹ̈ܐ ܘܟ̣ܵܘܹ̈ܐ ܘܲܬ̣ܝܵܟܹ̈ܐ ܟܲܕܼ ܚܵܕܪܝܼܢ: ܘܠܲܬ̣ܠܵܬܲܝ̈ܗܘܿܢ ܬܲܪ̈ܥܹܐ ܩܪܲܡ ܩܲܝܣܵܐ: ܟܲܕܼ ܚܵܕܼܪܝܼܢ: ܘܐܘܼܪܟܹ̇ܗ ܥܕܲܡܵܐ ܠܟ̣ܵܘܹ̈ܐ. [No book]
[17]ܘܟ̣ܵܘܹ̈ܐ ܡܟܲܣ̈ܝܵܢ ܠܥܸܠ ܡ̣ܢ ܬܲܪܥܵܐ ܕܒܲܝܬܵܐ ܓܵܘܵܝܵܐ: ܘܲܠܒܲܪ ܠܟ̣ܠܗܹܝܢ ܐܸܣܹ̈ܐ ܟܲܕܼ ܚܵܕܲܪ: ܡܸܫܲܚ ܡ̣ܢ ܠܒܲܪ ܘܡ̣ܢ ܠܓ̣ܵܘ. [No book]
[18]ܘܲܥܒܲܕܼ ܟܪ̈ܘܼܒܹܐ ܘܕܸܩ̈ܠܹܐ: ܘܕܸܩܠܵܐ ܒܹܝܬ̣ ܟܪܘܿܒ̣ܵܐ ܠܲܟ̣ܪܘܿܒ̣ܵܐ: ܘܬܲܪܬܹ̇ܝܢ ܐܲܦ̈ܝܼܢ ܠܲܟ̣ܪܘܿܒ̣ܵܐ. [No book]
[19]ܘܐܲܦܹ̈ܐ ܕܒܲܪܢܵܫܵܐ ܥܲܠ ܕܸܩ̈ܠܹܐ ܡܸܟܵܐ ܘܡܸܟܵܐ: ܥܒ̣ܝܼܕܼ ܠܟ̣ܠܹܗ ܒܲܝܬܵܐ ܟܲܕܼ ܚܵܕܲܪ. [No book]
[20]ܡ̣ܢ ܐܲܪܥܵܐ ܘܲܥܕܲܡܵܐ ܠܥܸܠ ܡ̣ܢ ܬܲܪ̈ܥܹܐ: ܟܪ̈ܘܿܒܹܐ ܘܕܸܩ̈ܠܹܐ ܥܒ̣ܝܼܕܼܝܼܢ. [No book]
[21]ܘܐܸܣܬܹܗ ܕܗܲܝܟ̇ܠܵܐ ܡܪܲܒ̇ܥܵܐ ܗ̄ܘܼܵܬ̣: ܘܐܲܦܲܝ̈ ܩܘܼܕܼܫܵܐ ܕܚܸܙܘܵܐ: ܐܲܝܟ ܚܸܙܘܹܗ ܕܡܲܕܼܒ̇ܚܵܐ ܕܩܲܝܣܵܐ. [No book]
[22]ܬܠܵܬ̣ ܐܲܡܝܼ̈ܢ ܪܵܘܡܹܗ: ܘܐܘܼܪܟܹ̇ܗ ܬܲܪܬܹ̇ܝܢ ܐܲܡܝܼ̈ܢ: ܘܩܲܪ̈ܢܵܬ̣ܵܐ ܐܝܼܬ̣ ܠܹܗ: ܘܐܘܼܪܟܹ̇ܗ ܘܲܬ̣ܝܵܟ̣ܵܘ̈ܗܝ ܕܩܲܝܣܵܐ: ܘܐܸܡܲܪ ܠܝܼ: ܗܵܢܵܘ ܦܵܬ̣ܘܿܪܵܐ ܕܲܩܕܼܵܡ ܡܵܪܝܵܐ. [No book]
[23]ܘܲܬ̣ܪܹܝܢ ܬܪܹܝܢ ܬܲܪ̈ܥܝܼܢ ܠܡܲܪܒ̇ܒ̣ܵܐ. [No book]
[24]ܬܪܹܝܢ ܠܡܲܪܒ̇ܒ̣ܵܐ ܚܲܕܪ: ܘܲܬ̣ܪܹܝܢ ܠܡܲܪܒܵܒ̣ܵܐ ܐ̄ܚܪܹܢܵܐ. [No book]
[25]ܘܲܥܒ̣ܝܼܕܼ ܥܠܲܝܗܘܿܢ ܥܲܠ ܬܲܪ̈ܥܹܐ ܕܗܲܝܟ̇ܠܵܐ: ܟܪ̈ܘܿܒܹܐ ܘܕܸܩ̈ܠܹܐ ܐܲܝܟ ܕܲܥܒ̣ܝܼܕܼܝܼܢ ܒܐܸܣܹ̈ܐ. [No book]
[26]ܘܐܲܦܵܘ̈ܗܝ ܕܲܦܪܘܼܣܬ̇ܕܼܵܐ ܩܪ̈ܝܼܡܵܢ ܩܲܝܣܵܐ ܡ̣ܢ ܠܒܲܪ: ܘܟ̣ܵܘܹ̈ܐ ܫܛ̈ܝܼܦܵܢ: ܘܕܸܩ̈ܠܹܐ ܐܝܼܬ̣ ܡܸܟܵܐ ܘܡܸܟܵܐ ܥܲܠ ܣܸܛܪ̈ܵܘܗܝ ܕܲܦܪܘܼܣܬ̇ܕܼܵܐ: ܘܕܲܦ̈ܢܵܬܹܗ ܕܒܲܝܬܵܐ ܩܪ̈ܝܼܡܵܢ ܕܲܦܹ̈ܐ. [No book]
 
Top