➖ »
«
➖ ➕
Peshitta OT
PesOT
The Acts of Thomas
ActThom
←
Ezekiel
Eze
42
→
[1]ܘܐܲܦ̣ܩܲܢܝ ܠܕܼܵܪܬܵܐ ܒܲܪܵܝܬܵܐ ܠܐܘܼܪܚܵܐ ܕܓܲܪܒ̇ܝܵܐ: ܘܐܲܥܠܲܢܝ ܠܐܲܟ̣ܣܸܕܼܪܵܐ ܕܠܘܼܩܒܲܠ ܓܙܝܼܪܬܵܐ ܘܠܘܼܩܒܲܠ ܒܸܢܝܵܢܵܐ ܓܲܪܒ̇ܝܵܝܵܐ. [No book]
[2]ܠܘܼܩܒܲܠ ܐܘܼܪܟܵܐ ܕܐܲܡܹ̈ܐ ܕܬܲܪܥܵܐ ܓܲܪܒ̇ܝܵܝܵܐ: ܘܲܦܬ̣ܵܝܵܐ ܚܲܡܫܝܼܢ ܐܲܡ̈ܝܼܢ. [No book]
[3]ܠܘܼܩܒܲܠ ܬܲܪܥܵܐ ܕܕܼܵܪܬܵܐ ܓܵܘܵܝܬܵܐ: ܘܠܘܼܩܒܲܠ ܕܲܪ̈ܓܹܐ ܕܕܼܵܪܬܵܐ ܒܲܪܵܝܬܵܐ: ܕܲܒ̣ܢܹܝܢ ܚܲܕܼ ܥܲܠ ܚܼܲܕܼ ܥܲܠ ܬܠܵܬ̣ܵܐ ܣܸܕܼܪ̈ܝܼܢ. [No book]
[4]ܘܲܩܕܼܵܡ ܐܲܟ̣ܣܸܕܼܪܹ̈ܐ ܒܹܝܬ̣ ܗܠܲܟ̣ܬ̣ܵܐ: ܥܣܲܪ ܐܲܡ̈ܝܼܢ ܦܬ̣ܵܝܵܐ: ܘܐܘܼܪܟܵܐ ܡܵܐܐ ܐܲܡܝܼ̈ܢ: ܘܬܲܪܥܵܐ ܕܒܹܝܬ̣ ܗܲܠܲܟ̣ܬ̣ܵܐ ܠܓܲܪܒ̇ܝܵܐ. [No book]
[5]ܘܐܲܟ̣ܣܸܕܼܪܹ̈ܐ ܥܸܠܵܝܵـ̈ـܬ̣ܵܐ ܙܥܘܿܪ̈ܝܵܢ ܗ̄ܘܲܝ̈: ܡܸܛܠ ܕܥܵܐ̇ܠܝܼܢ ܗ̄ܘܼܵܘ ܒܗܹܝܢ ܕܲܪ̈ܓܹܐ. [No book]
[6]ܡܬܲܠ̈ܬ̣ܵܢ ܗ̄ܘܲܝ̈ ܓܹܝܪ: ܘܠܲܝܬ̇ ܗ̄ܘܼܵܘ ܠܗܹܝܢ ܥܲܡܘܼ̈ܕܹܐ ܐܲܝܟ ܥܲܡܘܼ̈ܕܹܐ ܕܕܲܪܬܵܐ: ܡܸܛܠ ܗܵܢܵܐ ܙܥܘܿܪ̈ܝܵܢ ܗ̄ܘܲܝ̈ ܡ̣ܢ ܬܲܚ̈ܬܵܝܬܵܐ ܘܡ̣ܢ ܡܸܨ̈ܥܵܝܵܬ̣ܵܐ. [No book]
[7]ܘܒܸܐܣܬ̣ܵܐ ܕܲܠܒܲܪ ܕܠܘܼܩܒܲܠ ܐܲܟ̣ܣܸܕܼܪܹ̈ܐ: ܐܘܼܪܟܵܐ ܚܲܡܫܝܼܢ ܐܲܡܝܼ̤̈ܢ. [No book]
[8]ܡܸܛܠ ܕܐܘܼܪܟܵܐ ܕܐܲܟ̣ܣܕܼܪܵܐ ܕܕܼܵܪܬܵܐ ܒܲܪܵܝܬܵܐ ܚܲܡܫܝܼܢ ܐܲܡܝܼ̈ܢ: ܘܠܘܼܩܒܲܠ ܗܲܝܟ̇ܠܵܐ ܡܵܐܐ ܐܲܡ̈ܝܼܢ. [No book]
[9]ܘܬܲܪܥܵܐ ܕܐܲܟ̣ܣܸܕܼܪܵܐ ܕܡܲܥܠܵܢܵܐ ܡܲܕܼܢ̱ܚܵܝܵܐ: ܕܥܵܐܹ̇ܠ ܠܕܼܵܪܬܵܐ ܒܲܪܵܝܬܵܐ. [No book]
[10]ܒܲܦܬ̣ܵܝܵܗ̇ ܕܐܸܣܬ̣ܵܐ ܕܕܼܵܪܬܵܐ: ܒܡܲܥܠܵܢܵܐ ܡܲܕܼܢ̱ܚܵܝܵܐ ܩܕܼܵܡ ܓܙܝܼܪܬܵܐ: ܘܲܩܕܼܵܡ ܒܸܢܝܵܢܵܐ ܕܐܲܟ̣ܣܸܕܼܪܹ̈ܐ. [No book]
[11]ܘܐܘܼܪܚܵܐ ܩܕܼܵܡܲܝܗܹܝܢ: ܘܚܸܙܘܵܐ ܕܐܲܟ̣ܣܸܕܼܪܹ̈ܐ ܕܒ̣ܐܘܼܪܚܵܐ ܕܓܲܪܒ̇ܝܵܐ: ܐܘܼܪܟ̇ܗܹܝܢ ܐܲܝܟ ܦܬ̣ܵܝܗܹܝܢ: ܘܟ̣ܠܗܘܿܢ ܡܲܦܩܵܢܲܝ̈ܗܹܝܢ: ܘܡܲܥܠܵܢܲܝ̈ܗܹܝܢ: ܘܚܸܙ̱ܘܗܹܝܢ: ܘܬܲܪ̈ܥܲܝܗܹܝܢ. [No book]
[12]ܐܲܝܟ ܬܲܪ̈ܥܹܐ ܕܐܲܟ̣ܣܸܕܼܪܹ̈ܐ ܕܒ̣ܐܘܼܪܚܵܐ ܕܬܲܝܡܢܵܐ: ܬܲܪܥܵܐ ܒܪܸܫ ܐܘܼܪܚܵܐ: ܐܘܼܪܚܵܐ ܒܐܲܦܲܝ̈ ܐܸܣܬ̣ܵܐ: ܕܒ̣ܐܘܼܪܚܵܐ ܕܢܲܚܠܵܐ ܡܲܕܼܢ̱ܚܵܝܵܐ ܐܲܝܟ ܕܐܵܬܹ̇ܐ. [No book]
[13]ܘܐܸܡܲܪ ܠܝܼ: ܐܲܟ̣ܣܸܕܼܪܹ̈ܐ ܕܓܲܪܒ̇ܝܵܐ: ܘܐܟ̣ܣܸܕܼܪܹ̈ܐ ܕܬܲܝܡܢܵܐ ܕܲܩܕܼܵܡ ܓܙܝܼܪܬܵܐ: ܗܵܠܹܝܢ ܐܸܢܹܝܢ ܐܲܟ̣ܣܸܕܼܪܹ̈ܐ ܐܲܬܲܪ ܕܐܵܟ̣ܠܝܼܢ ܟܵܗ̈ܢܹܐ ܕܲܡܩܲܪܒ̣ܝܼܢ ܠܡܵܪܝܵܐ ܩܕܼܘܿܫ ܩܘܼܕܼܫܹ̈ܐ: ܬܲܡܵܢ ܣܵܝܡܝܼܢ ܩܕܼܘܿܫ ܩܘܼܕܼܫܹ̈ܐ: ܘܲܣܡܝܼܕܼܵܐ ܘܬܲܕܼܟ̇ܝܼܬ̣ܵܐ ܕܲܚܛܵܗܹ̈ܐ: ܡܸܛܠ ܕܐܲܬ̣ܪܵܐ ܗ̄ܘܼ ܩܲܕ̇ܝܼܫܵܐ. [No book]
[14]ܘܡܵܐ ܕܥܵܐܠܝܼܢ ܟܵܗܢܹ̈ܐ: ܠܵܐ ܢܵܦܩܝܼܢ ܡ̣ܢ ܩܘܼܕܼܫܵܐ ܠܕܼܵܪܬܵܐ ܒܲܪܵܝܬܵܐ: ܐܸܠܵܐ ܬܲܡܵܢ ܣܵܝ̇ܡܝܼܢ ܡܲܐܢܲܝ̈ܗܘܿܢ ܗܵܢܘܿܢ ܕܲܡܫܲܡܫܝܼܢ ܒܗܘܿܢ: ܡܸܛܠ ܕܩܘܼܕܼܫܵܐ ܐܸܢܘܿܢ: ܘܠܵܒ̣ܫܝܼܢ ܡܵܐܢܹ̈ܐ ܐ̄ܚܪ̈ܵܢܹܐ: ܘܲܡܩܲܪܒ̣ܝܼܢ ܩܘܼܪ̈ܒܵܢܹܐ ܚܠܵܦ ܥܲܡܵܐ. [No book]
[15]ܘܲܫܠܸܡ ܡܘܼܫ̈ܚܵܬܹܗ ܕܒܲܝܬܵܐ ܓܵܘܵܝܵܐ. ܘܐܲܦܩܲܢܝ ܠܐܘܼܪܚܵܐ ܕܬܲܪܥܵܐ ܕܚܵܐܲܪ ܠܡܲܕܼܢ̱ܚܵܐ: ܘܡܲܫܚܹܗ ܟܲܕܼ ܚܵܕܲܪ. [No book]
[16]ܘܲܡܫܲܚ ܠܪܘܼܚܵܐ ܕܡܲܕܼܢ̱ܚܵܐ: ܒܩܲܢܝܵܐ ܕܲܡܫܘܼܚܬ̣ܵܐ ܚܲܡܸܫܡܵܐܐ ܩܢ̈ܝܼܢ. [No book]
[17]ܘܲܡ̣ܫܲܚ ܠܪܘܼܚܵܐ ܕܓܲܪܒ̇ܝܵܐ: ܒܩܲܢܝܵܐ ܕܲܡܫܘܼܚܬ̣ܵܐ: ܚܲܡܸܫܡܵܐܐ ܩܢ̈ܝܼܢ ܟܲܕܼ ܚܵܕܲܪ. [No book]
[18]ܘܲܡ̣ܫܲܚ ܠܪܘܼܚܵܐ ܕܬܲܝܡܢܵܐ: ܚܲܡܸܫܡܵܐܐ ܩܢ̈ܝܼܢ: ܒܩܲܢܝܵܐ ܕܲܡܫܘܼܚܬ̣ܵܐ. [No book]
[19]ܘܲܡ̣ܫܲܚ ܠܪܘܼܚܵܐ ܕܡܲܥ̱ܪܒ̣ܵܐ: ܚܲܡܸܫܡܵܐܐ ܩܢ̈ܝܼܢ: ܒܩܲܢܝܵܐ ܕܲܡܫܘܼܚܬ̣ܵܐ. [No book]
[20]ܠܐܲܪܒܲܥ ܪ̈ܘܼܚܵܘܗܝ ܡܲܫ̣ܚܹܗ: ܘܫܘܼܪܵܐ ܟܲܕܼ ܚܵܕܲܪ: ܐܘܼܪܟܹ̇ܗ ܚܲܡܸܫܡܵܐܐ ܘܲܦܬ̣ܵܝܹܗ ܚܲܡܸܫܡܵܐܐ: ܕܢܸܦܪܘܿܫ ܒܹܝܬ̣ ܩܘܼܕܼܫܵܐ ܠܚܘܼܠܵܐ. [No book]
 
Top