➖ »
«
➖ ➕
Peshitta OT
PesOT
The First Book of Clement
1Clem
←
Ezra
Ezr
6
→
[1]ܗܵܝܕܹ̇ܝܢ ܕܵܪܝܵܘܵܫ ܡܲܠܟܵܐ ܦ̣ܩܲܕܼ: ܘܲܩ̣ܪܵܐ ܒܲܟ̣ܬ̣ܵܒܹ̈ܐ ܕܐܝܼܬ̣ ܒܹܝܬ̣ ܓܲܙܵܐ ܬܲܡܵܢ ܒܒ̣ܵܒܹܠ. [No book]
[2]ܘܐܸܫ̣ܟܲܚ ܒܐܲܚܡܵܬ̣ܵܢ ܡܕܼܝܼܢ̄ܬܵܐ ܕܐܝܼܬ̣ ܒܡܵܕܲܝ: ܡܓܲܠܬ̣ܵܐ ܚܕܼܵܐ. ܘܗܵܟܲܢܵܐ ܟܬ̣ܝܼܒ̣ ܒܓ̣ܵܘܹܗ ܕܟܸܪܟܵܐ. [No book]
[3]ܒܲܫܢܲܬ̣ ܚܕܼܵܐ ܠܟ̣ܘܼܪܸܫ ܡܲܠܟܵܐ: ܟܘܼܪܸܫ ܡܲܠܟܵܐ ܣܵܡ̣ ܢܵܡܘܿܣܵܐ: ܘܲܦܩܲܕܼ ܕܒܲܝܬܵܐ ܕܐܲܠܵܗܵܐ ܕܐܝܼܬ̣ ܒܐܘܿܪܸܫܠܸܡ ܢܸܬ̣ܒ̇ܢܹܐ: ܐܲܬ̣ܪܵܐ ܕܕܸܒ̣ܚܹ̈ܐ ܕܵܒ̣ܚܝܼܢ. ܘܫܲܬ̣ܐ̱ܣܵܘ̈ܗܝ ܕܡ̣ܢ ܪܵܘܡܹܗ: ܐܲܡ̈ܝܼܢ ܫܬ̇ܝܼܢ. ܘܲܦܬ̣ܵܝܹܗ ܐܲܡܝܼ̈ܢ ܥܸܣܪܝܼܢ. [No book]
[4]ܡܪܲܒ̇ܥܵܐ ܕܟܹܐܦܹ̈ܐ ܬܠܵܬ̣ܵܐ. ܘܬܲܪܥܵܐ ܕܩܲܝܣܵܐ ܚܲܕܼܬ̣ܵܐ. ܘܐܵܦ ܢܦܲܩܬ̣ܵܐ ܡ̣ܢ ܒܹܝܬ̣ ܡܲܠܟܵܐ ܡܸܬ̣ܝܲܗ̄ܒܵܐ. [No book]
[5]ܘܐܵܦ ܡܵܐܢܹ̈ܐ ܕܒܹܝܬ̣ ܐܲܠܵܗܵܐ ܕܕܲܗܒ̣ܵܐ ܘܲܕܼܣܹܐܡܵܐ: ܕܐܲܦܸܩ̣ ܐܸܢܘܿܢ ܢܒ̣ܘܼܟܲܕܼܢܵܨܲܪ ܡܲܠܟܵܐ: ܘܐܵܘܒܸ̇ܠ ܐܸܢܘܿܢ ܠܒ̣ܵܒܹܠ: ܐܸܬ̣̱ܝܼܗܸܒ̣ܘ ܘܐܸܬ̣ܵܘ ܠܕܼܘܼܟܲܬ̣ܗܘܿܢ ܠܗܲܝܟ̇ܠܵܐ ܕܒ̣ܐܘܿܪܸܫܠܸܡ ܠܐܲܬ̣ܪܗܘܿܢ ܘܐܸܬ̣ܚ̄ܡܸܠܘ ܒܒܲܝܬܵܐ ܕܐܲܠܵܗܵܐ. [No book]
[6]ܡܸܟܹ̇ܝܠ ܬܲܬ̣ܢܲܝ ܫܲܠܝܼܛܵܐ ܕܒܲܥܒܲܪ ܢܲܗܪܵܐ: ܘܐܸܫܬܲܢܒ̇ܘܼܙܵܢ ܘܚܲܒ̣ܪ̈ܵܘܗܝ ܫܲܠܝܼ̈ܛܹܐ ܕܒܲܥܒܲܪ ܢܲܗܪܵܐ: ܪܲܚܝܼܩܝܼܢ ܗ̄ܘܲܝܬ̇ܘܿܢ ܡ̣ܢ ܬܲܡܵܢ. [No book]
[7]ܫܒ̣ܘܿܩܘ ܠܲܥܒ̣ܝܼܕ̇ܬܵܐ ܕܒܹܝܬ̣ ܐܲܠܵܗܵܐ: ܕܢܸܥܒ̇ܕܼܘܼܢܵܗ̇ ܝܗ̄ܘܼܕܼܵܝܹ̈ܐ: ܘܠܫܒ̣ܝܼܬ̣ܵܐ ܕܲܝܗܘܼܕܼܵܝܹ̈ܐ. ܕܒܹܝܬ̣ ܐܲܠܵܗܵܐ ܢܸܬ̣ܒ̇ܢܸܐ ܥܲܠ ܐܲܬ̣ܪܹܗ. [No book]
[8]ܘܡ̣ܢ ܩܕܼܵܡܲܝ ܣܝܼܡ ܢܵܡܘܿܣܵܐ: ܠܡܵܐ ܕܹܝܢ ܬܲܗܪܘܼܢ ܥܲܡ ܫܒ̣ܝܼܬ̣ܵܐ ܕܲܝܗܘܼܕܼܵܝܹ̈ܐ: ܠܡܸܒ̣ܢܵܐ ܒܲܝܬܵܐ ܕܐܲܠܵܗܵܐ. ܗܵܘ̇ ܕܡ̣ܢ ܢܸܟ̣ܣܲܝ̈ ܡܲܠܟܵܐ: ܘܡܲܕܲܐܬ̣ܵܐ ܕܒܲܥܒܲܪ ܢܲܗܪܵܐ: ܬܸܗܘܹܐ ܢܦܲܩܵܐ: ܘܡܸܬ̣ܝܲܗ̄ܒ̣ܵܐ ܠܓܲܒ̣ܪܹ̈ܐ ܗܵܠܹܝܢ. ܘܲܥܒ̣ܵܕܼܵܐ ܠܵܐ ܢܸܗܘܘܿܢ ܡܒܲܛܠܝܼܢ. [No book]
[9]ܘܡܸܕܸ̇ܡ ܕܨܵܒ̇ܝܼܢ ܗܲܒ̣ܘ ܠܗܘܿܢ. ܘܡܸܕܸ̇ܡ ܠܵܐ ܬܚܲܣܪܘܼܢ ܠܗܘܿܢ. ܒܢܲܝ̈ ܬܵܘܪܹ̈ܐ ܘܕܸܟ̣ܪܹ̈ܐ ܘܐܸܡܪܹ̈ܐ: ܠܲܥܠܵܬ̣ ܐܲܠܵܗ ܫܡܲܝܵܐ. ܚܸܛܹ̈ܐ ܘܡܸܠܚܵܐ ܘܚܲܡܪܵܐ ܘܡܸܫܚܵܐ: ܐܲܝܟܲܢܵܐ ܕܦܵܩܕ̇ܝܼܢ ܟܘܼܡܪܹ̈ܐ ܕܒ̣ܐܘܿܪܸܫܠܸܡ: ܢܸܗܘܘܿܢ ܡܲܝܬܹ̇ܝܢ ܠܗܘܿܢ ܟܠܝܘܿܡ ܒܝܘܿܡ ܘܠܵܐ ܢܸܗܘܘܿܢ ܛܵܥܹ̇ܝܢ. [No book]
[10]ܘܗܸܢܘܿܢ ܢܸܗܘܘܿܢ ܡܩܲܪܒ̣ܝܼܢ ܩܘܼܪ̈ܒܵܢܹܐ ܠܐܲܠܵܗ ܫܡܲܝܵܐ. ܘܲܡܨܲܠܝܼܢ ܥܲܠ ܡܲܠܟܵܐ ܘܲܒ̣ܢܵܘ̈ܗܝ. [No book]
[11]ܘܡ̣ܢ ܩܕܼܵܡܲܝ ܣܝܼܡ ܢܵܡܘܿܣܵܐ: ܕܟ̣ܠܢܵܫ ܕܲܢܫܲܢܹܐ ܦܸܬ̣ܓ̣ܵܡܵܐ ܗܵܢܵܐ: ܢܸܫܬ̇ܡܸܛ ܩܲܝܣܵܐ ܡ̣ܢ ܒܲܝܬܹ̇ܗ. ܘܢܸܥܒ̇ܕܼܘܼܢ ܠܹܗ ܙܩܝܼܦܵܐ: ܘܢܸܙܩ̄ܦܘܼܢܵܝܗܝ ܥܠܵܘܗܝ. ܘܒܲܝܬܹ̇ܗ ܠܙܸܒ̣ܠܵܐ ܢܸܬ̣̱ܝܼܗܸܒ̣ ܡܸܛܠ ܗܵܕܹܐ. [No book]
[12]ܘܐܲܠܵܗܵܐ ܕܐܸܫܟܲܚ̄ܢ ܫܡܹܗ ܬܲܡܵܢ: ܬܲܡܵܢ ܢܸܥܡܲܪ. ܘܟ̣ܠ ܡܲܠܟܵܐ ܘܥܲܡܵܐ ܕܢܵܘܫܸܛ ܐܝܼܕܹܗ ܠܲܡܫܲܢܵܝܘܼ ܘܠܲܡܚܲܒܵܠܘܼ ܒܲܝܬܵܐ ܗܵܢܵܐ ܕܐܲܠܵܗܵܐ ܕܒ̣ܐܘܿܪܸܫܠܸܡ: ܐܸܢܵܐ ܕܵܪܝܵܘܵܫ ܣܵܡܹ̇ܬ̣ ܢܵܡܘܿܣܵܐ ܕܒܲܥܓܲܠ ܢܹܐܒܲܕܼ. [No book]
[13]ܗܵܝܕܹ̇ܝܢ ܬܲܬ̣ܢܲܝ ܫܲܠܝܼܛܵܐ ܕܒܲܥܒܲܪ ܢܲܗܪܵܐ. ܘܐܸܫܬܲܢܒ̇ܘܿܙܵܢ ܘܚܲܒ̣ܪ̈ܵܘܗܝ: ܡܸܕܸ̇ܡ ܕܲܫܠܲܚ̣ ܐܲܝܟ̣ ܢܵܡܘܿܣܵܐ: ܒܲܥܓܲܠ ܥ̣ܒܲܕܼܘ. [No book]
[14]ܘܲܫܒ̣ܝܼܬ̣ܵܐ ܕܲܝܗܘܼܕܼܵܐ ܥܵܒ̣ܕ̇ܝܼܢ ܘܡܲܣܩܝܼܢ ܠܪܹܫ: ܒܲܢܒ̣ܝܼܘܼܬܹܗ ܕܚܲܓܝܼ ܢܒ̣ܝܼܵܐ: ܘܲܙܟܲܪܝܵܐ ܒܲܪ ܥܲܕ̇ܘܿ. ܘܲܒ̣ܢܵܘ ܘܫܲܟ̣ܠܸܠ̣ܘ ܡ̣ܢ ܢܵܡܘܿܣܵܐ ܕܐܲܠܵܗܵܐ ܕܝܼܣܪܵܝܹܠ: ܘܡ̣ܢ ܢܵܡܘܿܣܵܐ ܕܟ̣ܘܼܪܸܫ ܘܲܕ̇ܕܼܵܪܝܵܘܵܫ: ܘܡ̣ܢ ܢܵܡܘܿܣܵܐ ܕܐܲܪܛܲܚܫܫܸܬ̇ ܡܲܠܟܵܐ ܕܦܵܪܹܣ. [No book]
[15]ܘܲܓ̣ܡܲܪ ܒܲܝܬܵܐ ܗܵܢܵܐ ܒܝܘܿܡ ܬܠܵܬ̣ܵܐ ܒܝܼܪܲܚ ܐܵܕܼܵܪ: ܗ̤ܝ ܗ̄ܝ̣ ܫܢܲܬ̣ ܫܸܬ̣ ܠܡܲܠܟ̇ܘܼܬܹܗ ܕܕܼܵܪܝܵܘܵܫ ܡܲܠܟܵܐ. [No book]
[16]ܘܲܥܒܲܕܼܘ ܒܢܲܝ̈ ܝܼܣܪܵܝܹܠ ܟܘܼܡܪܹ̈ܐ ܘܠܹܘܵܝܹ̈ܐ: ܘܫܲܪܟܵܐ ܕܲܒ̣ܢܲܝ̈ ܝܼܗܘܼܕܼܵܐ: ܥܹܐܕܼܵܐ ܠܒܲܝܬܵܐ ܗܵܢܵܐ ܕܒܹܝܬ̣ ܐܲܠܵܗܵܐ ܒܚܲܕܼܘܼܬ̣ܵܐ. [No book]
[17]ܘܩܲܪܸܒ̣ܘ ܠܥܹܐܕܼܵܐ ܕܒܲܝܬܵܐ ܕܐܲܠܵܗܵܐ: ܬܵܘܪܹ̈ܐ ܡܵܐܐ: ܘܕܸܟ̣ܪܹ̈ܐ ܡܲܐܬܹ̇ܝܢ: ܘܐܸܡܪܹ̈ܐ ܐܲܪܒܲܥ ܡܵܐܐ ܨܸܦܪ̈ܵܝܹܐ ܕܥܸܙܹ̈ܐ ܠܡܸܫܒܲܩ ܚܛܵܗܹ̈ܐ ܕܲܒ̣ܢܲܝ̈ ܝܼܣܪܵܝܹܠ: ܬܪܸܥܣܲܪ ܒܡܸܢܝܵܢܵܐ ܕܫܲܒ̣̈ܛܹܐ ܕܝܼܣܪܵܝܹܠ. [No book]
[18]ܘܐܲܩܝܼܡ̣ܘ ܠܟ̣ܘܼܡܪܹ̈ܐ ܒܬܸܫܡܸܫܬ̇ܗܘܿܢ: ܘܠܹܘܵܝܹ̈ܐ ܒܬܸܫܡܸܫܬ̇ܗܘܿܢ: ܥܲܠ ܥܒ̣ܝܼܕ̇ܬܵܐ ܕܒܲܝܬܵܐ ܕܐܲܠܵܗܵܐ ܕܒ̣ܐܘܿܪܸܫܠܸܡ: ܐܲܝܟ ܕܲܟ̣ܬ̣ܝܼܒ̣ ܒܲܟ̣ܬ̣ܵܒ̣ܵܐ ܕܢܵܡܘܿܣܵܐ ܕܡܘܼܫܹܐ. [No book]
[19]ܘܲܥܒܲܕܼܘ ܒܢܲܝ̈ ܫܒ̣ܝܼܬ̣ܵܐ ܦܨܲܚ ܒܐܲܪܒܲܥܸܣܪܵܐ ܒܝܲܪܚܵܐ ܩܲܕܼܡܵܝܵܐ. [No book]
[20]ܡܸܛܠ ܕܐܸܬ̇ܕܲܟ̇ܝܼܘ ܟܵܗ̈ܢܹܐ ܘܠܹܘܵܝܹ̈ܐ. ܐܲܟ̣ܚ̄ܕܼܵܐ ܟܠܗܘܿܢ ܐܸܬ̇ܕܲܟ̇ܝܼܘ. ܘܲܩ̣ܛܲܠܘ ܐܸܡܪܹ̈ܐ ܒܦܸܨܚܵܐ ܠܲܒ̣ܢܲܝ̈ ܫܒ̣ܝܼܬ̣ܵܐ: ܘܠܲܐܚܲܝ̈ܗܘܿܢ ܟܘܼܡܪܹ̈ܐ ܘܐܵܦ ܠܗܘܿܢ. [No book]
[21]ܘܐܸܟܲܠܘ ܒܢܲܝ̈ ܝܼܣܪܵܝܹܠ ܐܲܝܠܹܝܢ ܕܲܣܠܸܩ̣ܘ ܡ̣ܢ ܫܒ̣ܝܼܬ̣ܵܐ ܕܒ̣ܵܒܹܠ: ܟܠ ܕܲܦܪܲܫ̣ܘ ܡ̣ܢ ܛܲܡܐܘܼܬ̣ܵܐ ܕܥܲܡܡܹ̈ܐ ܕܐܲܪܥܵܐ: ܠܲܡܨܲܠܵܝܘܼ ܩܕܼܵܡ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. [No book]
[22]ܘܲܥܒܲܕܼܘ ܥܹܐܕܼܵܐ ܕܦܲܛܝܼܪܹ̈ܐ ܫܲܒ̣ܥܵܐ ܝܵܘ̈ܡܝܼܢ ܒܚܲܕܼܘܼܬ̣ܵܐ ܡܸܛܠ ܕܚܲܕ̇ܝܼ ܐܸܢܘܿܢ ܡܵܪܝܵܐ. ܘܐܲܗ̣ܦܲܟ ܠܸܒܵܐ ܕܡܲܠܟܵܐ ܕܐܵܬ̣ܘܿܪ ܠܘܵܬ̣ܗܘܿܢ: ܠܲܡܚܲܙܵܩܘܼ ܐܝܼܕܲܝ̈ܗܘܿܢ ܒܲܥܒ̣ܵܕܼܵܐ ܕܒܲܝܬܹ̇ܗ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. [No book]
Translation: Charles H. Hoole (1885)
Source: www.earlychristianwritings.com
Top