|
|
| [1]ܚܸܙܘܵܐ ܕܲܚ̣ܙܵܐ ܚܲܒ̣ܩܘܿܩ ܢܒ̣ܝܼܵܐ. |
[No book] |
| [2]ܥܕܲܡܵܐ ܠܐܸܡܲܬ̣ܝ ܡܵܪܝܵܐ ܓܵܥܹ̇ܐ ܐ̄ܢܵܐ ܘܠܵܐ ܫܵܡܲܥ ܐܲܢ̄ܬ̇: ܘܩܵܥܹ̇ܐ ܐ̄ܢܵܐ ܠܘܵܬ̣ܵܟ݂ ܥܲܠ ܚܵܛ̇ܘܿܦܹ̈ܐ ܘܠܵܐ ܡܦܲܨܹܐ ܐܲܢ̄ܬ̇. |
[No book] |
| [3]ܠܡܵܢܵܐ ܚܵܘ̣ܝܼܬܵܢܝ ܥܵܘܼܠܵܐ ܘܥܸܬܵܐ: ܘܚܵܙܹ̇ܐ ܐ̄ܢܵܐ ܚܛܘܼܦܝܵܐ ܘܒ̣ܝܼܫܬܵܐ: ܩܕ݂ܵܡܲܝ ܗܘ̤ܵܐ ܕܝܼܢܵܐ: ܘܕܲܝܵܢܵܐ ܩܲܒܸ̇ܠ̣ ܫܘܼܚܕܵܐ. |
[No book] |
| [4]ܡܸܛܠ ܗܵܢܵܐ ܦܵܓ̣ ܢܵܡܘܿܣܵܐ: ܘܠܵܐ ܢ̣ܦܲܩ ܕܝܼܢܵܐ ܒܙܲܕ̇ܝܼܩܵܐ: ܘܲܢ̣ܦܲܩ ܕܝܼܢܵܐ ܕܒܲܪ ܒܝܼܫ ܒܝܼܫ ܠܙܲܕ̇ܝܼܩܵܐ: ܘܲܢ̣ܦܲܩ ܕܝܼܢܵܐ ܟܲܕ݂ ܡܥܲܩܲܡ. |
[No book] |
| [5]ܚܙܵܘ ܡܲܪ̈ܵܚܹܐ: ܘܚܘܼܪܘ ܘܐܸܬ̇ܕܲܡܲܪܘ: ܘܲܬ̣ܡܲܗܘ: ܡܸܛܠ ܕܲܥܒ̣ܵܕ݂ܵܐ ܥܵܒܹ̇ܕ݂ ܐ̄ܢܵܐ ܒܝܵܘ̈ܡܲܝܟ̇ܘܿܢ: ܘܠܵܐ ܡܗܲܝܡܢܝܼܢ ܐ̄ܢ̇ܬ̇ܘܿܢ ܐܸܢ ܐ̄ܢܵܫ ܡܸܫܬܲܥܸܐ ܠܟ݂ܘܿܢ. |
[No book] |
| [6]ܡܸܛܠ ܕܗܵܐ ܐܸܢܵܐ ܡܩܝܼܡ ܐ̄ܢܵܐ ܠܟܲܠܕ݂ܵܝܹ̈ܐ: ܥܲܡܵܐ ܡܲܪܵܚܵܐ ܘܡܲܪܝܼܪܵܐ: ܕܐܵܙܹ̇ܠ ܒܲܦܬ̣ܵܝܵܗ̇ ܕܐܲܪܥܵܐ ܠܡܹܐܪܲܬ̣ ܡܲܫܟ̇ܢܹ̈ܐ ܕܠܵܐ ܕܝܼܠܹܗ. |
[No book] |
| [7]ܥܲܫܝܼܢ ܗ̄ܘܼ ܘܲܕ݂ܚܝܼܠ: ܘܕ݂ܝܼܢܹܗ ܡܸܢܹܗ: ܘܚܸܙܘܹܗ ܡܲܦܲܩ. |
[No book] |
| [8]ܩܲܠܝܼܠܝܼܢ ܪ̈ܲܟ݂ܫܹܗ ܡ̣ܢ ܢܸܫܪܹ̈ܐ: ܘܚܲܪܝܼܦܝܼܢ ܡ̣ܢ ܕܹܐܒܹ̈ܐ ܕܪܲܡܫܵܐ: ܘܲܢܛܘܼܣܘܼܢ ܦܲܪ̈ܵܫܵܘܗܝ ܘܢܹܐܬ̣ܘܿܢ ܦܲܪ̈ܵܫܵܘܗܝ ܡ̣ܢ ܪܘܼܚܩܵܐ: ܘܲܢܛܘܼܣܘܼܢ ܐܲܝܟ݂ ܢܸܫܪܵܐ ܕܲܟ݂ܦܸܢ ܠܡܹܐܟ݂ܘܼܠܬܵܐ. |
[No book] |
| [9]ܟܠܗܘܿܢ ܠܲܚܛܘܼܦܝܵܐ ܐܵܬܹ̇ܝܢ: ܚܸܙܘܵܐ ܕܐܲܦܲܝ̈ܗܘܿܢ ܥܲܫܝܼܢ: ܘܟ݂ܵܢ̇ܫܝܼܢ ܫܒ̣ܝܼܬ̣ܵܐ ܐܲܝܟ݂ ܚܵܠܵܐ. |
[No book] |
| [10]ܘܗ̤ܘ ܒܡܲܠ̈ܟܹ̇ܐ ܡܡܲܝܸܩ: ܘܲܒ̣ܫܲܠܝܼܛܵܢܹ̈ܐ ܡܒܲܙܲܚ: ܘܥܲܠ ܟܠ ܟܲܪ̈ܟ݂ܝܼܢ ܓܵܚܹ̇ܟ: ܘܲܡܩܲܒܲܪ ܥܲܦܪܵܐ ܘܐܵܚܹ̇ܕ݂ ܠܹܗ. |
[No book] |
| [11]ܗܵܝܕܹ̇ܝܢ ܬܸܚܠܲܦ ܪܘܼܚܹܗ ܘܬܸܥܒܲܪ: ܘܢܸܬ̣ܚܲܝܲܒ̣ ܚܲܝܠܹܗ ܠܐܲܠܵܗܹܗ. |
[No book] |
| [12]ܡܸܛܠ ܕܐܲܢ̄ܬ̇ ܗ̄ܘܼ ܡ̣ܢ ܪܹܫܝܼܬ̣ܵܐ ܡܵܪܝܵܐ ܐܲܠܵܗܝ ܩܲܕ̇ܝܼܫܵܐ: ܕܠܵܐ ܢܵܡܘܿܣ ܐܲܢ̄ܬ̇ ܡܵܪܝܵܐ: ܣܵܡ̣ܬܵܝܗܝ ܠܕ݂ܝܼܢܵܐ ܘܲܓ̣ܒܲܠ̣ܬܵܢܝ ܠܡܲܟܵܣܘܼܬܹܗ. |
[No book] |
| [13]ܕܲܟ݂̈ܝܵܢ ܐܸܢܹܝܢ ܥܲܝܢܲܝ̈ܟ ܘܠܵܐ ܚܵܙ̈ܝܵܢ ܒܝܼܫܬܵܐ: ܘܠܲܡܚܵܪ ܒܥܵܘܿܠܹ̈ܐ ܠܵܐ ܡܸܫܟܲܚ ܐܲܢ̄ܬ̇: ܠܡܵܢܵܐ ܐܲܢ̄ܬ̇ ܒܡܲܪ̈ܵܚܹܐ ܘܫܲܬ̇ܝܼܩ ܐܲܢ̄ܬ̇: ܟܲܕ݂ ܒܵܠܲܥ ܥܵܘܵܠܵܐ ܠܙܲܕ̇ܝܼܩܵܐ. |
[No book] |
| [14]ܘܲܥ̣ܒܲܕ̇ܬ̇ ܐܸܢܘܿܢ ܠܲܒ̣ܢܲܝ̈ܢܵܫܵܐ ܐܲܝܟ݂ ܢܘܼܢܹ̈ܐ ܕܲܒ̣ܝܲܡܵܐ: ܘܐܲܝܟ݂ ܪ̈ܲܚܫܵܐ ܕܠܲܝܬ̇ ܠܹܗ ܡܕܲܒ̇ܪܵܢܵܐ. |
[No book] |
| [15]ܕܟ݂ܠܹܗ ܒܨܸܢܵܪܬܵܐ ܣܵܠܹ̇ܩ: ܘܡܸܬ̣̱ܢܓܸܕ݂ ܒܲܡܨܝܼܕ̇ܬܵܐ ܘܡܸܬ̣ܟ̇ܢܸܫ ܒܓ̣ܵܘܦܵܐ: ܘܟܲܕ݂ ܟܢܫ̣ ܚ̣ܕ݂ܝܼ ܘܕ݂ܵܨ. |
[No book] |
| [16]ܘܕܲܒܲܚ̣ ܠܲܡܨܝܼܕ̇ܬܹܗ: ܘܣܵܡ̣ ܒܸܣܡܹ̈ܐ ܠܓ̣ܵܘܦܹܗ: ܡܸܛܠ ܕܲܒ̣ܗܹܝܢ ܫܸܡܢܲܬ̤ ܡܢܵܬܹܗ ܘܡܹܐܟ݂ܘܼܠܬܹ̇ܗ ܓܒ̣ܝܼܬ̣ܵܐ. |
[No book] |
| [17]ܡܸܛܠܗܵܢܵܐ ܫܵܕܹ̇ܐ ܡܨܝܼܕ̇ܬܹ̇ܗ ܒܟ݂ܠܙܒܲܢ: ܘܩܵܛܹ̇ܠ ܥܲܡܡܹ̈ܐ ܘܠܵܐ ܚܵܐܹ̇ܣ. |
[No book] |