|
|
| [1]ܥܲܠ ܕܘܼܟ̇ܬ̣ܝ ܐܹܩܘܼܡ: ܟܲܕ݂ ܕܲܪܝܼܟ݂ ܐ̄ܢܵܐ ܥܲܠ ܟܹܐܦܵܐ: ܐܹܚܘܼܪ ܘܐܸܚܙܹܐ ܡܵܢܵܐ ܡܡܲܠܸܠ ܥܲܡܝ: ܘܡܵܢܵܐ ܡܬ̣ܝܼܒ̣ ܠܝܼ ܥܲܠ ܡܲܟ̇ܣܵܢܘܼܬ̣ܝ. |
[No book] |
| [2]ܘܲܥܢ̣ܵܢܝ ܡܵܪܝܵܐ ܘܐܸܡ̣ܲܪ: ܟܬ̣ܘܼܒ̣ ܚܸܙܘܵܐ ܘܦܲܪܸܫ ܥܲܠ ܠܘܼܚܹ̈ܐ: ܕܢܸܪܗܲܛ ܒܹܗ ܡܲܢ ܕܩܵܪܸܐ ܠܹܗ. |
[No book] |
| [3]ܡܸܛܠ ܕܚܸܙܘܵܐ ܠܙܲܒ̣ܢܹܗ ܗܵܘܹ̇ܐ: ܘܐܵܬܹ̇ܐ ܩܸܨܵܐ ܘܠܵܐ ܡܟܲܕܸ̇ܒ̣: ܘܐܸܢ ܡܵܘܚܲܪ ܠܵܐ ܬܸܬ̣ܩܲܛܲܥ ܠܟ݂ܘܿܢ: ܡܸܛܠ ܕܒܲܥܓܲܠ ܐܵܬܹ̇ܐ ܘܠܵܐ ܡܵܘܚܲܪ. |
[No book] |
| [4]ܘܲܒ̣ܥܵܘܵܠܵܐ ܠܵܐ ܨܵܒ̣ܝܵܐ ܢܲܦ̮ܫܹܗ: ܘܙܲܕ̇ܝܼܩܵܐ ܒܗܲܝܡܵܢܘܼܬ̣ܵܐ ܢܸܚ̣ܐ. |
[No book] |
| [5]ܘܓܲܒ̣ܪܵܐ ܡܲܪܵܚܵܐ ܘܝܲܥܢܵܐ ܠܵܐ ܣܵܒܲܥ: ܕܐܲܦ̮ܬ̇ܝܼ ܢܲܦ̮ܫܹܗ ܐܲܝܟ݂ ܫܝܘܿܠ: ܘܠܵܐ ܣܵܒܲܥ ܐܲܝܟ݂ ܡܵܘܬܵܐ: ܟܲܢܸܫ ܠܘܵܬܹܗ ܟܠܗܘܿܢ ܥܲܡܡܹ̈ܐ: ܘܩܲܪܸܒ̣ ܠܘܵܬܹܗ ܟܠܗܹܝܢ ܐܸܡ̈ܘܵܬ̣ܵܐ. |
[No book] |
| [6]ܗܵܠܹܝܢ ܟܠܗܘܿܢ ܡܲܬ̣̈ܠܹܐ ܢܸܣܒ̣ܘܼܢ ܥܠܵܘܗܝ: ܘܦܸܠ̈ܐܵܬ̣ܵܐ ܘܐܘܼܚ̈ܕܵܬ̣ܵܐ: ܘܢܹܐܡܪܘܿܢ: ܘܵܝ ܠܕܲܡܟܲܢܸܫ ܡܲܣܓܸ̇ܐ ܠܹܗ ܕܠܵܐ ܕܝܼܠܹܗ: ܥܕܲܡܵܐ ܠܐܸܡܲܬ̣ܝ ܡܲܥܫܸܢ ܥܠܵܘܗܝ ܥܢܵܢܵܐ ܕܲܣܝܵܢܵܐ. |
[No book] |
| [7]ܗܵܐ ܡ̣ܢ ܫܠܝܵܐ ܢܩܘܼܡܘܼܢ ܡܢܲܟ̇ܬ̣ܵܢܲܝ̈ܟ: ܘܢܸܬ̇ܬ̇ܥܝܼܪܘܼܢ ܡܙܲܥܙܥܵܢܲܝ̈ܟ: ܘܬܸܗܘܹܐ ܠܗܘܿܢ ܠܒܸܙܬ̣ܵܐ. |
[No book] |
| [8]ܡܸܛܠ ܕܐܲܢ̄ܬ̇ ܒܲܙ̣ܬ̇ ܥܲܡܡܹ̈ܐ ܣܲܓ̇ܝܼ̈ܐܹܐ: ܢܸܒ̇ܙܘܼܢܵܟ݂ ܥܲܡܡܹ̈ܐ ܕܐܸܫܬ̇ܚܲܪܘ: ܡ̣ܢ ܕܡܵܐ ܕܒܲܪܢܵܫܵܐ ܘܲܚܛܘܼܦܝܵܐ ܕܐܲܪܥܵܐ: ܕܲܡܕ݂ܝܼܢ̄ܬܵܐ ܘܲܕ݂ܟ݂ܠܗܘܿܢ ܥܵܡܘܿܪܹ̈ܝܗ̇. |
[No book] |
| [9]ܘܵܝ ܠܲܕ݂ܥܵܠܹ̇ܒ̣ ܘܲܡܟܲܢܸܫ ܒܝܼܫܬܵܐ ܠܢܲܦ̮ܫܹܗ: ܘܣܵܐܹ̇ܡ ܩܸܢܹܗ ܒܪܵܘܡܵܐ ܕܢܸܬ̣ܦܲܨܸܐ ܡ̣ܢ ܒܝܼܫܬܵܐ. |
[No book] |
| [10]ܐܸܬ̣ܪܲܥܝܼܬ̇ ܒܸܗܬ̇ܬ̣ܵܐ ܠܒܲܝܬܵܟ݂: ܒܲܙ̣ܬ̇ ܥܲܡܡܹ̈ܐ ܣܲܓ̇ܝܼ̈ܐܹܐ ܘܐܲܚ̣ܛܝܼܬ̇ ܢܲܦ̮ܫܵܟ݂. |
[No book] |
| [11]ܡܸܛܠ: ܕܟܹܐܦܵܐ ܡ̣ܢ ܐܸܣܬ̣ܵܐ ܓܵܥ̇ܝܵܐ: ܘܣܸܟ̇ܬ̣ܵܐ ܡ̣ܢ ܩܲܝܣܵܐ ܥܵܢ̇ܝܵܐ. |
[No book] |
| [12]ܘܵܝ ܠܲܕ݂ܒ̣ܵܢܹ̇ܐ ܡܕ݂ܝܼܢ̄ܬܵܐ ܒܲܕ݂ܡܵܐ: ܘܡܲܬ̣ܩܸܢ ܩܪܝܼܬ̣ܵܐ ܒܥܵܘܼܠܵܐ. |
[No book] |
| [13]ܗܵܠܹܝܢ ܟܠܗܹܝܢ ܡ̣ܢ ܡܵܪܝܵܐ ܚܲܝܠܬ̣ܵܢܵܐ: ܢܸܬ̇ܛܲܪܦܘܼܢ ܥܲܡܡܹ̈ܐ ܒܢܘܼܪܵܐ: ܘܐܸܡ̈ܘܵܬ̣ܵܐ ܒܲܣܪܝܼܩܘܼܬ̣ܵܐ ܢܸܠܐ̈ܝܵܢ. |
[No book] |
| [14]ܡܸܛܠ ܕܬܸܬ̣̱ܡܠܸܐ ܐܲܪܥܵܐ ܠܡܸܕܲܥ ܐܝܼܩܵܪܹܗ ܕܡܵܪܝܵܐ: ܐܲܝܟ݂ ܡܲـ̈ـܝܵܐ ܕܲܡܟܲܣܹܝܢ ܠܝܲܡܵܐ. |
[No book] |
| [15]ܘܵܝ ܠܲܕ݂ܡܲܫܩܸܐ ܠܚܲܒ̣ܪܹܗ ܬܸܛܪܵܐ ܕܪܘܼܓ̣ܙܵܐ ܘܡܲܪܘܸܐ ܠܗ: ܕܲܢܚܘܼܪ ܒܦܘܼܪܣܵܝܗܘܿܢ. |
[No book] |
| [16]ܣܒܲܥ̣ܬ̇ ܨܲܥܪܵܐ ܡ̣ܢ ܐܝܼܩܵܪܵܐ: ܐܸܫܬܲܝ ܐܵܦ ܐܲܢ̄ܬ̇ ܘܐܸܬ̇ܛܲܪܲܦ: ܢܸܗܦܘܟ݂ ܥܠܲܝܟ ܟܵܣܵܐ ܕܝܲܡܝܼܢܹܗ ܕܡܵܪܝܵܐ: ܘܨܲܥܪܵܐ ܥܲܠ ܐܝܼܩܵܪܵܟ݂. |
[No book] |
| [17]ܡܸܛܠ ܕܲܚܛܘܼܦܝܵܐ ܕܠܸܒ̣ܢܵܢ ܢܟܲܣܹܝܟ݂: ܘܒܸܙܬ̣ܵܐ ܕܚܲܝ̄ܘܬ̣ܵܐ ܬܕܲܠܚܵܟ݂: ܡ̣ܢ ܕܡܵܐ ܕܒܲܪܢܵܫܵܐ ܘܲܚܛܘܼܦܝܵܐ ܕܐܲܪܥܵܐ: ܕܲܡܕ݂ܝܼܢ̄ܬܵܐ ܘܲܕ݂ܟ݂ܠܗܘܿܢ ܥܵܡܘܿܪܹ̈ܝܗ̇. |
[No book] |
| [18]ܡܵܢܵܐ ܐܵܘܬܲܪ ܓܠܝܼܦܵܐ ܕܓܲܠܦܹܗ ܐܘܼܡܵܢܹܗ: ܘܲܢܣܝܼܟ݂ܵܐ ܗ̄ܘܼ ܝܘܼܠܦܵܢܵܐ ܕܲܓܵܠܵܐ: ܕܐܸܬ̇ܬ̇ܟܸܠ ܠܸܒܵܐ ܕܐܘܼܡܵܢܹܗ ܥܠܵܘܗܝ: ܠܡܸܥܒܲܕ݂ ܦܬܲܟ݂ܪܵܐ ܚܲܪܫܵܐ. |
[No book] |
| [19]ܘܵܝ ܠܕ݂ܵܐܡܲܪ ܠܩܲܝܣܵܐ ܐܸܬ̇ܬ̇ܥܝܼܪ: ܘܲܠܟܹܐܦܵܐ ܚܲܪ̄ܫܬܵܐ ܕܩܘܼܡܝ: ܣܪܝܼܩܝܼܢ ܐܸܢܘܿܢ ܘܕܲܗܒ̣ܵܐ ܩܪܝܼܡܝܼܢ: ܘܪܘܼܚܵܐ ܠܲܝܬ̇ ܒܗܘܿܢ. |
[No book] |
| [20]ܘܡܵܪܝܵܐ ܒܗܲܝܟ̇ܠܵܐ ܕܩܘܼܕ݂ܫܹܗ: ܬܙܘܼܥ ܡ̣ܢ ܩܕ݂ܵܡܵܘܗܝ ܟܠܵܗ̇ ܐܲܪܥܵܐ. |
[No book] |