|
|
| [1]Est autem fides sperandarum substantia rerum, argumentum non apparentium. |
[No book] |
| [2]In hac enim testimonium consecuti sunt senes. |
[No book] |
| [3]Fide intelligimus aptata esse sæcula verbo Dei: ut ex invisibilibus visibilia fierent. |
[No book] |
| [4]Fide plurimam hostiam Abel, quam Cain, obtulit Deo, per quam testimonium consecutus est esse justus, testimonium perhibente muneribus ejus Deo, et per illam defunctus adhuc loquitur. |
[No book] |
| [5]Fide Henoch translatus est ne videret mortem, et non inveniebatur, quia transtulit illum Deus: ante translationem enim testimonium habuit placuisse Deo. |
[No book] |
| [6]Sine fide autem impossibile est placere Deo. Credere enim oportet accedentem ad Deum quia est, et inquirentibus se remunerator sit. |
[No book] |
| [7]Fide Noë responso accepto de iis quæ adhuc non videbantur, metuens aptavit arcam in salutem domus suæ, per quam damnavit mundum: et justitiæ, quæ per fidem est, hæres est institutus. |
[No book] |
| [8]Fide qui vocatur Abraham obedivit in locum exire, quem accepturus erat in hæreditatem: et exiit, nesciens quo iret. |
[No book] |
| [9]Fide demoratus est in terra repromissionis, tamquam in aliena, in casulis habitando cum Isaac et Jacob cohæredibus repromissionis ejusdem. |
[No book] |
| [10]Exspectabat enim fundamenta habentem civitatem: cujus artifex et conditor Deus. |
[No book] |
| [11]Fide et ipsa Sara sterilis virtutem in conceptionem seminis accepit, etiam præter tempus ætatis: quoniam fidelem credidit esse eum qui repromiserat. |
[No book] |
| [12]Propter quod et ab uno orti sunt (et hoc emortuo) tamquam sidera cæli in multitudinem, et sicut arena, quæ est ad oram maris, innumerabilis. |
[No book] |
| [13]Juxta fidem defuncti sunt omnes isti, non acceptis repromissionibus, sed a longe eas aspicientes, et salutantes, et confitentes quia peregrini et hospites sunt super terram. |
[No book] |
| [14]Qui enim hæc dicunt, significant se patriam inquirere. |
[No book] |
| [15]Et si quidem ipsius meminissent de qua exierunt, habebant utique tempus revertendi: |
[No book] |
| [16]nunc autem meliorem appetunt, id est, cælestem. Ideo non confunditur Deus vocari Deus eorum: paravit enim illis civitatem. |
[No book] |
| [17]Fide obtulit Abraham Isaac, cum tentaretur, et unigenitum offerebat, qui susceperat repromissiones: |
[No book] |
| [18]ad quem dictum est: Quia in Isaac vocabitur tibi semen: |
[No book] |
| [19]arbitrans quia et a mortuis suscitare potens est Deus: unde eum et in parabolam accepit. |
[No book] |
| [20]Fide et de futuris benedixit Isaac Jacob et Esau. |
[No book] |
| [21]Fide Jacob, moriens, singulos filiorum Joseph benedixit: et adoravit fastigium virgæ ejus. |
[No book] |
| [22]Fide Joseph, moriens, de profectione filiorum Israël memoratus est, et de ossibus suis mandavit. |
[No book] |
| [23]Fide Moyses, natus, occultatus est mensibus tribus a parentibus suis, eo quod vidissent elegantem infantem, et non timuerunt regis edictum. |
[No book] |
| [24]Fide Moyses grandis factus negavit se esse filium filiæ Pharaonis, |
[No book] |
| [25]magis eligens affligi cum populo Dei, quam temporalis peccati habere jucunditatem, |
[No book] |
| [26]majores divitias æstimans thesauro Ægyptiorum, improperium Christi: aspiciebat enim in remunerationem. |
[No book] |
| [27]Fide reliquit Ægyptum, non veritus animositatem regis: invisibilem enim tamquam videns sustinuit. |
[No book] |
| [28]Fide celebravit Pascha, et sanguinis effusionem: ne qui vastabat primitiva, tangeret eos. |
[No book] |
| [29]Fide transierunt mare Rubrum tamquam per aridam terram: quod experti Ægyptii, devorati sunt. |
[No book] |
| [30]Fide muri Jericho corruerunt, circuitu dierum septem. |
[No book] |
| [31]Fide Rahab meretrix non periit cum incredulis, excipiens exploratores cum pace. |
[No book] |
| [32]Et quid adhuc dicam? deficiet enim me tempus enarrantem de Gedeon, Barac, Samson, Jephte, David, Samuel, et prophetis: |
[No book] |
| [33]qui per fidem vicerunt regna, operati sunt justitiam, adepti sunt repromissiones, obturaverunt ora leonum, |
[No book] |
| [34]extinxerunt impetum ignis, effugerunt aciem gladii, convaluerunt de infirmitate, fortes facti sunt in bello, castra verterunt exterorum: |
[No book] |
| [35]acceperunt mulieres de resurrectione mortuos suos: alii autem distenti sunt non suscipientes redemptionem ut meliorem invenirent resurrectionem. |
[No book] |
| [36]Alii vero ludibria, et verbera experti, insuper et vincula, et carceres: |
[No book] |
| [37]lapidati sunt, secti sunt, tentati sunt, in occisione gladii mortui sunt, circuierunt in melotis, in pellibus caprinis, egentes, angustiati, afflicti: |
[No book] |
| [38]quibus dignus non erat mundus: in solitudinibus errantes, in montibus, in speluncis, et in cavernis terræ. |
[No book] |
| [39]Et hi omnes testimonio fidei probati, non acceperunt repromissionem, |
[No book] |
| [40]Deo pro nobis melius aliquid providente, ut non sine nobis consummarentur. |
[No book] |