|
|
| [1]Hic enim Melchisedech, rex Salem, sacerdos Dei summi, qui obviavit Abrahæ regresso a cæde regum, et benedixit ei: |
[No book] |
| [2]cui et decimas omnium divisit Abraham: primum quidem qui interpretatur rex justitiæ: deinde autem et rex Salem, quod est, rex pacis, |
[No book] |
| [3]sine patre, sine matre, sine genealogia, neque initium dierum, neque finem vitæ habens, assimilatus autem Filio Dei, manet sacerdos in perpetuum. |
[No book] |
| [4]Intuemini autem quantus sit hic, cui et decimas dedit de præcipuis Abraham patriarcha. |
[No book] |
| [5]Et quidem de filiis Levi sacerdotium accipientes, mandatum habent decimas sumere a populo secundum legem, id est, a fratribus suis: quamquam et ipsi exierint de lumbis Abrahæ. |
[No book] |
| [6]Cujus autem generatio non annumeratur in eis, decimas sumpsit ab Abraham, et hunc, qui habebat repromissiones, benedixit. |
[No book] |
| [7]Sine ulla autem contradictione, quod minus est, a meliore benedicitur. |
[No book] |
| [8]Et hic quidem, decimas morientes homines accipiunt: ibi autem contestatur, quia vivit. |
[No book] |
| [9]Et (ut ita dictum sit) per Abraham, et Levi, qui decimas accepit, decimatus est: |
[No book] |
| [10]adhuc enim in lumbis patris erat, quando obviavit ei Melchisedech. |
[No book] |
| [11]Si ergo consummatio per sacerdotium Leviticum erat (populus enim sub ipso legem accepit) quid adhuc necessarium fuit secundum ordinem Melchisedech, alium surgere sacerdotem, et non secundum ordinem Aaron dici? |
[No book] |
| [12]Translato enim sacerdotio, necesse erat ut et legis translatio fiat. |
[No book] |
| [13]In quo enim hæc dicuntur, de alia tribu est, de qua nullus altari præsto fuit. |
[No book] |
| [14]Manifestum est enim quod ex Juda ortus sit Dominus noster: in qua tribu nihil de sacerdotibus Moyses locutus est. |
[No book] |
| [15]Et amplius adhuc manifestum est: si secundum similitudinem Melchisedech exsurgat alius sacerdos, |
[No book] |
| [16]qui non secundum legem mandati carnalis factus est, sed secundum virtutem vitæ insolubilis. |
[No book] |
| [17]Contestatur enim: Quoniam tu es sacerdos in æternum, secundum ordinem Melchisedech. |
[No book] |
| [18]Reprobatio quidem fit præcedentis mandati, propter infirmitatem ejus, et inutilitatem: |
[No book] |
| [19]nihil enim ad perfectum adduxit lex: introductio vero melioris spei, per quam proximamus ad Deum. |
[No book] |
| [20]Et quantum est non sine jurejurando (alii quidem sine jurejurando sacerdotes facti sunt, |
[No book] |
| [21]hic autem cum jurejurando per eum, qui dixit ad illum: Juravit Dominus, et non pœnitebit eum: tu es sacerdos in æternum): |
[No book] |
| [22]in tantum melioris testamenti sponsor factus est Jesus. |
[No book] |
| [23]Et alii quidem plures facti sunt sacerdotes, idcirco quod morte prohiberentur permanere: |
[No book] |
| [24]hic autem eo quod maneat in æternum, sempiternum habet sacerdotium. |
[No book] |
| [25]Unde et salvare in perpetuum potest accedentes per semetipsum ad Deum: semper vivens ad interpellandum pro nobis. |
[No book] |
| [26]Talis enim decebat ut nobis esset pontifex, sanctus, innocens, impollutus, segregatus a peccatoribus, et excelsior cælis factus: |
[No book] |
| [27]qui non habet necessitatem quotidie, quemadmodum sacerdotes, prius pro suis delictis hostias offerre, deinde pro populi: hoc enim fecit semel, seipsum offerendo. |
[No book] |
| [28]Lex enim homines constituit sacerdotes infirmitatem habentes: sermo autem jurisjurandi, qui post legem est, Filium in æternum perfectum. |
[No book] |