|
|
| [1]Ephraim pascit ventum, et sequitur æstum; tota die mendacium et vastitatem multiplicat: et fœdus cum Assyriis init, et oleum in Ægyptum ferebat. |
[No book] |
| [2]Judicium ergo Domini cum Juda, et visitatio super Jacob: juxta vias ejus, et juxta adinventiones ejus reddet ei. |
[No book] |
| [3]In utero supplantavit fratrem suum, et in fortitudine sua directus est cum angelo. |
[No book] |
| [4]Et invaluit ad angelum, et confortatus est; flevit, et rogavit eum. In Bethel invenit eum, et ibi locutus est nobiscum. |
[No book] |
| [5]Et Dominus Deus exercituum, Dominus memoriale ejus. |
[No book] |
| [6]Et tu ad Deum tuum converteris; misericordiam et judicium custodi, et spera in Deo tuo semper. |
[No book] |
| [7]Chanaan, in manu ejus statera dolosa, calumniam dilexit. |
[No book] |
| [8]Et dixit Ephraim: Verumtamen dives effectus sum; inveni idolum mihi: omnes labores mei non invenient mihi iniquitatem quam peccavi. |
[No book] |
| [9]Et ego Dominus Deus tuus ex terra Ægypti: adhuc sedere te faciam in tabernaculis, sicut in diebus festivitatis. |
[No book] |
| [10]Et locutus sum super prophetas, et ego visionem multiplicavi, et in manu prophetarum assimilatus sum. |
[No book] |
| [11]Si Galaad idolum, ergo frustra erant in Galgal bobus immolantes; nam et altaria eorum quasi acervi super sulcos agri. |
[No book] |
| [12]Fugit Jacob in regionem Syriæ, et servivit Israël in uxorem, et in uxorem servavit. |
[No book] |
| [13]In propheta autem eduxit Dominus Israël de Ægypto, et in propheta servatus est. |
[No book] |
| [14]Ad iracundiam me provocavit Ephraim in amaritudinibus suis: et sanguis ejus super eum veniet, et opprobrium ejus restituet ei Dominus suus. |
[No book] |