|
|
| [1]Loquente Ephraim, horror invasit Israël; et deliquit in Baal, et mortuus est. |
[No book] |
| [2]Et nunc addiderunt ad peccandum; feceruntque sibi conflatile de argento suo quasi similitudinem idolorum: factura artificum totum est: his ipsi dicunt: Immolate homines, vitulos adorantes. |
[No book] |
| [3]Idcirco erunt quasi nubes matutina, et sicut ros matutinus præteriens; sicut pulvis turbine raptus ex area, et sicut fumus de fumario. |
[No book] |
| [4]Ego autem Dominus Deus tuus, ex terra Ægypti; et Deum absque me nescies, et salvator non est præter me. |
[No book] |
| [5]Ego cognovi te in deserto, in terra solitudinis. |
[No book] |
| [6]Juxta pascua sua adimpleti sunt et saturati sunt; et levaverunt cor suum, et obliti sunt mei. |
[No book] |
| [7]Et ego ero eis quasi leæna, sicut pardus in via Assyriorum. |
[No book] |
| [8]Occurram eis quasi ursa raptis catulis, et dirumpam interiora jecoris eorum, et consumam eos ibi quasi leo: bestia agri scindet eos. |
[No book] |
| [9]Perditio tua, Israël: tantummodo in me auxilium tuum. |
[No book] |
| [10]Ubi est rex tuus? maxime nunc salvet te in omnibus urbibus tuis; et judices tui, de quibus dixisti: Da mihi regem et principes. |
[No book] |
| [11]Dabo tibi regem in furore meo, et auferam in indignatione mea. |
[No book] |
| [12]Colligata est iniquitas Ephraim; absconditum peccatum ejus. |
[No book] |
| [13]Dolores parturientis venient ei: ipse filius non sapiens: nunc enim non stabit in contritione filiorum. |
[No book] |
| [14]De manu mortis liberabo eos; de morte redimam eos. Ero mors tua, o mors ! morsus tuus ero, inferne ! consolatio abscondita est ab oculis meis. |
[No book] |
| [15]Quia ipse inter fratres dividet: adducet urentem ventum Dominus de deserto ascendentem, et siccabit venas ejus, et desolabit fontem ejus: et ipse diripiet thesaurum omnis vasis desiderabilis. |
[No book] |