|
|
| [1]Pereat Samaria, quoniam ad amaritudinem concitavit Deum suum ! in gladio pereant, parvuli eorum elidantur, et fœtæ ejus discindantur ! |
[No book] |
| [2]Convertere, Israël, ad Dominum Deum tuum, quoniam corruisti in iniquitate tua. |
[No book] |
| [3]Tollite vobiscum verba, et convertimini ad Dominum; et dicite ei: Omnem aufer iniquitatem, accipe bonum, et reddemus vitulos labiorum nostrorum. |
[No book] |
| [4]Assur non salvabit nos: super equum non ascendemus, nec dicemus ultra, Dii nostri opera manuum nostrarum: quia ejus, qui in te est, misereberis pupilli. |
[No book] |
| [5]Sanabo contritiones eorum; diligam eos spontanee: quia aversus est furor meus ab eis. |
[No book] |
| [6]Ero quasi ros; Israël germinabit sicut lilium, et erumpet radix ejus ut Libani. |
[No book] |
| [7]Ibunt rami ejus, et erit quasi oliva gloria ejus, et odor ejus ut Libani. |
[No book] |
| [8]Convertentur sedentes in umbra ejus; vivent tritico, et germinabunt quasi vinea; memoriale ejus sicut vinum Libani. |
[No book] |
| [9]Ephraim, quid mihi ultra idola? Ego exaudiam, et dirigam eum ego ut abietem virentem; ex me fructus tuus inventus est. |
[No book] |
| [10]Quis sapiens, et intelliget ista? intelligens, et sciet hæc? quia rectæ viæ Domini, et justi ambulabunt in eis; prævaricatores vero corruent in eis. |
[No book] |