➖ »
«
➖ ➕
Aleppo Codex (~920)
Alep
The Second Book of Clement
2Clem
←
Hosea
Hos
2
→
[1]והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי [No book]
[2]ונקבצו בני יהודה ובני ישראל יחדו ושמו להם ראש אחד ועלו מן הארץ כי גדול יום יזרעאל [No book]
[3]אמרו לאחיכם עמי ולאחותיכם רחמה [No book]
[4]ריבו באמכם ריבו־כי היא לא אשתי ואנכי לא אישה ותסר זנוניה מפניה ונאפופיה מבין שדיה [No book]
[5]פן אפשיטנה ערמה־והצגתיה כיום הולדה ושמתיה כמדבר ושתה כארץ ציה והמתיה בצמא [No book]
[6]ואת בניה לא ארחם כי בני זנונים המה [No book]
[7]כי זנתה אמם הבישה הורתם כי אמרה אלכה אחרי מאהבי נתני לחמי ומימי צמרי ופשתי שמני ושקויי [No book]
[8]לכן הנני שך את דרכך בסירים וגדרתי את גדרה ונתיבותיה לא תמצא [No book]
[9]ורדפה את מאהביה ולא תשיג אתם ובקשתם ולא תמצא ואמרה אלכה ואשובה אל אישי הראשון־כי טוב לי אז מעתה [No book]
[10]והיא לא ידעה כי אנכי נתתי לה הדגן והתירוש והיצהר וכסף הרביתי לה וזהב עשו לבעל [No book]
[11]לכן אשוב־ולקחתי דגני בעתו ותירושי במועדו והצלתי צמרי ופשתי לכסות את ערותה [No book]
[12]ועתה אגלה את נבלתה לעיני מאהביה ואיש לא יצילנה מידי [No book]
[13]והשבתי כל משושה חגה חדשה ושבתה־וכל מועדה [No book]
[14]והשמתי גפנה ותאנתה אשר אמרה אתנה המה לי אשר נתנו לי מאהבי ושמתים ליער ואכלתם חית השדה [No book]
[15]ופקדתי עליה את ימי הבעלים אשר תקטיר להם ותעד נזמה וחליתה ותלך אחרי מאהביה ואתי שכחה נאם יהוה [No book]
[16]לכן הנה אנכי מפתיה והלכתיה המדבר ודברתי על לבה [No book]
[17]ונתתי לה את כרמיה משם ואת עמק עכור לפתח תקוה וענתה שמה כימי נעוריה וכיום עלותה מארץ מצרים [No book]
[18]והיה ביום ההוא נאם יהוה תקראי אישי ולא תקראי לי עוד בעלי [No book]
[19]והסרתי את שמות הבעלים מפיה ולא יזכרו עוד בשמם [No book]
[20]וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח [No book]
[21]וארשתיך לי לעולם וארשתיך לי בצדק ובמשפט ובחסד וברחמים [No book]
[22]וארשתיך לי באמונה וידעת את יהוה [No book]
[23]והיה ביום ההוא אענה נאם יהוה־אענה את השמים והם יענו את הארץ [No book]
[24]והארץ תענה את הדגן ואת התירוש ואת היצהר והם יענו את יזרעאל [No book]
[25]וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top