|
|
| [1]Audite hoc, sacerdotes, et attendite, domus Israël, et domus regis, auscultate: quia vobis judicium est, quoniam laqueus facti estis speculationi, et rete expansum super Thabor. |
[No book] |
| [2]Et victimas declinastis in profundum; et ego eruditor omnium eorum. |
[No book] |
| [3]Ego scio Ephraim, et Israël non est absconditus a me: quia nunc fornicatus est Ephraim; contaminatus est Israël. |
[No book] |
| [4]Non dabunt cogitationes suas ut revertantur ad Deum suum, quia spiritus fornicationum in medio eorum, et Dominum non cognoverunt. |
[No book] |
| [5]Et respondebit arrogantia Israël in facie ejus, et Israël et Ephraim ruent in iniquitate sua: ruet etiam Judas cum eis. |
[No book] |
| [6]In gregibus suis et in armentis suis vadent ad quærendum Dominum, et non invenient: ablatus est ab eis. |
[No book] |
| [7]In Dominum prævaricati sunt, quia filios alienos genuerunt: nunc devorabit eos mensis, cum partibus suis. |
[No book] |
| [8]Clangite buccina in Gabaa, tuba in Rama; ululate in Bethaven, post tergum tuum, Benjamin. |
[No book] |
| [9]Ephraim in desolatione erit in die correptionis; in tribubus Israël ostendi fidem. |
[No book] |
| [10]Facti sunt principes Juda quasi assumentes terminum; super eos effundam quasi aquam iram meam. |
[No book] |
| [11]Calumniam patiens est Ephraim, fractus judicio, quoniam cœpit abire post sordes. |
[No book] |
| [12]Et ego quasi tinea Ephraim, et quasi putredo domui Juda. |
[No book] |
| [13]Et vidit Ephraim languorem suum, et Juda vinculum suum; et abiit Ephraim ad Assur, et misit ad regem ultorem: et ipse non poterit sanare vos, nec solvere poterit a vobis vinculum. |
[No book] |
| [14]Quoniam ego quasi leæna Ephraim, et quasi catulus leonis domui Juda. Ego, ego capiam, et vadam; tollam, et non est qui eruat. |
[No book] |
| [15]Vadens revertar ad locum meum, donec deficiatis, et quæratis faciem meam. |
[No book] |