|
|
| [1]ܘܵܝ ܐܲܪܝܼܠ ܐܲܪܝܼܠ ܩܪܝܼܬ̣ܵܐ ܕܲܫ̣ܪܵܐ ܕܵܘܝܼܕ݂. ܐܵܘܣܸܦܘ ܫܲܢ̄ܬܵܐ ܥܲܠ ܫܲܢ̄ܬܵܐ: ܥܲܕ݂ܥܹ̈ܕܹܐ ܢܸܬ̣ܥܲܒ̣ܕ̇ܘܼܢ. |
[No book] |
| [2]ܘܐܲܥܝܼܩ ܠܐܵܪܝܼܠ: ܘܬܸܗܘܹܐ ܢܘܼܗܵܡܵܐ ܘܐܘܿܠܝܼܬ̣ܵܐ: ܘܬܸܗܘܹܐ ܐܲܝܟ݂ ܐܵܪܝܼܠ. |
[No book] |
| [3]ܘܐܸܫܪܹܐ ܐܲܝܟ݂ ܐܹܣܦܹܪܵܐ ܥܠܲܝܟ̇ܝ ܘܐܲܠܨܹܟ݂ܝ ܒܡܲܩܲܒ̣ܬܵܐ ܘܐܲܩܝܼܡ ܥܠܲܝܟܝ ܡܲܛܲܪܬܵܐ. |
[No book] |
| [4]ܘܬܸܬ̣ܡܲܟ̇ܟ݂ܝܼܢ ܘܡ̣ܢ ܥܲܦܪܵܐ ܬܡܲܠܠܝܼܢ. ܘܡ̣ܢ ܥܲܦܪܵܐ ܢܢܲܨܪ̈ܵܢ ܡܸܠܲܝ̈ܟ̇ܝ ܘܢܸܫܬ̇ܡܲܥ ܩܵܠܹܟ݂ܝ ܡ̣ܢ ܐܲܪܥܵܐ ܐܲܝܟ݂ ܙܲܟ̇ܘܼܪܵܐ. ܘܡ̣ܢ ܥܲܦܪܵܐ ܢܢܲܨܪ̈ܵܢ ܡܸܠܲܝ̈ܟ̇ܝ. |
[No book] |
| [5]ܘܢܸܗܘܹܐ ܐܲܝܟ݂ ܚܸܠܵܐ ܕܲܩܝܼܩܵܐ ܣܘܿܓ̣ܵܐܐ ܕܕ݂ܵܝܘܿܫܲܝ̈ܟ̇ܝ ܘܐܲܝܟ݂ ܥܘܼܪܵܐ ܕܥܵܒܲܪ ܣܘܿܓ̣ܵܐܐ ܕܥܲܫܝܼܢܲܝ̈ܟ̇ܝ. ܘܢܸܗܘܹܐ ܡ̣ܢ ܫܸܠܝܵܐ ܒܲܥܓܲܠ. |
[No book] |
| [6]ܡ̣ܢ ܩܕ݂ܵܡ ܡܵܪܝܵܐ ܚܲܝܠܬ̣ܵܢܵܐ: ܬܸܬ̣ܦܩܸܕ݂ ܒܙܵܘܥܹ̈ܐ: ܘܲܒ̣ܪ̈ܲܥܡܹܐ ܘܲܒ̣ܩܵܠܵܐ ܪܲܒܵܐ: ܘܲܒ̣ܩܘܼ̈ܕ݂ܚܵܬ̣ܵܐ: ܘܲܒ̣ܥܲܠܥܵܠܵܐ: ܘܲܒ̣ܫܲܠܗܹܒ̣ܝܼܬ̣ܵܐ ܕܢܘܼܪܵܐ ܕܡܵܘܩܕ݂ܵܐ. |
[No book] |
| [7]ܘܢܸܗܘܹܐ ܐܲܝܟ݂ ܚܸܠܡܵܐ ܒܚܸܙܘܵܐ ܕܠܸܠܝܵܐ: ܣܘܿܓ̣ܵܐܐ ܕܟ݂ܠܗܘܿܢ ܥܲܡܡܹ̈ܐ ܕܡܸܬ̣ܚܲܝܠܝܼܢ ܥܲܠ ܨܸܗܝܘܿܢ: ܘܟ݂ܠ ܚܲܝ̈ܠܹܐ ܘܟܸܢܫܹ̈ܐ ܕܲܡܥܝܼܩܝܼܢ ܠܵܗ̇. |
[No book] |
| [8]ܘܢܸܗܘܹܐ ܐܲܝܟ݂ ܟܲܦܢܵܐ ܕܚܵܙܹ̇ܐ ܒܚܸܠܡܹܗ ܕܐܵܟܹ̇ܠ ܘܡܵܐ ܕܐܸܬ̇ܬ̇ܥܝܼܪ: ܡܛܲܪܲܦ: ܘܲܣܪܝܼܩܵܐ ܢܲܦ̮ܫܹܗ. ܘܐܲܝܟ݂ ܨܲܗܝܵܐ ܕܚܵܙܹ̇ܐ ܒܚܸܠܡܹܗ ܕܫܵܬܹܐ. ܘܡܵܐ ܕܐܸܬ̇ܬ̇ܥܝܼܪ: ܡܛܲܪܲܦ ܘܲܣܪܝܼܩܵܐ ܢܲܦ̮ܫܹܗ. ܗܵܟܲܢܵܐ ܢܸܗܘܹܐ ܣܘܿܓ̣ܵܐܐ ܕܟ݂ܠܗܘܿܢ ܥܲܡܡܹ̈ܐ ܕܡܸܬ̣ܚܲܝܠܝܼܢ ܥܲܠ ܛܘܼܪܵܐ ܕܨܸܗܝܘܿܢ. |
[No book] |
| [9]ܬܡܲܗܘ ܘܐܸܬ̇ܕܲܡܲܪܘ: ܘܐܸܬ̇ܛܲܪܲܦܘ ܘܲܬ̣ܘܲܪܘ: ܕܲܪܘܹܝܢ ܠܵܐ ܡ̣ܢ ܚܲܡܪܵܐ: ܘܲܕ̇ܛܵܥܹ̇ܝܢ ܠܵܐ ܡ̣ܢ ܫܲܟ݂ܪܵܐ. |
[No book] |
| [10]ܡܸܛܠ ܕܲܢ̣ܣܲܟ݂ ܥܠܲܝܗܘܿܢ ܡܵܪܝܵܐ ܪܘܼܚܵܐ ܛܲܒ̇ܝܼܥܬܵܐ ܘܥܸܫܢܲܬ̤ ܥܲܠ ܥܲܝܢܲܝ̈ܗܘܿܢ ܘܥܲܠ ܢܒ̣ܝܹ̈ܐ: ܘܥܲܠ ܪܹ̈ܫܲܝܗܘܿܢ ܕܚܵܙܹ̇ܝܢ ܟܲܣ̈ܝܵܬ̣ܵܐ. |
[No book] |
| [11]ܘܢܸܗܘܹܐ ܒܗܘܿܢ ܚܸܙܘܵܐ ܕܟ݂ܠܗܘܿܢ ܐܲܝܟ݂ ܡܸܠܹ̈ܐ ܕܲܟ݂ܬ̣ܵܒ̣ܵܐ ܕܲܚܬ̣ܝܼܡ ܕܡܵܐ ܕܝܲܗ̄ܒ̇ܘܼܗܝ ܠܡܲܢ ܕܝܵܕܲܥ̇ ܣܸܦܪܵܐ: ܢܹܐܡܪܘܼܢ ܠܹܗ ܩܪܝܼ ܗܵܢܵܐ: ܘܢܹܐܡܲܪ ܠܵܐ ܡܸܫܟܲܚ ܐ̄ܢܵܐ: ܡܸܛܠ ܕܲܚܬ̣ܝܼܡ ܗ̄ܘܼ. |
[No book] |
| [12]ܘܢܸܬ̇ܠܘܼܢܹܗ ܠܲܟ݂ܬ̣ܵܒ̣ܵܐ ܠܡܲܢ ܕܠܵܐ ܝܵܕܲܥ ܣܸܦܪܵܐ. ܘܢܹܐܡܪܘܼܢ ܠܹܗ ܩܪܝܼ ܗܵܢܵܐ. ܘܢܹܐܡܲܪ ܠܵܐ ܝܵܕܲܥ ܐ̄ܢܵܐ ܣܸܦܪܵܐ. |
[No book] |
| [13]ܘܐܸܡܲܪ ܡܵܪܝܵܐ: ܥܲܠ ܕܲܩ̣ܪܸܒ̣ ܥܲܡܵܐ ܗܵܢܵܐ ܒܦܘܼܡܹܗ: ܘܲܒ̣ܣܸܦ̈ܘܵܬܹܗ ܝܲܩ̣ܪܲܢܝ: ܘܠܸܒܹ̇ܗ ܪܲܚܝܼܩ ܡܹܢܝ: ܘܲܗܘ̤ܵܬ̣ ܕܸܚܠܲܬ̣ܗܘܿܢ ܡܹܢܝ ܒܦܘܼܩܕܵܢܵܐ ܘܲܒ̣ܝܘܼܠܦܵܢܵܐ ܕܐ̄ܢܵܫܵܐ. |
[No book] |
| [14]ܡܸܛܠ ܗܵܢܵܐ: ܗܵܐ ܡܵܘܣܸܦ ܐ̄ܢܵܐ ܠܡܸܦ̱ܪܫܹܗ ܠܥܲܡܵܐ ܗܵܢܵܐ: ܒܬܸܕ݂ܡܘܼܪܬܵܐ ܘܲܒ̣ܕ݂ܘܼܡܵܪܵܐ. ܘܬܹܐܒܲܕ݂ ܚܸܟ݂ܡ̱ܬ̣ܵܐ ܕܚܲܟ̇ܝܼܡܵܘ̈ܗܝ. ܘܣܘܼܟܵܠܵܐ ܕ݂ܣܲܟ̇ܘܼܠܬ̣ܵܢܵܘ̈ܗܝ ܢܸܬ̣ܓ̇ܠܸܙ. |
[No book] |
| [15]ܘܵܝ ܠܲܕ݂ܡܸܬ̣ܥܲܩܡܝܼܢ ܡ̣ܢ ܡܵܪܝܵܐ: ܠܲܡܛܲܫܵܝܘܼ ܬܲܪܥܝܼܬ̣ܵܐ. ܘܗܵܘܹ̇ܝܢ ܒܚܸܫܘܿܟ݂ܵܐ ܥܒ̣ܵܕܲܝ̈ܗܘܿܢ ܘܐܵܡ̇ܪܝܼܢ ܡܲܢܘܼ ܚܵܙܹ̇ܐ ܠܲܢ: ܐܵܘ ܡܲܢܘܼ ܝܵܕܲܥ ܡܵܢܵܐ ܡܸܬ̣ܗܲܦܟ݂ܝܼܢܲܢ. |
[No book] |
| [16]ܐܲܝܟ݂ ܛܝܼܢܵܐ ܕܦܲܚܵܪܵܐ ܚܫܝܼܒ̣ܝܼܢ ܐ̄ܢܬ̇ܘܿܢ. ܕܲܠܡܵܐ ܐܵܡܲܪ ܥܒ̣ܵܕ݂ܵܐ ܠܥܵܒ̣ܘܿܕܹܗ ܠܵܐ ܥܒܲܕ̇ܬܵܢܝ. ܘܲܓ̣ܒ̣ܝܼܠܬܵܐ ܐܵܡ̇ܪܵܐ ܠܓ̣ܵܒ̣ܘܿܠܵܗ̇: ܕܚܲܟ̇ܝܼܡܵܐܝܼܬ̣ ܠܵܐ ܓܒܲܠܬܵܢܝ. |
[No book] |
| [17]ܗܵܐ ܥܲܕ݂ ܩܲܠܝܼܠ ܙܥܘܿܪ: ܘܢܸܗܦܘܿܟ݂ ܠܸܒ̣ܢܵܢ ܠܟܲܪܡ̄ܠܵܐ: ܘܟܲܪܡ̄ܠܵܐ ܠܥܵܒ̣ܵܐ ܢܸܬ̣ܚܫܸܒ̣. |
[No book] |
| [18]ܘܢܸܫ̱ܡܥܘܼܢ ܒܝܵܘܡܵܐ ܗܵܘܿ ܚܲܪ̈ܫܹܐ ܡܸܠܹ̈ܐ ܕܲܟ݂ܬ̣ܵܒ̣ܵܐ. ܘܡ̣ܢ ܚܸܫܘܿܟ݂ܵܐ ܘܥܲܡܛܵܢܵܐ: ܥܲܝܢܹ̈ܐ ܕܲܥܘܝܼܪܹ̈ܐ ܢܸܚ̈ܙܝܵܢ. |
[No book] |
| [19]ܘܢܵܘܣܦܘܼܢ ܡܲܟ̇ܝܼܟܹ̈ܐ ܒܡܵܪܝܵܐ ܒܚܲܕ݂ܘܼܬ̣ܵܐ. ܘܐ̄ܢܵܫܵܐ ܒܵܝܫܹ̈ܐ ܒܩܲܕ̇ܝܼܫܵܐ ܕܝܼܣܪܵܝܹܠ ܢܕ݂ܘܼܨܘܼܢ. |
[No book] |
| [20]ܡܸܛܠ ܕܲܥܒܲܪ ܕܵܝܘܿܫܵܐ: ܘܲܓ̣ܡܲܪ ܡܡܲܝܩܵܢܵܐ. ܘܐܸܒܲܕ݂ܘ ܟܠ ܕܲܡܓܲܪܓ̣ܝܼܢ ܥܵܘܼܠܵܐ. |
[No book] |
| [21]ܘܡܲܚܛܹܝܢ ܠܐ̄ܢܵܫܵܐ ܒܡܸܠܬ̣ܵܐ. ܘܠܲܕ݂ܡܲܟܸ̇ܣ ܣܵܝ̇ܡܝܼܢ ܠܹܗ ܬܘܼܩ̱ܠܬ̣ܵܐ: ܘܨܵܠܹ̇ܝܢ ܒܚܸܫܘܿܟ݂ܵܐ ܠܙܲܕ̇ܝܼܩܵܐ. |
[No book] |
| [22]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܝܵܐ: ܥܲܠ ܒܲܝܬܹ̇ܗ ܕܝܲܥܩܘܿܒ̣: ܕܲܦܪܲܩ̣ ܠܐܲܒ̣ܪܵܗܵܡ: ܠܵܐ ܡܸܟܹ̇ܝܠ ܢܸܒ̣ܗܲܬ̣ ܝܲܥܩܘܼܒ̣: ܘܠܵܐ ܡܸܟܹ̇ܝܠ ܢܸܚܦܪ̈ܵܢ ܐܲܦܵܘ̈ܗܝ. |
[No book] |
| [23]ܡܵܐ ܕܲܚܙ̣ܵܘ ܒܢܵܘ̈ܗܝ ܥܒ̣ܵܕ݂ ܐܝܼܕܲܝ̈: ܒܓ̣ܵܘܹܗ ܢܩܲܕ̇ܫܘܼܢ ܫܹܡܝ. ܘܲܢܩܲܕ̇ܫܘܼܢ ܠܩܲܕ̇ܝܼܫܵܐ ܕܝܲܥܩܘܿܒ̣. ܘܠܲܐܠܵܗܵܐ ܕܝܼܣܪܵܝܹܠ ܢܥܲܫܢܘܼܢ. |
[No book] |
| [24]ܘܢܸܕ̇ܥܘܼܢ ܣܲܟ݂̈ܠܹܐ ܐܲܝܠܹܝܢ ܕܛܵܥ̇ܝܵܐ ܗ̄ܘܼܵܬ̣ ܪܘܼܚܗܘܿܢ. ܘܫܵܛܲـ̈ـܝܵܐ ܢܹܐܠܦܘܼܢ ܠܡܸܫܬܲܡܵܥܘܼ. |
[No book] |