➖ »
«
➖ ➕
Aleppo Codex (~920)
Alep
The Second Book of Clement
2Clem
←
Judges
Jdg
21
   
[1]ואיש ישראל נשבע במצפה לאמר איש ממנו לא יתן בתו לבנימן לאשה [No book]
[2]ויבא העם בית אל וישבו שם עד הערב לפני האלהים וישאו קולם ויבכו בכי גדול [No book]
[3]ויאמרו־למה יהוה אלהי ישראל היתה זאת בישראל להפקד היום מישראל שבט אחד [No book]
[4]ויהי ממחרת וישכימו העם ויבנו שם מזבח ויעלו עלות ושלמים [No book]
[5]ויאמרו בני ישראל מי אשר לא עלה בקהל מכל שבטי ישראל אל יהוה כי השבועה הגדולה היתה לאשר לא עלה אל יהוה המצפה לאמר־מות יומת [No book]
[6]וינחמו בני ישראל אל בנימן אחיו ויאמרו נגדע היום שבט אחד מישראל [No book]
[7]מה נעשה להם לנותרים לנשים ואנחנו נשבענו ביהוה לבלתי תת להם מבנותינו לנשים [No book]
[8]ויאמרו־מי אחד משבטי ישראל אשר לא עלה אל יהוה המצפה והנה לא בא איש אל המחנה מיביש גלעד־אל הקהל [No book]
[9]ויתפקד העם והנה אין שם איש מיושבי יבש גלעד [No book]
[10]וישלחו שם העדה שנים עשר אלף איש־מבני החיל ויצוו אותם לאמר לכו והכיתם את יושבי יבש גלעד לפי חרב והנשים והטף [No book]
[11]וזה הדבר אשר תעשו כל זכר וכל אשה ידעת משכב זכר־תחרימו [No book]
[12]וימצאו מיושבי יביש גלעד ארבע מאות נערה בתולה אשר לא ידעה איש למשכב זכר ויבאו אותם אל המחנה שלה אשר בארץ כנען [No book]
[13]וישלחו כל העדה וידברו אל בני בנימן אשר בסלע רמון ויקראו להם שלום [No book]
[14]וישב בנימן בעת ההיא ויתנו להם הנשים אשר חיו מנשי יבש גלעד ולא מצאו להם כן [No book]
[15]והעם נחם לבנימן כי עשה יהוה פרץ בשבטי ישראל [No book]
[16]ויאמרו זקני העדה מה נעשה לנותרים לנשים כי נשמדה מבנימן אשה [No book]
[17]ויאמרו ירשת פליטה לבנימן ולא ימחה שבט מישראל [No book]
[18]ואנחנו לא נוכל לתת להם נשים־מבנותינו כי נשבעו בני ישראל לאמר ארור נתן אשה לבנימן [No book]
[19]ויאמרו הנה חג יהוה בשלו מימים ימימה אשר מצפונה לבית אל מזרחה השמש למסלה העלה מבית אל שכמה־ומנגב ללבונה [No book]
[20]ויצו [Q: ויצוו] את בני בנימן לאמר לכו וארבתם בכרמים [No book]
[21]וראיתם והנה אם יצאו בנות שילו לחול במחלות ויצאתם מן הכרמים וחטפתם לכם איש אשתו מבנות שילו והלכתם ארץ בנימן [No book]
[22]והיה כי יבאו אבותם או אחיהם לרוב [Q: לריב] אלינו ואמרנו אליהם חנונו אותם־כי לא לקחנו איש אשתו במלחמה כי לא אתם נתתם להם כעת תאשמו [No book]
[23]ויעשו כן בני בנימן וישאו נשים למספרם מן המחללות אשר גזלו וילכו וישובו אל נחלתם ויבנו את הערים וישבו בהם [No book]
[24]ויתהלכו משם בני ישראל בעת ההיא איש לשבטו ולמשפחתו ויצאו משם איש לנחלתו [No book]
[25]בימים ההם אין מלך בישראל איש הישר בעיניו יעשה [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top