➖ »
«
➖ ➕
Aleppo Codex (~920)
Alep
The First Book of Clement
1Clem
←
Jeremiah
Jer
18
→
[1]הדבר אשר היה אל ירמיהו מאת יהוה לאמר [No book]
[2]קום וירדת בית היוצר ושמה אשמיעך את דברי [No book]
[3]וארד בית היוצר והנהו [Q: והנה הוא] עשה מלאכה על האבנים [No book]
[4]ונשחת הכלי אשר הוא עשה בחמר־ביד היוצר ושב ויעשהו כלי אחר כאשר ישר בעיני היוצר לעשות [No book]
[5]ויהי דבר יהוה אלי לאמור [No book]
[6]הכיוצר הזה לא אוכל לעשות לכם בית ישראל־נאם יהוה הנה כחמר ביד היוצר כן אתם בידי בית ישראל [No book]
[7]רגע אדבר על גוי ועל ממלכה לנתוש ולנתוץ ולהאביד [No book]
[8]ושב הגוי ההוא מרעתו אשר דברתי עליו־ונחמתי על הרעה אשר חשבתי לעשות לו [No book]
[9]ורגע אדבר על גוי ועל ממלכה לבנות ולנטוע [No book]
[10]ועשה הרעה [Q: הרע] בעיני לבלתי שמע בקולי־ונחמתי על הטובה אשר אמרתי להיטיב אותו [No book]
[11]ועתה אמר נא אל איש יהודה ועל יושבי ירושלם לאמר כה אמר יהוה הנה אנכי יוצר עליכם רעה וחשב עליכם מחשבה שובו נא איש מדרכו הרעה והיטיבו דרכיכם ומעלליכם [No book]
[12]ואמרו נואש כי אחרי מחשבותינו נלך ואיש שררות לבו הרע נעשה [No book]
[13]לכן כה אמר יהוה שאלו נא בגוים מי שמע כאלה שעררת עשתה מאד בתולת ישראל [No book]
[14]היעזב מצור שדי שלג לבנון אם ינתשו מים זרים קרים־נוזלים [No book]
[15]כי שכחני עמי לשוא יקטרו ויכשלום בדרכיהם שבילי עולם ללכת נתיבות דרך לא סלולה [No book]
[16]לשום ארצם לשמה שרוקת [Q: שריקת] עולם כל עובר עליה ישם ויניד בראשו [No book]
[17]כרוח קדים אפיצם לפני אויב ערף ולא פנים אראם ביום אידם [No book]
[18]ויאמרו לכו ונחשבה על ירמיהו מחשבות־כי לא תאבד תורה מכהן ועצה מחכם ודבר מנביא לכו ונכהו בלשון ואל נקשיבה אל כל דבריו [No book]
[19]הקשיבה יהוה אלי ושמע לקול יריבי [No book]
[20]הישלם תחת טובה רעה כי כרו שוחה לנפשי זכר עמדי לפניך לדבר עליהם טובה להשיב את חמתך מהם [No book]
[21]לכן תן את בניהם לרעב והגרם על ידי חרב ותהינה נשיהם שכלות ואלמנות ואנשיהם יהיו הרגי מות בחוריהם מכי חרב במלחמה [No book]
[22]תשמע זעקה מבתיהם כי תביא עליהם גדוד פתאם כי כרו שיחה [Q: שוחה] ללכדני ופחים טמנו לרגלי [No book]
[23]ואתה יהוה ידעת את כל עצתם עלי למות־אל תכפר על עונם וחטאתם מלפניך אל תמחי והיו [Q: ויהיו] מכשלים לפניך בעת אפך עשה בהם [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top