➖ »
«
➖ ➕
Peshitta OT
PesOT
The First Book of Clement
1Clem
←
Jeremiah
Jer
29
→
[1]ܘܗܵܠܹܝܢ ܦܸܬ̣ܓ̣ܵܡܲܝ̈ ܐܸܓܲܪܬܵܐ ܕܫܲܕܲܪ ܐܹܪܲܡܝܵܐ ܢܒ̣ܝܼܵܐ ܡ̣ܢ ܐܘܿܪܸܫܠܸܡ ܠܒ̣ܵܒܹܠ: ܠܘܵܬ̣ ܫܲܪܟܵܐ ܕܣܵܒܹ̈ܐ ܕܲܫܒ̣ܝܼܬܵܐ: ܘܲܠܘܵܬ̣ ܟܵܗܢܹ̈ܐ: ܘܲܠܘܵܬ̣ ܢܒ̣ܝܹ̈ܐ ܕܲܓܵܠܹ̈ܐ: ܘܲܠܘܵܬ̣ ܟܠܹܗ ܥܲܡܵܐ ܕܲܫܒ̣ܵܐ ܢܒ̣ܘܼܟܲܕ݂ܢܵܨܲܪܡܲܠܟܵܐ ܕܒ̣ܵܒܹܠ ܡ̣ܢ ܐܘܿܪܹܫܠܹܡ ܠܒ̣ܵܒܹܠ. [No book]
[2]ܡ̣ܢ ܒܵܬܲܪ ܕܲܢ̣ܦܲܩ ܝܘܿܟܲܢܝܵܐ ܡܲܠܟܵܐ ܘܡܲܠܟܬ̣ܵܐ: ܘܲܡܗܲܝܡܢܹ̈ܐ ܘܪܵܘܖ̈ܒ̣ܵܢܹܐ ܕܲܝܗܘܼܕ݂ܵܐ ܘܕ݂ܐܘܿܪܸܫܠܸܡ: ܘܐܘܼܡܵܢܹ̈ܐ ܘܕܲܚܫܹ̈ܐ ܡ̣ܢ ܐܘܿܪܸܫܠܸܡ. [No book]
[3]ܒܝܲܕ݂ ܐܲܠܲܥܣܵܐ ܒܲܪ ܫܵܦܵܢ: ܘܲܓ̣ܡܲܪܝܵܐ ܒܲܪ ܚܹܠܲܩܝܵܐ: ܕܫܲܕܲܪ ܨܹܕܲܩܝܵܐ ܡܲܠܟܵܐ ܕܲܝܗܘܼܕ݂ܵܐ ܠܘܵܬ̣ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ ܠܒ̣ܵܒܹܠ. [No book]
[4]ܗܵܟܲܢܵܐ ܐܵܡܲ݁ܪ ܡܵܪܝܵܐ ܨܒ̣ܵܐܘܼܬ̣ ܐܲܠܵܗܵܐ ܕܝܼܣܪܵܝܹܠ: ܠܟ݂ܠܵܗ̇ ܫܒ̣ܝܼܬ̣ܵܐ ܕܐܸܫܬܲܒ̣ܝܲܬ̤ ܡ̣ܢ ܐܘܿܪܸܫܠܸܡ ܠܒ̣ܵܒܹܠ. [No book]
[5]ܒܢܵܘ ܒܵــ̈ܬܹ̇ܐ ܘܬܸܒ̣ܘ: ܘܨܘܿܒ̣ܘ ܓܲܢܹ̈ܐ ܘܐܲܟ݂ܘܿܠܘ ܦܹܐܖ̈ܲܝܗܹܝܢ. [No book]
[6]ܘܣܲܒ̣ܘ ܢܸܫܹ̈ܐ ܘܐܵܘܠܸܕ݂ܘ ܒ̈ܢܲܝܵܐ ܘܲܒ̣̈ܢܵܬ̣ܵܐ: ܣܲܒ̣ܘ ܠܲܒ̣ܢܲܝ̈ܟ̇ܘܿܢ ܢܸܫܹ̈ܐ: ܘܲܒ̣̈ܢܵܬ̣ܟ݂ܘܿܢ ܗܲܒ̣ܘ ܠܓܲܒ̣ܖܹ̈ܐ: ܘܢܵܘܠܕ݂ܘܼܢ ܒ̈ܢܲܝܵܐ ܘܲܒ̣̈ܢܵܬ̣ܵܐ: ܘܲܣܓ̣ܵܘ ܬܲܡܵܢ ܘܠܵܐ ܬܸܙ̱ܥܪܘܼܢ. [No book]
[7]ܘܲܫܐܲܠܘ ܒܲܫܠܵܡܵܗ̇ ܕܲܩܪܝܼܬ̣ܵܐ ܕܲܫܒ̣ܝܼܬ̣ܟ݂ܘܿܢ ܬܲܡܵܢ: ܘܨܲܠܵܘ ܥܠܹܝܗ̇ ܩܕ݂ܵܡ ܡܵܪܝܵܐ: ܕܒܲܫܠܵܡܵܗ̇ ܢܸܗܘܸܐ ܠܟ݂ܘܿܢ ܫܠܵܡܵܐ. [No book]
[8]ܡܸܛܠ ܕܗܵܟܲܢܵܐ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܠܵܐ ܢܲܛܥܘܿܢܵܟ݂ܘܿܢ ܢܒ̣ܝܹ̈ܐ ܕܒܲܝܢܵܬ̣ܟ݂ܘܿܢ: ܘܩܵܨܘܿܡܲܝ̈ܟ̇ܘܿܢ: ܘܠܵܐ ܬܸܫ̱ܡܥܘܼܢ ܠܚܸܠܡܲܝ̈ܟ̇ܘܿܢ ܕܐܲܢ̄ܬ̇ܘܿܢ ܚܵܠܡܝܼܢ. [No book]
[9]ܡܸܛܠ ܕܫܘܼܩܪܵܐ ܗܸܢ̣ܘܿܢ ܡܸܬ̣ܢܲܒܹ̇ܝܢ ܠܟ݂ܘܿܢ ܒܫܸܡܝ: ܘܐܸܢܵܐ ܠܵܐ ܫܲـ̇ܕ̇ܪܹܬ̣ ܐܸܢܘܿܢ ܐܵܡܲ݁ܪ ܡܵܪܝܵܐ. [No book]
[10]ܡܸܛܠ ܕܗܵܟܲܢܵܐ ܐܵܡܲ݁ܪ ܡܵܪܝܵܐ: ܐܸܡܲܬ̣ܝ ܕܡܲܠ̈ܝܵܢ ܠܒ̣ܵܒܹܠ ܫܲܒ̣ܥܝܼܢ ܫܢܝܼ̈ܢ: ܐܸܦܪܘܿܩܟ݂ܘܿܢܘܐܲܩܝܼܡ ܥܠܲܝܟ̇ܘܿܢ ܦܸܬ̣ܓ̣ܵܡܹ̈ܐ ܛܵܒܹ̈ܐ: ܠܡܲܗܦܵܟ݂ܘܼܬ̣ܟ݂ܘܿܢ ܠܐܲܬ̣ܪܵܐ ܗܵܢܵܐ. [No book]
[11]ܡܸܛܠ ܕܐܸܢܵܐ ܝܵܕܲܥ ܐ̄ܢܵܐ ܡܲܚܫܲܒ̣ܬ̣ܵܐ ܕܡܵܬ̣ܚܲܫܲܒ̣ ܐ̄ܢܵܐ ܥܠܲܝܟ̇ܘܿܢ ܐܵܡܲ݁ܪ ܡܵܪܝܵܐ: ܡܲܚܫܲܒ̣ܬ̣ܵܐ ܕܲܫܠܵܡܵܐ ܘܠܵܐ ܕܒ̣ܝܼܫܬܵܐ: ܠܡܸܬܲܠ ܠܟ݂ܘܿܢ ܠܚܲܪܬ̣ܵܐ ܣܲܒ̣ܪܵܐ. [No book]
[12]ܘܬܸܩܪܘܿܢܵܢܝ ܘܲܬ̣ܨܲܠܘܿܢ ܩܕ݂ܵܡܲܝ. [No book]
[13]ܘܟܲܕ݂ ܬܸܒ̣ܥܘܿܢܵܢܝ ܡ̣ܢ ܟܠܹܗ ܠܸܒ̇ܟ݂ܘܿܢ: ܬܸܫܟ̇ܚܘܼܢܵܢܝ ܐܵܡܲ݁ܪ ܡܵܪܝܵܐ. [No book]
[14]ܘܐܲܗܦܸـܟ݂ ܫܒ̣ܝܼܬ̣ܟ݂ܘܿܢ: ܘܐܹܟܲܢܸܫܟ݂ܘܿܢ ܡ̣ܢ ܟܠܗܘܿܢ ܥܲܡܡܹ̈ܐ: ܘܡ̣ܢ ܟܠ ܬܲܖ̈ܥܵܬ̣ܵܐ ܕܒܲܕܲܪܬ̇ܟ݂ܘܿܢ ܠܬܲܡܵܐ ܐܵܡܲ݁ܪ ܡܵܪܝܵܐ: ܘܐܲܗܦܸܟ݂ܘܿܢ ܠܐܲܬ̣ܪܵܐ ܕܐܲܫܒ̇ܝܼܬ̇ܟ݂ܘܿܢ ܡ̣ܢ ܬܲܡܵܢ. [No book]
[15]ܡܸܛܠ ܕܐܸܡ݂ܲܪܬ̇ܘܿܢ ܕܐܲܩܝܼܡ ܠܲܢ ܡܵܪܝܵܐ ܢܒ̣ܝܹ̈ܐ ܒܒ̣ܵܒܹܠ. [No book]
[16]ܡܸܛܠ ܕܗܵܟܲܢܵܐ ܐܵܡܲ݁ܪ ܡܵܪܝܵܐ: ܥܲܠ ܡܲܠܟܵܐ ܕܝܵـ̇ܬܹܒ̣ ܥܲܠ ܟܘܼܪܣܝܹܗ ܕܕ݂ܵܘܝܼܕ݂: ܘܥܲܠ ܟܠܹܗ ܥܲܡܵܐ ܕܝܵـ̇ܬܹܒ̣ ܒܲܩܪܝܼܬ̣ܵܐ ܗܵܕܹܐ: ܐܲܚܲܝ̈ܟ̇ܘܿܢ ܐܲܝܠܹܝܢ ܕܠܵܐ ܢܦܲܩ̣ܘ ܥܲܡܟ݂ܘܿܢ ܒܲܫܒ̣ܝܼܬ̣ܵܐ. [No book]
[17]ܗܵܟܲܢܵܐ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ: ܗܵܐ ܡܫܲܕܲܪ ܐ̄ܢܵܐ ܥܠܲܝܗܘܿܢ ܚܲܪܒܵܐ: ܘܟܲܦܢܵܐ: ܘܡܲܘܬܵܢܵܐ: ܘܐܸܥܒܸ̇ܕ݂ ܐܸܢܘܿܢ ܐܲܝܟ݂ ܬܹܐܢܹ̈ܐ ܒܝܼ̈ܫܵܬ̣ܵܐ ܕܠܵܐ ܡܸܬ̣ܐܲܟ݂̈ܠܵܢ ܡ̣ܢ ܒܝܼܫܘܼܬ̣ܗܹܝܢ. [No book]
[18]ܘܐܸܪܕ̇ܘܿܦ ܒܵܬ̣ܲܪܗܘܿܢ ܒܚܲܪܒܵܐ: ܘܲܒ̣ܟܲܦܢܵܐ: ܘܲܒ̣ܡܵܘܬܵܢܵܐ: ܘܐܸܬܸ̇ܠ ܐܸܢܘܿܢܠܙܵܘܸܥܬ̣ܵܐ ܠܟ݂ܠܗܹܝܢ ܡܲܠ̈ܟ̇ܘܵܬ̣ܵܐ ܕܐܲܪܥܵܐ: ܠܬܸܡܗܵܐ ܘܲܠܠܵܘܛܬ̣ܵܐ: ܘܲܠܚܸܣܕܵܐ: ܘܲܠܡܲܫܪܘܿܩܝܼܬ̣ܵܐ: ܒܟ݂ܠܗܘܿܢ ܥܲܡܡܹ̈ܐ ܕܒܲܕܪܹܬ̣ ܐܸܢܘܿܢ ܠܬܲܡܵܢ [No book]
[19]ܥܲܠ ܕܠܵܐ ܫ̣ܡܲܥܘܦܸܬ̣ܓ̣ܵܡܲܝ̈: ܘܫܲـ̇ܕ̇ܪܹܬ̣ ܠܘܵܬ̣ܗܘܿܢ ܟܠܗܘܿܢ ܥܲܒ̣ܕܲܝ̈ ܢܒ̣ܝܹ̈ܐ: ܩܲܕ̇ܡܹ̇ܬ̣ ܘܫܲܕܪܹܬ̣: ܘܠܵܐ ܫ̣ܡܲܥܘ ܐܸܢܘܿܢ ܐܵܡܲ݁ܪ ܡܵܪܝܵܐ. [No book]
[20]ܘܐܲܢ̄ܬ̇ܘܿܢ ܫܡܲܥܘ ܦܸܬ̣ܓ̣ܵܡܹܗ ܕܡܵܪܝܵܐ ܟܠܵܗ ܫܒ̣ܝܼܬ̣ܵܐ ܕܐܸܫܬܲܒ̣ܝܲܬ̤ ܡ̣ܢ ܐܘܿܪܸܫܠܸܡ ܠܒ̣ܵܒܹܠ. [No book]
[21]ܗܵܟܲܢܵܐ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܥܲܠ ܐܵܚܵܒ̣ ܒܲܪ ܩܘܿܠܝܼܵܐ: ܘܥܲܠ ܨܹܕܲܩܝܵܐ ܒܲܪ ܡܥܲܣܝܵܐ: ܕܡܸܬ̣ܢܲܒܹ̇ܝܢ ܠܟ݂ܘܿܢ ܒܫܹܡܝ ܒܫܘܼܩܪܵܐ: ܗܵܐ ܡܲܫܠܸܡ ܐ̄ܢܵܐ ܠܗܘܿܢ ܒܐܝܕ݂ܵܐ ܕܲܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܘܲܢܩܲܛܸܠ ܐܸܢܘܿܢ ܒܚܲܪܒܵܐ ܠܥܹܢܲܝ̈ܟ̇ܘܿܢ. [No book]
[22]ܘܢܸܗܘܘܿܢ ܠܠܵܘܛܬܵܐ ܠܟ݂ܠܵܗ̇ ܫܒ̣ܝܼܬ̣ܵܐ ܕܲܝܗܘܼܕ݂ܵܐ ܕܲܒ̣ܒ̣ܵܒܹܠ: ܘܢܹܐܡܪܘܼܢ ܥܲـ̣ܒ̣ܕܲܟ݂ ܡܵܪܝܵܐ ܐܲܝܟ݂ ܨܹܕܲܩܝܵܐ ܘܐܲܝܟ݂ ܐܲܚܵܒ̣: ܕܛܲܓܸ̇ܢ ܐܸܢܘܿܢ ܡܲܠܟܵܐ ܕܒ̣ܵܒܹܠ ܒܢܘܼܪܵܐ. [No book]
[23]ܥܲܠ ܕܲܥܒܲܕ݂ܘ ܥܵܘ̣ܠܵܐ ܒܝܼܣܪܵܝܹܠ: ܘܓ̣ܵܪܘ ܢܸܫܲܝ̈ ܚܲܒ̣ܖ̈ܲܝܗܘܿܢ: ܘܡܲܠܸܠ̣ܘ ܦܸܬ̣ܓ̣ܵܡܹ̈ܐ ܒܫܹܡܝ ܒܫܘܼܩܪܵܐ ܕܠܵܐ ܦܲـ̇ܩܕܹܬ̣ ܐܸܢܘܿܢ: ܘܐܸܢܵܐ ܝܵܕܲܥ ܐ̄ܢܵܐ ܘܣܵـ̇ܗܹܕ݂ ܐ̄ܢܵܐ ܐܵܡܲ݁ܪ ܡܵܪܝܵܐ. [No book]
[24]ܘܲܫܡܲܥܝܵܐ ܢܲܚܡ̄ܠܵܝܵܐ ܐܸܡ݂ܲܪ. [No book]
[25]ܗܵܟܲܢܵܐ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܘܫܲܕܲܪ ܒܲܫܡܹܗ ܐܸܓܲܪܬܵܐ ܠܟ݂ܠܹܗ ܥܲܡܵܐ ܕܒ̣ܐܘܿܪܸܫܠܸܡ: ܘܠܲܨܦܲܢܝܵܐ ܒܲܪ ܡܥܲܣܝܵܐ ܟܵܗܢܵܐ: ܘܲܠܟ݂ܵܗܢܹ̈ܐ. [No book]
[26]ܡܵܪܝܵܐ ܐܲܩܝܼܡܵܟ݂ ܟܵܗܢܵܐ ܚܠܵܦ ܝܘܿܝܵܕ݂ܵܥ ܟܵܗܢܵܐ: ܕܬܸܗܘܸܐ ܦܵܩܘܿܕ݂ܵܐ ܒܒܲܝܬܹ̇ܗ ܕܡܵܪܝܵܐ: ܥܲܠ ܟܠ ܐ̄ܢܵܫ ܕܡܸܬ̣ܢܲܒܸ̇ܐ ܘܡܸܫܬܲܛܹܐ ܒܕܲܓܵܠܘܼܬ̣ܵܐ: ܘܬܲܪܡܹܝܘܗܝ ܒܹܝܬ̣ ܐܲܣܝܼܖܹ̈ܐ: ܘܒܲܚܒ̣ܘܼܫܝܵܐ. [No book]
[27]ܘܗܵܫܵܐ ܠܡܵܢܵܐ ܠܵܐ ܟܵܐܹ̇ܐ ܐܲܢ̄ܬ̇ ܒܐܹܪܲܡܝܵܐ ܕܡ̣ܢ ܥܢܵܬ̣ܘܿܬ̣ ܕܡܸܬ̣ܢܲܒܸ̇ܐ ܠܟ݂ܘܿܢ. [No book]
[28]ܡܸܛܠ ܕܗܵܐ ܫܵـ̇ܠܲܚ ܠܲܢ ܠܒ̣ܵܒܹܠ: ܕܢܘܼܓ̣ܪܵܐ ܗܵܘܹ̇ܝܢ ܐܲܢ̄ܬ̇ܘܿܢ ܬܲܡܵܢ: ܒܢܵܘ ܒܵـ̈ܬܹ̇ܐ ܘܬܸܒ̣ܘ: ܘܨܘܿܒ̣ܘ ܓܲܢܹ̈ܐ ܘܐܲܟ݂ܘܿܠܘ ܦܹܐܖ̈ܲܝܗܹܝܢ. [No book]
[29]ܘܲܩ̣ܪܵܐ ܨܦܲܢܝܵܐ ܟܵܗܢܵܐ ܐܸܓܲܪܬܵܐ ܗܵܕܹܐ ܒܐܸܕ݂ܢܵܘ̈ܗܝ ܕܐܹܪܲܡܝܵܐ ܢܒ̣ܝܼܵܐ. [No book]
[30]ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܐܹܪܲܡܝܵܐ ܢܒ̣ܝܼܵܐ ܠܡܹܐܡܲܪ. [No book]
[31]ܫܠܘܿܚ ܠܟ݂ܠܵܗ̇ ܫܒ̣ܝܼܬ̣ܵܐ: ܗܵܟܲܢܵܐ ܐܵܡܲ݁ܪ ܡܵܪܝܵܐ ܠܲܫܡܲܥܝܵܐ ܢܲܚܡ̄ܠܵܝܵܐ: ܥܲܠ ܕܐܸܬ̣ܢܲܒ̇ܝܼ ܠܟ݂ܘܿܢ ܫܡܲܥܝܵܐ ܡܸܕܸܡ ܕܐܸܢܵܐ ܠܵܐ ܫܲܕܲܪܬܹ̇ܗ: ܘܐܲܬ̣ܟܸ̇ܠܟ݂ܘܿܢ ܥܲܠ ܫܘܼܩܪܵܐ. [No book]
[32]ܡܸܛܠ ܗܵܢܵܐ ܗܵܟܲܢܵܐ ܐܵܡܲ݁ܪ ܡܵܪܝܵܐ: ܗܵܐ ܦܵܩܹܕ݂ ܐ̄ܢܵܐ ܥܲܠ ܫܡܲܥܝܵܐ ܢܲܚܡ̄ܠܵܝܵܐ: ܘܥܲܠ ܙܲܪܥܹܗ: ܕܠܵܐ ܢܸܗܘܸܐ ܠܹܗ ܓܒܲܪ ܕܝܵـ̇ܬܹܒ̣ ܒܓ̣ܵܘ ܥܲܡܵܐ ܗܵܢܵܐ: ܘܠܵܐ ܢܸܚܙܸܐ ܒܛܵܒ̣ܬ̣ܵܐ ܕܥܵܒܹܕ݂ ܐ̄ܢܵܐ ܠܥܲܡܝ ܐܵܡܲ݁ܪ ܡܵܪܝܵܐ: ܡܸܛܠ ܕܥܵܘ̣ܠܵܐ ܡܲܠܸܠ̣ ܥܲܠ ܡܵܪܝܵܐ. [No book]
Translation: Charles H. Hoole (1885)
Source: www.earlychristianwritings.com
Top