➖ »
«
➖ ➕
Aleppo Codex (~920)
Alep
Peshitta OT
PesOT
←
Jeremiah
Jer
46
→
[1]אשר היה דבר יהוה אל ירמיהו הנביא על הגוים [1]ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܐܹܪܲܡܝܵܐ ܢܒ̣ܝܼܵܐ: ܕܢܸܬ̣ܢܲܒܸ̇ܐ ܥܲܠ ܥܲܡܡܹ̈ܐ.
[2]למצרים על חיל פרעה נכו מלך מצרים אשר היה על נהר פרת בכרכמש־אשר הכה נבוכדראצר מלך בבל בשנת הרביעית ליהויקים בן יאשיהו מלך יהודה [2]ܘܥܲܠ ܡܸܨܪ̈ܵܝܹܐ: ܘܥܲܠ ܚܲܝܠܹܗ ܕܦܸܪܥܘܿܢ ܚܓ̣ܝܼܪܵܐ ܡܲܠܟܵܐ ܕܡܸܨܪܹܝܢ: ܕܫܪܸܐ ܗ̄ܘ̣ܵܐ ܥܲܠ ܢܲܗܪܵܐ ܦܪܵܬ̣ ܒܟܲܪܟ̇ܡܘܼܫ: ܕܲܩܛܲܥ̣ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܒܫܲܢ̄ܬܵܐ ܪܒ̣ܝܼܥܵܝܬܵܐ ܕܝܘܿܝܵܩܝܼܡ ܒܲܪ ܝܘܿܫܝܼܵܐ ܡܲܠܟܵܐ ܕܲܝܗܘܼܕ݂ܵܐ ܠܡܹܐܡܲܪ.
[3]ערכו מגן וצנה וגשו למלחמה [3]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܫܩܘܿܠܘ ܙܲܝܢܵܐ ܘܣܲܟ̇ܪܹ̈ܐ: ܘܲܩܪܘܿܒ̣ܘ ܠܲܩܪܵܒ̣ܵܐ.
[4]אסרו הסוסים ועלו הפרשים והתיצבו בכובעים מרקו הרמחים לבשו הסרינת [4]ܦܲܓ̣ܕ݂ܘ ܪ̈ܲܟ݂ܫܵܐ: ܐܲܪܟܸ̇ܒ̣ܘ ܦܲܪ̈ܵܫܹܐ: ܣܝܼܡܘ ܣܲܢ̱ܘܪ̈ܵܬ̣ܵܐ: ܡܪܘܿܩܘ ܪ̈ܘܼܡܚܹܐ: ܠܒܲܫܘ ܫܸܪ̈ܝܵܢܹܐ.
[5]מדוע ראיתי המה חתים נסגים אחור וגבוריהם יכתו ומנוס נסו ולא הפנו־מגור מסביב נאם יהוה [5]ܡܸܛܠ ܕܲܚܙܹ̇ܝܬ̇ ܕܗܸܢܘܿܢ ܡܸܬ̇ܬܲܒ̣ܪܝܼܢ ܘܗܵܦܟ̇ܝܼܢ ܠܒܸܣܬܲܪܗܘܿܢ: ܘܓܲܢ̄ܒܵܪ̈ܲܝܗܘܿܢ ܐܸܬ̣ܡܲܚܝܼܘ ܘܲܥܪܲܩ̣ܘ: ܘܠܵܐ ܐܸܬ̣ܦ̄ܢܝܼܘ: ܡܸܛܠ ܕܲܟ݂ܪܝܼܟ݂ܝܼܢ ܗ̄ܘ̣ܵܘ ܠܗܘܿܢ ܡ̣ܢ ܚܕ݂ܵܪܲܝܗܘܿܢ: ܐܵܡܲܪ ܡܵܪܝܵܐ.
[6]אל ינוס הקל ואל ימלט הגבור צפונה על יד נהר פרת כשלו ונפלו [6]ܠܵܐ ܢܸܥܪܘܿܩ ܐܲܝܢܵܐ ܕܩܲܠܝܼܠ: ܘܠܵܐ ܢܸܬ̣ܦܲܠܲܛ ܐܲܝܢܵܐ ܕܓܲܢ̄ܒܵܪ ܒܓܲܢ̄ܒܵܪܹ̈ܐ: ܥܲܠ ܝܲܕ݂ ܢܲܗܪܵܐ ܦܪܵܬ̣ ܐܸܬ̇ܬ̇ܩܸܠܘ ܘܲܢܦܲܠܘ ܟܠܗܘܿܢ.
[7]מי זה כיאר יעלה כנהרות יתגעשו מימיו [7]ܡܲܢܘܼ ܗܵܢܵܐ ܕܐܲܝܟ݂ ܢܲܗܪܵܐ ܣܵܠܹ̇ܩ: ܘܐܲܝܟ݂ ܢܲܗܪ̈ܵܘܵܬ̣ܵܐ ܡܸܬ̣ܪܲܓ̣ܫܝܼܢ ܡܵܘ̈ܗܝ.
[8]מצרים כיאר יעלה וכנהרות יתגעשו מים ויאמר אעלה אכסה ארץ אבידה עיר וישבי בה [8]ܡܲܠܟܵܐ ܕܡܸܨܪܹܝܢ ܐܲܝܟ݂ ܢܲܗܪܵܐ ܣܵܠܹ̇ܩ: ܘܐܲܝܟ݂ ܢܲܗܪ̈ܵܘܵܬ̣ܵܐ ܡܸܬ̣ܪܲܓ̣ܫܝܼܢ ܡܵܘ̈ܗܝ: ܘܐܵܡܲܪ ܐܹܣܲܩ ܘܐܹܟܲܣܸܐ ܠܐܲܪܥܵܐ: ܘܐܵܘܒܸ̇ܕ݂ ܩܪܝܼܬ̣ܵܐ ܘܥܵܡܘܿܪܹ̈ܝܗ̇.
[9]עלו הסוסים והתהללו הרכב ויצאו הגבורים־כוש ופוט תפשי מגן ולודים תפשי דרכי קשת [9]ܪܟܲܒ̣ܘ ܪ̈ܲܟ݂ܫܵܐ: ܐܸܫܬܲܒܲܚܘ ܒܡܲܪ̈ܟ̇ܒ̣ܵܬ̣ܵܐ: ܢܸܦܩܘܼܢ ܓܲܒ̣ܪܹ̈ܐ ܟܘܼ̈ܫܵܝܹܐ ܘܦܘܼܛܝܹ̈ܐ ܐܲܚܝܼܕܲܝ̈ ܣܲܟ̇ܪܹ̈ܐ: ܘܠܘܼ̈ܕܵܝܹܐ ܕܝܵܕ݂ܥܝܼܢ ܠܡܸܫܕܵܐ ܒܩܸܫܬܵܐ.
[10]והיום ההוא לאדני יהוה צבאות יום נקמה להנקם מצריו ואכלה חרב ושבעה ורותה מדמם כי זבח לאדני יהוה צבאות בארץ צפון־אל נהר פרת [10]ܘܢܸܗܘܹܐ ܝܵܘܡܵܐ ܗܵܘ̇ ܠܡܵܪܝܵܐ ܚܲܝܠܬ̣ܵܢܵܐ: ܝܵܘܡܵܐ ܕܦܘܼܪܥܵܢܵܐ ܕܦܵܪܲܥ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ: ܘܬܹܐܟ݂ܘܿܠ ܚܲܪܒܵܐ ܘܬܸܣܒܲܥ: ܘܬܸܪܘܸܐ ܡ̣ܢ ܕܸܡܗܘܿܢ: ܡܸܛܠ ܕܚܲܪܒܵܐ ܢܸܥܒܸ̇ܕ݂ ܡܵܪܝܵܐ ܚܲܝܠܬ̣ܵܢܵܐ ܒܐܲܪܥܵܐ ܕܓܲܪܒܝܵܐ ܥܲܠ ܢܲܗܪܵܐ ܦܪܵܬ̣.
[11]עלי גלעד וקחי צרי בתולת בת מצרים לשוא הרביתי [Q: הרבית] רפאות תעלה אין לך [11]ܣܲܩܝ ܠܓܸܠܥܵܕ݂ ܘܣܲܒ̣ܝ ܪ̈ܗܸܛܢܹܐ ܒܬ̣ܘܼܠܬܵܐ ܒܲܪܬ̣ ܡܸܨܪܹܝܢ: ܐܝܼܩܹܐ ܐܲܣܓ̇ܝܼܬ̇ܝ ܐܵܣܝܘܼܬ̣ܵܐ: ܘܥܘܼܕ݂ܪܵܢܵܐ ܠܵܐ ܗܘ̤ܵܐ ܠܹܟ݂ܝ.
[12]שמעו גוים קלונך וצוחתך מלאה הארץ כי גבור בגבור כשלו יחדיו נפלו שניהם [12]ܫܡܲܥܘ ܥܲܡܡܹ̈ܐ ܨܲܥܪܹܟ݂ܝ: ܘܝܼܠܠܬܹ̇ܟ݂ܝ ܐܸܬ̣ܡܲܠܝܲܬ̣ ܐܲܪܥܵܐ: ܡܸܛܠ ܕܓܲܒ̣ܪܵܐ ܒܓܲܒ̣ܪܵܐ ܐܸܬ̇ܛܪܝܼܘ: ܘܲܬ̣ܪ̈ܲܝܗܘܿܢ ܒܚܲܪܒܵܐ ܢܦܲܠܘ.
[13]הדבר אשר דבר יהוה אל ירמיהו הנביא־לבוא נבוכדראצר מלך בבל להכות את ארץ מצרים [13]ܦܸܬ̣ܓ̣ܵܡܵܐ ܕܐܸܡܲܪ ܡܵܪܝܵܐ ܠܐܹܪܲܡܝܵܐ ܢܒ̣ܝܼܵܐ: ܕܢܹܐܬܹܐ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ ܘܢܲܚ̱ܪܒ̣ܝܼܗ̇ ܠܐܲܪܥܵܐ ܕܡܸܨܪܹܝܢ.
[14]הגידו במצרים והשמיעו במגדול והשמיעו בנף ובתחפנחס אמרו התיצב והכן לך־כי אכלה חרב סביביך [14]ܚܵܘܵܘ ܒܡܸܨܪܹܝܢ ܘܐܲܫܡܲܥܘ ܒܡܲܓ̣ܕ̇ܘܿܠ: ܘܐܲܫܡܲܥܘ ܒܡܲܦܲܣ: ܘܲܒ̣ܬܲܚܦܝܼܣ ܐܸܡܲܪܘ: ܐܸܬ̇ܛܲܝܲܒ̣ܘ ܘܐܸܬ̇ܬܲܩܲܢܘ: ܡܸܛܠ ܕܐܸܟ݂ܠܲܬ̤ ܚܲܪܒܵܐ ܚܕ݂ܵܪ̈ܲܝܟ̇ܝ.
[15]מדוע נסחף אביריך לא עמד כי יהוה הדפו [15]ܡܸܛܠ ܡܵܢܵܐ ܐܸܣܬ̇ܚܸܦܘ ܥܲܫ̈ܝܼܢܲܝܟ̇ܝ ܘܲܢܦܲܠܘ ܘܠܵܐ ܩܵܡܘ: ܡܸܛܠ ܕܡܵܪܝܵܐ ܣܚܲܦ ܐܸܢܘܿܢ.
[16]הרבה כושל גם נפל איש אל רעהו ויאמרו קומה ונשבה אל עמנו ואל ארץ מולדתנו מפני חרב היונה [16]ܣܘܿܓ̣ܐܗܘܿܢ ܐܸܣܬ̇ܚܸܦܘ: ܐܵܦ ܢܦܲܠܘ ܓܲܒ̣ܪܵܐ ܥܲܠ ܚܲܒ̣ܪܹܗ ܘܐܸܡܲܪܘ: ܩܘܼܡܘ ܢܸܗܦܘܿܟ݂ ܠܥܲܡܲܢ ܘܠܲܐܪܥܵܐ ܕܐܸܬ̣̱ܝܼܠܸܕ݂ܢ ܒܵܗ̇: ܡ̣ܢ ܩܕ݂ܵܡ ܚܲܪܒܵܐ ܕܡܲܕ݂ܘ̱ܝܵܐ.
[17]קראו שם פרעה מלך מצרים שאון העביר המועד [17]ܘܲܩܪܵܘ ܬܲܡܵܢ ܫܡܹܗ ܕܦܸܪܥܘܿܢ ܚܓ̣ܝܼܪܵܐ ܡܲܠܟܵܐ ܕܡܸܨܪܹܝܢ: ܕܵܠܘܿܚܵܐ ܘܡܲܥܒܲܪ ܙܲܒ̣ܢܹ̈ܐ.
[18]חי אני נאם המלך־יהוה צבאות שמו כי כתבור בהרים וככרמל בים יבוא [18]ܚܲܝ ܐ̄ܢܵܐ ܐܵܡܲܪ ܡܵܪܝܵܐ ܡܲܠܟܵܐ ܨܒ̣ܐܘܼܬ̣ ܫܡܹܗ: ܐܸܠܵܐ ܢܸܦܸܠ ܦܸܪܥܘܿܢ ܐܲܝܟ݂ ܬܒ̣ܵܪܵܐ ܕܛܘܼܪܵܐ: ܘܐܲܝܟ݂ ܟܲܪܡ̄ܠܵܐ ܒܓ̣ܵܘ ܝܲܡܵܐ.
[19]כלי גולה עשי לך יושבת בת מצרים כי נף לשמה תהיה ונצתה מאין יושב [19]ܡܵܐܢܹ̈ܐ ܕܲܫܒ̣ܝܼܬ̣ܵܐ ܥܒܸܕ݂ܝ ܠܹܟ݂ܝ ܒܬ̣ܘܼܠܬܵܐ ܒܲܪܬ̣ ܡܸܨܪܹܝܢ: ܡܸܛܠ ܕܡܲܦܲܣ ܬܸܗܘܹܐ ܠܚܘܼܪܒܵܐ: ܘܬܸܨܕܹ̇ܐ ܡ̣ܢ ܒܠܲܝ ܕܝܵܬܹ̇ܒ̣.
[20]עגלה יפה פיה מצרים קרץ מצפון בא בא [20]ܡܸܨܪܹܝܢ ܥܓܸܠܬܵܐ ܫܲܦܝܼܪܬܵܐ ܡܨܲܝܲܪܬܵܐ: ܚܲܝܠܵܐ ܡ̣ܢ ܓܲܪܒ̇ܝܵܐ ܐܸܬ̣ܵܐ ܥܠܹܝܗ̇.
[21]גם שכריה בקרבה כעגלי מרבק כי גם המה הפנו נסו יחדיו לא עמדו כי יום אידם בא עליהם עת פקדתם [21]ܐܲܓ̣ܝܼܪܹ̈ܝܗ̇ ܒܓ̣ܵܘܵܗ̇ ܐܲܝܟ݂ ܥܸܓ̣̈ܠܹܐ ܕܦܸܛܡܵܐ: ܘܐܵܦ ܗܸܢܘܿܢ ܐܸܬ̣ܦ̄ܢܝܼܘ: ܘܲܥܪܲܩ̣ܘ ܐܲܟ݂ܚ̄ܕ݂ܵܐ ܘܠܵܐ ܩܵܡ̣ܘ: ܡܸܛܠ ܕܝܵܘܡܵܐ ܕܲܬ̣ܒ̣ܵܪܗܘܿܢ ܐܸܬ̣ܵܐ ܥܠܲܝܗܘܿܢ ܙܲܒ̣ܢܵܐ ܕܦܘܼܩܕܵܢܗܘܿܢ.
[22]קולה כנחש ילך כי בחיל ילכו־ובקרדמות באו לה כחטבי עצים [22]ܩܵܠܹܗ ܕܚܲܝܠܵܐ ܕܐܲܝܟ݂ ܚܸܘܝܵܐ ܕܪܵܫܹ̇ܦ: ܡܸܛܠ ܕܥܲܠ ܚܲܝܠܵܐ ܢܹܐܙܠ̄ܘܼܢ: ܘܲܒ̣ܟ݂ܘܼܠ̈ܒܹܐ ܢܹܐܬ̣ܘܿܢ ܥܠܹܝܗ̇ ܐܲܝܟ݂ ܦܵܣܩܲܝ̈ ܩܲܝ̈ܣܹܐ.
[23]כרתו יערה נאם יהוה כי לא יחקר כי רבו מארבה ואין להם מספר [23]ܦܣܘܿܩܘ ܥܵܒܹܝ̈ܗ̇ ܐܵܡܲܪ ܡܵܪܝܵܐ: ܡܸܛܠ ܕܣܵܟ݂ܵܐ ܠܲܝܬ̇ ܠܗܘܿܢ: ܡܸܛܠ ܕܣܲܓ̇ܝܼܐܝܼܢ ܡ̣ܢ ܩܲܡܨܵܐ ܘܠܲܝܬ̇ ܠܗܘܿܢ ܡܸܢܝܵܢ.
[24]הבישה בת מצרים נתנה ביד עם צפון [24]ܒܸܗܬܲܬ̤ ܒܲܪܬ̣ ܡܸܨܪܹܝܢ: ܘܐܸܫܬܲܠܡܲܬ̤ ܒܝܲܕ݂ ܥܲܡܵܐ ܕܓܲܪܒ̇ܝܵܐ.
[25]אמר יהוה צבאות אלהי ישראל הנני פוקד אל אמון מנא ועל פרעה ועל מצרים ועל אלהיה ועל מלכיה ועל פרעה־ועל הבטחים בו [25]ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܗܵܐ ܐܸܢܵܐ ܦܵܩܹ̇ܕ݂ ܐ̄ܢܵܐ ܥܲܠ ܐܲܡܘܿܢ ܕܡܲـ̈ـܝܵܐ: ܘܥܲܠ ܦܸܪܥܘܿܢ: ܘܥܲܠ ܡܸܨܪܹܝܢ: ܘܥܲܠ ܐܲܠܵܗܹܝ̈ܗ̇: ܘܥܲܠ ܚܲܝܠܵܗ̇: ܘܥܲܠ ܡܲܠܟ̇ܝ̈ܗ̇: ܘܥܲܠ ܦܸܪܥܘܿܢ ܘܥܲܠ ܟܠ ܕܲܬ̣ܟ݂ܝܼܠܝܼܢ ܥܠܵܘܗܝ.
[26]ונתתים ביד מבקשי נפשם וביד נבוכדראצר מלך בבל וביד עבדיו ואחרי כן תשכן כימי קדם נאם יהוה [26]ܘܐܲܫܠܸܡ ܐܸܢܘܿܢ ܒܐܝܼܕ݂ܵܐ ܕܲܒ̣ܥܸܠܕ̇ܒ̣ܵܒܲܝ̈ܗܘܿܢ: ܘܒ̣ܐܝܼܕ݂ܵܐ ܕܐܲܝܠܹܝܢ ܕܒ̣ܵܥܹܝܢ ܢܲܦ̮ܫܗܘܿܢ: ܘܒ̣ܐܝܼܕ݂ܵܐ ܕܲܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܘܒ̣ܐܝܼܕ݂ܵܐ ܕܥܵܒ̣ܕܵܘ̈ܗܝ: ܘܒ̣ܵܬܲܪܟܸ̇ܢ ܬܸܫܪܸܐ ܐܲܝܟ݂ ܝܵܘ̈ܡܵܬ̣ܵܐ ܕܡ̣ܢ ܩܕ݂ܝܼܡ: ܐܵܡܲܪ ܡܵܪܝܵܐ.
[27]ואתה אל תירא עבדי יעקב ואל תחת ישראל־כי הנני מושעך מרחוק ואת זרעך מארץ שבים ושב יעקוב ושקט ושאנן ואין מחריד [27]ܘܐܲܢ̄ܬ̇ ܠܵܐ ܬܸܕ݂ܚܲܠ ܥܲܒ̣ܕܲܝ ܝܲܥܩܘܿܒ̣ ܐܵܡܲܪ ܡܵܪܝܵܐ: ܘܠܵܐ ܬܸܬ̇ܒܲܪ ܝܼܣܪܵܝܹܠ: ܕܗܵܐ ܦܵܪܹܩ ܐ̄ܢܵܐ ܠܵܟ݂ ܡ̣ܢ ܪܘܼܚܩܵܐ: ܘܲܠܙܲܪܥܵܟ݂ ܡ̣ܢ ܐܲܪܥܵܐ ܕܲܫܒ̣ܝܼܬ̣ܗܘܿܢ: ܘܢܸܬܸ̇ܒ̣ ܝܲܥܩܘܿܒ̣ ܘܢܸܫܠܸܐ: ܘܢܸܫܟܲܬ̣ ܘܢܸܬ̇ܬ̇ܢܝܼܚ ܡܲܢ ܕܡܲܗܲܪ ܠܹܗ.
[28]אתה אל תירא עבדי יעקב נאם יהוה־כי אתך אני כי אעשה כלה בכל הגוים אשר הדחתיך שמה ואתך לא אעשה כלה ויסרתיך למשפט ונקה לא אנקך [28]ܘܐܲܢ̄ܬ̇ ܠܵܐ ܬܸܕ݂ܚܲܠ ܥܲܒ̣ܕܲܝ ܝܲܥܩܘܿܒ̣ ܐܵܡܲܪ ܡܵܪܝܵܐ: ܡܸܛܠ ܕܥܲܡܵܟ݂ ܐ̄ܢܵܐ: ܡܸܛܠ ܕܐܸܥܒܸ̇ܕ݂ ܣܵܘܦܵܢܵܐ ܒܟ݂ܠܗܘܿܢ ܥܲܡܡܹ̈ܐ ܕܒܲܕܲܪܬܵܟ݂ ܬܲܡܵܢ: ܘܠܵܟ݂ ܠܵܐ ܐܲܣܝܼܦ: ܘܐܸܪܕܸ̇ܝܟ݂ ܒܕ݂ܝܼܢܵܐ: ܘܲܡܙܲܟܵܝܘܼ ܠܵܐ ܐܹܙܲܟܹ̇ܝܟ݂.
Source: unbound.biola.edu
Top