|
|
| [1]Homo, natus de muliere, brevi vivens tempore, repletur multis miseriis. |
[No book] |
| [2]Qui quasi flos egreditur et conteritur, et fugit velut umbra, et numquam in eodem statu permanet. |
[No book] |
| [3]Et dignum ducis super hujuscemodi aperire oculos tuos, et adducere eum tecum in judicium? |
[No book] |
| [4]Quis potest facere mundum de immundo conceptum semine? nonne tu qui solus es? |
[No book] |
| [5]Breves dies hominis sunt: numerus mensium ejus apud te est: constituisti terminos ejus, qui præteriri non poterunt. |
[No book] |
| [6]Recede paululum ab eo, ut quiescat, donec optata veniat, sicut mercenarii, dies ejus. |
[No book] |
| [7]Lignum habet spem: si præcisum fuerit, rursum virescit, et rami ejus pullulant. |
[No book] |
| [8]Si senuerit in terra radix ejus, et in pulvere emortuus fuerit truncus illius, |
[No book] |
| [9]ad odorem aquæ germinabit, et faciet comam, quasi cum primum plantatum est. |
[No book] |
| [10]Homo vero cum mortuus fuerit, et nudatus, atque consumptus, ubi, quæso, est? |
[No book] |
| [11]Quomodo si recedant aquæ de mari, et fluvius vacuefactus arescat: |
[No book] |
| [12]sic homo, cum dormierit, non resurget, donec atteratur cælum, non evigilabit, nec consurget de somno suo. |
[No book] |
| [13]Quis mihi hoc tribuat, ut in inferno protegas me, et abscondas me, donec pertranseat furor tuus, et constituas mihi tempus in quo recorderis mei? |
[No book] |
| [14]Putasne, mortuus homo rursum vivat? cunctis diebus quibus nunc milito, expecto donec veniat immutatio mea. |
[No book] |
| [15]Vocabis me, et ego respondebo tibi: operi manuum tuarum porriges dexteram. |
[No book] |
| [16]Tu quidem gressus meos dinumerasti, sed parce peccatis meis. |
[No book] |
| [17]Signasti quasi in sacculo delicta mea, sed curasti iniquitatem meam. |
[No book] |
| [18]Mons cadens defluit, et saxum transfertur de loco suo: |
[No book] |
| [19]lapides excavant aquæ, et alluvione paulatim terra consumitur: et hominem ergo similiter perdes. |
[No book] |
| [20]Roborasti eum paululum, ut in perpetuum transiret: immutabis faciem ejus, et emittes eum. |
[No book] |
| [21]Sive nobiles fuerint filii ejus, sive ignobiles, non intelliget. |
[No book] |
| [22]Attamen caro ejus, dum vivet, dolebit, et anima illius super semetipso lugebit. |
[No book] |