|
|
| [1]Audi igitur, Job, eloquia mea, et omnes sermones meos ausculta. |
[No book] |
| [2]Ecce aperui os meum: loquatur lingua mea in faucibus meis. |
[No book] |
| [3]Simplici corde meo sermones mei, et sententiam puram labia mea loquentur. |
[No book] |
| [4]Spiritus Dei fecit me, et spiraculum Omnipotentis vivificavit me. |
[No book] |
| [5]Si potes, responde mihi, et adversus faciem meam consiste. |
[No book] |
| [6]Ecce, et me sicut et te fecit Deus, et de eodem luto ego quoque formatus sum. |
[No book] |
| [7]Verumtamen miraculum meum non te terreat, et eloquentia mea non sit tibi gravis. |
[No book] |
| [8]Dixisti ergo in auribus meis, et vocem verborum tuorum audivi: |
[No book] |
| [9]Mundus sum ego, et absque delicto immaculatus, et non est iniquitas in me. |
[No book] |
| [10]Quia querelas in me reperit, ideo arbitratus est me inimicum sibi. |
[No book] |
| [11]Posuit in nervo pedes meos; custodivit omnes semitas meas. |
[No book] |
| [12]Hoc est ergo in quo non es justificatus. Respondebo tibi, quia major sit Deus homine. |
[No book] |
| [13]Adversus eum contendis, quod non ad omnia verba responderit tibi? |
[No book] |
| [14]Semel loquitur Deus, et secundo idipsum non repetit. |
[No book] |
| [15]Per somnium, in visione nocturna, quando irruit sopor super homines, et dormiunt in lectulo, |
[No book] |
| [16]tunc aperit aures virorum, et erudiens eos instruit disciplina, |
[No book] |
| [17]ut avertat hominem ab his quæ facit, et liberet eum de superbia, |
[No book] |
| [18]eruens animam ejus a corruptione, et vitam illius, ut non transeat in gladium. |
[No book] |
| [19]Increpat quoque per dolorem in lectulo, et omnia ossa ejus marcescere facit. |
[No book] |
| [20]Abominabilis ei fit in vita sua panis, et animæ illius cibus ante desiderabilis. |
[No book] |
| [21]Tabescet caro ejus, et ossa, quæ tecta fuerant, nudabuntur. |
[No book] |
| [22]Appropinquavit corruptioni anima ejus, et vita illius mortiferis. |
[No book] |
| [23]Si fuerit pro eo angelus loquens, unus de millibus, ut annuntiet hominis æquitatem, |
[No book] |
| [24]miserebitur ejus, et dicet: Libera eum, ut non descendat in corruptionem: inveni in quo ei propitier. |
[No book] |
| [25]Consumpta est caro ejus a suppliciis: revertatur ad dies adolescentiæ suæ. |
[No book] |
| [26]Deprecabitur Deum, et placabilis ei erit: et videbit faciem ejus in jubilo, et reddet homini justitiam suam. |
[No book] |
| [27]Respiciet homines, et dicet: Peccavi: et vere deliqui, et ut eram dignus non recepi. |
[No book] |
| [28]Liberavit animam suam, ne pergeret in interitum, sed vivens lucem videret. |
[No book] |
| [29]Ecce hæc omnia operatur Deus tribus vicibus per singulos, |
[No book] |
| [30]ut revocet animas eorum a corruptione, et illuminet luce viventium. |
[No book] |
| [31]Attende, Job, et audi me: et tace, dum loquor. |
[No book] |
| [32]Si autem habes quod loquaris, responde mihi: loquere, volo enim te apparere justum. |
[No book] |
| [33]Quod si non habes, audi me: tace, et docebo te sapientiam. |
[No book] |