|
|
| [1]ܘܲܥ̣ܢܵܐ ܐܹܠܝܼܗܘܿ ܘܐܸܡ̣ܲܪ. |
[No book] |
| [2]ܫܡܲܥܘ ܚܲܟ̇ܝܼ̈ܡܹܐ ܡܸـ̈ـܠܲܝ. ܘܐܲܝܠܹܝܢ ܕܝܵܕ݂ܥܝܼܢ: ܨܘܼܬ̣ܘܼܢܵܢܝ. |
[No book] |
| [3]ܡܸܛܠ ܕܐܸܕ݂ܢܵܐ ܒܵܚ̇ܪܵܐ ܡܸܠܹ̈ܐ. ܘܚܸܟܵܐ ܛܵܥܹ̇ܡ ܡܹܐܟ݂ܘܼܠܬܵܐ. |
[No book] |
| [4]ܢܸܓ̣ܒܹ̇ܐ ܠܲܢ ܕܲܝܵܢܵܐ: ܘܢܸܕܲܥ ܒܲܝܢܵܬܲܢ: ܡܵܢܵܐ ܫܲܦܝܼܪ. |
[No book] |
| [5]ܐܸܡ̣ܲܪܬ̇ ܐܝܼܘܿܒ̣ ܘܲܙܟܲܝܸܬ̇. ܕܐܸܡܲܪܬ̇ ܐܸܙܕܲܕ̇ܩܹ̇ܬ̣: ܘܐܲܠܵܗܵܐ ܗ̄ܘܼ ܨܠܵܝܗܝ ܠܕ݂ܝܼܢܝ ܥܠܲܝ. |
[No book] |
| [6]ܡܲܢ̣ܘܼ ܐ̄ܢܵܫܵܐ ܕܐܸܒܲܕ݂ ܕܠܵܐ ܣܲܟ݂ܠܘܼ. |
[No book] |
| [7]ܡܲܢ̣ܘܼ ܓܲܒ̣ܪܵܐ ܐܲܝܟ݂ ܐܝܼܘܿܒ̣: ܕܢܸܫܬܸ̇ܐ ܡܘܼܝܵܩܵܐ ܐܲܝܟ݂ ܡܲـ̈ـܝܵܐ. |
[No book] |
| [8]ܘܲܗܘ̤ܵܐ ܫܵܘܬܵܦܵܐ ܘܚܲܒ̣ܪܵܐ ܠܥܵܒ̣̇ܕܲܝ̈ ܥܵܘܼܠܵܐ: ܥܲܡ ܐ̄ܢܵܫܵܐ ܚܲܛܵܝܹ̈ܐ ܠܲܡܗܲܠܵܟ݂ܘܼ. |
[No book] |
| [9]ܕܐܸܡ̣ܲܪܬ̇: ܕܠܵܐ ܙܵܟܹ̇ܐ ܓܲܒ̣ܪܵܐ ܡܵܐ ܕܕ݂ܵܚܹ̇ܠ ܡ̣ܢ ܐܲܠܵܗܵܐ. |
[No book] |
| [10]ܡܸܛܠ ܗܵܢܵܐ ܐ̄ܢܵܫܲܝ̈ ܠܸܒܵܐ ܫܘܼܡܥܘܼܢܝ. ܚܵܣ ܠܐܲܠܵܗܵܐ ܕܢܸܥܒܸ̇ܕ݂ ܥܵܘܼܠܵܐ. ܘܚܵܣ ܠܹܗ ܕܢܸܥܒܸ̇ܕ݂ ܚܛܝܼܬ̣ܵܐ. |
[No book] |
| [11]ܡܸܛܠ ܕܐܲܝܟ݂ ܥܒ̣ܵܕ݂ܵܘ̈ܗܝ ܕܒܲܪܢܵܫܵܐ ܦܵܪܲܥ ܠܹܗ. ܘܓܲܒ̣ܪܵܐ ܐܲܝܟ݂ ܐܘܼܪ̈ܚܵܬܹܗ ܡܸܫܟܲܚ. |
[No book] |
| [12]ܫܲܪܝܼܪܵܐܝܼܬ̣ ܐܲܠܵܗܵܐ ܠܵܐ ܥܵܒܹ̇ܕ݂ ܥܵܘܼܠܵܐ. ܘܐܵܦܠܵܐ ܐܲܠܵܗܵܐ ܡܥܲܪܩܸܠ ܐܘܼܪܚܵܐ. |
[No book] |
| [13]ܡܲܢ̣ܘܼ ܦ̣ܩܲܕ݂ ܠܐܲܪܥܵܐ. ܘܡܲܢ̣ܘܼ ܥ̣ܒܲܕ݂ ܠܟ݂ܠܵܗ̇ ܬܹܒܹܝܠ. |
[No book] |
| [14]ܐܸܢ ܡܲܦܢܹܐ ܥ̇ܠܵܘܗܝ ܠܸܒܹ̇ܗ: ܪܘܼܚܹܗ ܘܲܢܫܲܡܬܹܗ ܠܘܵܬܹܗ ܡܸܬ̣ܟܲܢ̈ܫܵܢ. |
[No book] |
| [15]ܣܵܐܹ̇ܦ ܟܠ ܒܣܲܪ ܐܲܟ݂ܚ̄ܕ݂ܵܐ. ܘܒܲܪܢܵܫܵܐ ܠܥܲܦܪܵܐ ܗܵܦܹ̇ܟ݂. |
[No book] |
| [16]ܘܐܸܢ ܡܸܬ̣ܒܲܝܲܢ ܐܲܢ̄ܬ̇: ܫܡܲܥ ܗܵܠܹܝܢ. ܘܨܘܼܬ̣ ܠܩܵܠܵܐ ܕܡܸـ̈ـܠܲܝ. |
[No book] |
| [17]ܡ̇ܢ ܕܣܵܢܹ̇ܐ ܕܝܼܢܵܐ: ܙܵܟܹ̇ܐ. ܘܐܸܢ ܙܲܟܵܝ ܗ̄ܘܼ: ܠܵܐ ܟܹܐܢܵܐܝܼܬ̣ ܡܸܬ̣ܚܲܝܲܒ̣. |
[No book] |
| [18]ܕܐܸܡ̣ܲܪ ܥܲܠ ܡܲܠܟܵܐ ܥܵܘܼܠܵܐ: ܡܠܸܟ݂ ܪܹ̈ܫܵܢܹܐ ܡܠܸܟ݂ ܫܲܠܝܼܛܵܢܹ̈ܐ. |
[No book] |
| [19]ܕܠܵܐ ܢܵܣܹ̇ܒ̣ ܒܐܲܦܲܝ̈ ܪܵܘ̱ܪ̈ܒ̣ܵܢܹܐ. ܘܠܵܐ ܢܵܣܹ̇ܒ̣ ܒܐܲܦܲܝ̈ ܡܸܣܟܹ̇ܢܹ̈ܐ: ܡܸܛܠ ܕܟ݂ܠܗܘܿܢ ܥ̇ܒ̣ܵܕ݂ ܐܝܼܕ݂ܵܘ̈ܗܝ ܐܸܢܘܿܢ. |
[No book] |
| [20]ܡ̣ܢ ܬܚܹܝܬ̣ ܫܸܠܝܵܐ ܡܵܝ̇ܬ̇ܝܼܢ. ܘܲܒ̣ܦܸܠܓܹ̇ܗ ܕܠܸܠܝܵܐ ܣܵܝ̇ܦܝܼܢ ܘܐܵܒ̣̇ܕ̇ܝܼܢ. ܘܡܸܫܬܵܘܕ̇ܥܝܼܢ ܠܚܲܣܝܼܢܵܐ: ܠܵܐ ܒܚܲܝܠܵܐ. |
[No book] |
| [21]ܡܸܛܠ ܕܥܲܝܢܵܘ̈ܗܝ ܥܲܠ ܟܠܗܹܝܢ ܐܘܼܪ̈ܚܵܬܹܗ ܕܓܲܒ̣ܪܵܐ. ܘܟ݂ܠܗܹܝܢ ܗܲܠܟ݂ܵܬܹ̈ܗ ܚܵܙܹ̇ܐ. |
[No book] |
| [22]ܕܠܵܐ ܚܸܫܘܿܟ݂ܵܐ ܘܲܕ݂ܠܵܐ ܛܲܠܵܠܲܝ̈ ܡܵܘܬܵܐ: ܠܡܸܬ̇ܛܲܫܵܝܘܼ ܬܲܡܵܢ ܥܵܒ̣ܕܲܝ̈ ܥܵܘܼܠܵܐ. |
[No book] |
| [23]ܡܸܛܠ ܕܬ̣ܘܼܒ̣ ܠܵܐ ܗ̄ܘܼܵܐ ܥܲܠ ܓܲܒ̣ܪܵܐ ܣܵܐܹ̇ܡ ܠܲܡܗܲܠܵܟ݂ܘܼ ܥܲܡ ܐܲܠܵܗܵܐ ܒܕ݂ܝܼܢܵܐ. |
[No book] |
| [24]ܕܐܲܒ̣ܐܸܫ ܠܣܲܓ̇ܝܼ̈ܐܹܐ ܕܠܵܐ ܣܵܟ݂: ܘܲܢܩܝܼܡ ܐܲܟ݂ܚ̄ܕ݂ܵܐ ܚܠܵܦܲܝܗܘܿܢ. |
[No book] |
| [25]ܡܸܛܠ ܗܵܢܵܐ ܐܸܫܬܵܘܕܲܥ ܐܸܢܘܿܢ ܡ̣ܢ ܥܒ̣ܵܕܲܝ̈ܗܘܿܢ. ܘܢܲܗܦܸܟ݂ ܐܸܢܘܿܢ ܠܠܸܝܵܐ. |
[No book] |
| [26]ܘܢܸܬ̣ܡܲܟ̇ܟ݂ܘܿܢ ܬܚܹܝܬ̣ ܥܵܘܼܠܵܐ ܥܒ̣ܵܕܲܝ̈ܗܘܿܢ ܒܐܲܬ̣ܪܵܐ ܕܚܝܼܠܵܐ. |
[No book] |
| [27]ܥܲܠ ܕܲܣ̣ܛܵܘ ܡ̣ܢ ܒܵܬܪܹܗ. ܘܟ݂ܠܗܹܝܢ ܐܘܼܪ̈ܚܵܬܹܗ ܠܵܐ ܐܸܣܬܲܟܲܠܘ. |
[No book] |
| [28]ܥܵܐ̇ܠܵܐ ܩܕ݂ܵܡܵܘܗܝ ܨܠܘܿܬܹܗ ܕܡܸܣܟܹ̇ܢܵܐ. ܘܲܓ̣ܥܵܬܹܗ ܕܥܲܢܘܵܝܵܐ ܫܵܡܲܥ. |
[No book] |
| [29]ܘܐܸܢ ܗ̤ܘ ܫܵܒܹ̇ܩ: ܡܲܢ̣ܘܼ ܡܚܲܝܸܒ݂. ܘܐܸܢ ܗ̤ܘ ܡܲܗܦܸܟ݂ ܐܲܦܵܘ̈ܗܝ: ܡܲܢ̣ܘܼ ܫܵܒܹ̇ܩ ܠܥܲܡܵܐ: ܐܵܘ ܠܒܲܪܢܵܫܵܐ ܐܲܟ݂ܚ̄ܕ݂ܵܐ. |
[No book] |
| [30]ܕܠܵܐ ܐܲܡܠܸܟ݂ ܐ̄ܢܵܫܵܐ ܚܲܠܦܵܐ ܘܚܲܛܵܝܵܐ ܠܥܲܡܵܐ. |
[No book] |
| [31]ܡܸܛܠ ܕܐܲܠܵܗܵܐ ܐܸܡ̣ܲܪ: ܕܫܸܒ̣ܩܹ̇ܬ̣: ܠܵܐ ܡܚܲܒܸ̇ܠ ܐ̄ܢܵܐ ܕܠܵܐ ܚܛܵܗ̈ܝܼܢ. |
[No book] |
| [32]ܐܲܠܸܦܲܝܢܝ ܐܲܢ̄ܬ̇ ܐܸܢ ܥܸܒܲܕ̇ܬ̇ ܥܵܘܼܠܵܐ. |
[No book] |
| [33]ܬܘܼܒ̣ ܠܵܐ ܐܵܘܣܸܦ ܠܡܸܬܲܠ ܠܵܟ݂ ܦܸܬ̣ܓ̣ܵܡܵܐ ܥܲܠ ܕܲܚ̣ܛܲܝܬ̇. ܐܲܢ̄ܬ̇ ܓܹܝܪ ܐܸܬ̣ܒܲܩ̣ܝܼܬ̇ ܘܠܵܐ ܐܸܢܵܐ. ܘܡܸܕܹ̇ܡ ܕܝܵܕܲܥ ܐܲܢ̄ܬ̇: ܡܲܠܸܠ. |
[No book] |
| [34]ܐ̄ܢܵܫܵܐ ܕܠܸܒܵܐ ܢܸܐܡܪܘܿܢ ܠܝܼ ܘܓܲܒ̣ܪܵܐ ܚܲܟ̇ܝܼܡܵܐ ܢܸܫ̱ܡܥܲܢܝ. |
[No book] |
| [35]ܐܝܼܘܿܒ̣ ܠܵܐ ܗ̄ܘܼܵܐ ܒܝܲܕ݂ܥܬ̣ܵܐ ܡܡܲܠܸܠ ܘܡܸܠܵܘ̈ܗܝ ܠܵܐ ܗ̤ܘܲܝ̈ ܒܣܘܼܟܵܠܵܐ. |
[No book] |
| [36]ܫܲܪܝܼܪܵܐܝܼܬ̣ ܐܸܬ̣ܒܲܚܲܪ ܐܝܼܘܿܒ݂ ܥܲܕ݂ ܣܵܘܦܵܐ. ܘܠܵܐ ܡܸܬ̣ܚܲܫܲܒ̣ ܒܐ̄ܢܵܫܵܐ ܥܵܘܵܠܹ̈ܐ. |
[No book] |
| [37]ܘܐܸܢ ܡܵܘܣܸܦ ܥܲܠ ܚܛܵܗܵܘ̈ܗܝ: ܣܲܟ݂ܠܘܼܬ̣ܵܐ ܒܲܝܢܵܬܲܢ ܡܸܬ̣ܦܲܩܕܵܐ. ܘܲܢܩܲܪܸܒ̣ ܩܕܵܡ ܐܲܠܵܗܵܐ ܡܸܠܵܘ̈ܗܝ. |
[No book] |