➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Job
Job
37
→
[1]אף־לזאת יחרד לבי ויתר ממקומו [No book]
[2]שמעו שמוע ברגז קלו והגה מפיו יצא [No book]
[3]תחת־כל־השמים ישרהו ואורו על־כנפות הארץ [No book]
[4]אחריו ישאג־קול ירעם בקול גאונו ולא יעקבם כי־ישמע קולו [No book]
[5]ירעם אל בקולו נפלאות עשה גדלות ולא נדע [No book]
[6]כי לשלג יאמר הוא־ארץ וגשם מטר וגשם מטרות עזו [No book]
[7]ביד־כל־אדם יחתום לדעת כל־אנשי מעשהו [No book]
[8]ותבוא חיה במו־ארב ובמעונתיה תשכן [No book]
[9]מן־החדר תבוא סופה וממזרים קרה [No book]
[10]מנשמת־אל יתן־קרח ורחב מים במוצק [No book]
[11]אף־ברי יטריח עב יפיץ ענן אורו [No book]
[12]והוא מסבות מתהפך בתחבולתו לפעלם כל אשר יצום על־פני תבל ארצה [No book]
[13]אם־לשבט אם־לארצו אם־לחסד ימצאהו [No book]
[14]האזינה זאת איוב עמד והתבונן נפלאות אל [No book]
[15]התדע בשום־אלוה עליהם והפיע אור עננו [No book]
[16]התדע על־מפלשי־עב מפלאות תמים דעים [No book]
[17]אשר־בגדיך חמים בהשקט ארץ מדרום [No book]
[18]תרקיע עמו לשחקים חזקים כראי מוצק [No book]
[19]הודיענו מה־נאמר לו לא־נערך מפני־חשך [No book]
[20]היספר־לו כי אדבר אם־אמר איש כי יבלע [No book]
[21]ועתה לא ראו אור בהיר הוא בשחקים ורוח עברה ותטהרם [No book]
[22]מצפון זהב יאתה על־אלוה נורא הוד [No book]
[23]שדי לא־מצאנהו שגיא־כח ומשפט ורב־צדקה לא יענה [No book]
[24]לכן יראוהו אנשים לא־יראה כל־חכמי־לב [No book]
Source: unbound.biola.edu
Top