➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Job
Job
38
→
[1]ויען־יהוה את־איוב מנהסערה [Q: מן הסערה] ויאמר [No book]
[2]מי זה מחשיך עצה במלין בלי־דעת [No book]
[3]אזר־נא כגבר חלציך ואשאלך והודיעני [No book]
[4]איפה היית ביסדי־ארץ הגד אם־ידעת בינה [No book]
[5]מי־שם ממדיה כי תדע או מי־נטה עליה קו [No book]
[6]על־מה אדניה הטבעו או מי־ירה אבן פנתה [No book]
[7]ברן־יחד כוכבי בקר ויריעו כל־בני אלהים [No book]
[8]ויסך בדלתים ים בגיחו מרחם יצא [No book]
[9]בשומי ענן לבשו וערפל חתלתו [No book]
[10]ואשבר עליו חקי ואשים בריח ודלתים [No book]
[11]ואמר־עד־פה תבוא ולא תסיף ופא־ישית בגאון גליך [No book]
[12]המימיך צוית בקר ידעתה שחר [Q: ידעת השחר] מקמו [No book]
[13]לאחז בכנפות הארץ וינערו רשעים ממנה [No book]
[14]תתהפך כחמר חותם ויתיצבו כמו לבוש [No book]
[15]וימנע מרשעים אורם וזרוע רמה תשבר [No book]
[16]הבאת עד־נבכי־ים ובחקר תהום התהלכת [No book]
[17]הנגלו לך שערי־מות ושערי צלמות תראה [No book]
[18]התבננת עד־רחבי־ארץ הגד אם־ידעת כלה [No book]
[19]אי־זה הדרך ישכן־אור וחשך אי־זה מקמו [No book]
[20]כי תקחנו אל־גבולו וכי־תבין נתיבות ביתו [No book]
[21]ידעת כי־אז תולד ומספר ימיך רבים [No book]
[22]הבאת אל־אצרות שלג ואוצרות ברד תראה [No book]
[23]אשר־חשכתי לעת־צר ליום קרב ומלחמה [No book]
[24]אי־זה הדרך יחלק אור יפץ קדים עלי־ארץ [No book]
[25]מי־פלג לשטף תעלה ודרך לחזיז קלות [No book]
[26]להמטיר על־ארץ לא־איש מדבר לא־אדם בו [No book]
[27]להשביע שאה ומשאה ולהצמיח מצא דשא [No book]
[28]היש־למטר אב או מי־הוליד אגלי־טל [No book]
[29]מבטן מי יצא הקרח וכפר שמים מי ילדו [No book]
[30]כאבן מים יתחבאו ופני תהום יתלכדו [No book]
[31]התקשר מעדנות כימה או־משכות כסיל תפתח [No book]
[32]התציא מזרות בעתו ועיש על־בניה תנחם [No book]
[33]הידעת חקות שמים אם־תשים משטרו בארץ [No book]
[34]התרים לעב קולך ושפעת־מים תכסך [No book]
[35]התשלח ברקים וילכו ויאמרו לך הננו [No book]
[36]מי־שת בטחות חכמה או מי־נתן לשכוי בינה [No book]
[37]מי־יספר שחקים בחכמה ונבלי שמים מי ישכיב [No book]
[38]בצקת עפר למוצק ורגבים ידבקו [No book]
[39]התצוד ללביא טרף וחית כפירים תמלא [No book]
[40]כי־ישחו במעונות ישבו בסכה למו־ארב [No book]
[41]מי יכין לערב צידו כי־ילדו אל־אל ישועו יתעו לבלי־אכל [No book]
Source: unbound.biola.edu
Top