|
|
| [1]Super hoc expavit cor meum, et emotum est de loco suo. |
[No book] |
| [2]Audite auditionem in terrore vocis ejus, et sonum de ore illius procedentem. |
[No book] |
| [3]Subter omnes cælos ipse considerat, et lumen illius super terminos terræ. |
[No book] |
| [4]Post eum rugiet sonitus, tonabit voce magnitudinis suæ: et non investigabitur, cum audita fuerit vox ejus. |
[No book] |
| [5]Tonabit Deus in voce sua mirabiliter, qui facit magna et inscrutabilia, |
[No book] |
| [6]qui præcipit nivi ut descendat in terram, et hiemis pluviis, et imbri fortitudinis suæ: |
[No book] |
| [7]qui in manu omnium hominum signat, ut noverint singuli opera sua. |
[No book] |
| [8]Ingredietur bestia latibulum, et in antro suo morabitur. |
[No book] |
| [9]Ab interioribus egredietur tempestas, et ab Arcturo frigus. |
[No book] |
| [10]Flante Deo, concrescit gelu, et rursum latissimæ funduntur aquæ. |
[No book] |
| [11]Frumentum desiderat nubes, et nubes spargunt lumen suum. |
[No book] |
| [12]Quæ lustrant per circuitum, quocumque eas voluntas gubernantis duxerit, ad omne quod præceperit illis super faciem orbis terrarum: |
[No book] |
| [13]sive in una tribu, sive in terra sua, sive in quocumque loco misericordiæ suæ eas jusserit inveniri. |
[No book] |
| [14]Ausculta hæc, Job: sta, et considera mirabilia Dei. |
[No book] |
| [15]Numquid scis quando præceperit Deus pluviis, ut ostenderent lucem nubium ejus? |
[No book] |
| [16]Numquid nosti semitas nubium magnas, et perfectas scientias? |
[No book] |
| [17]Nonne vestimenta tua calida sunt, cum perflata fuerit terra austro? |
[No book] |
| [18]Tu forsitan cum eo fabricatus es cælos, qui solidissimi quasi ære fusi sunt. |
[No book] |
| [19]Ostende nobis quid dicamus illi: nos quippe involvimur tenebris. |
[No book] |
| [20]Quis narrabit ei quæ loquor? etiam si locutus fuerit homo, devorabitur. |
[No book] |
| [21]At nunc non vident lucem: subito aër cogetur in nubes, et ventus transiens fugabit eas. |
[No book] |
| [22]Ab aquilone aurum venit, et ad Deum formidolosa laudatio. |
[No book] |
| [23]Digne eum invenire non possumus: magnus fortitudine, et judicio, et justitia: et enarrari non potest. |
[No book] |
| [24]Ideo timebunt eum viri, et non audebunt contemplari omnes qui sibi videntur esse sapientes. |
[No book] |