|
|
| [No book] |
[1]Respondens autem Dominus Job de turbine, dixit: |
| [No book] |
[2]Accinge sicut vir lumbos tuos: interrogabo te, et indica mihi. |
| [No book] |
[3]Numquid irritum facies judicium meum, et condemnabis me, ut te justificeris? |
| [No book] |
[4]Et si habes brachium sicut Deus? et si voce simili tonas? |
| [No book] |
[5]Circumda tibi decorem, et in sublime erigere, et esto gloriosus, et speciosis induere vestibus. |
| [No book] |
[6]Disperge superbos in furore tuo, et respiciens omnem arrogantem humilia. |
| [No book] |
[7]Respice cunctos superbos, et confunde eos, et contere impios in loco suo. |
| [No book] |
[8]Absconde eos in pulvere simul, et facies eorum demerge in foveam. |
| [No book] |
[9]Et ego confitebor quod salvare te possit dextera tua. |
| [No book] |
[10]Ecce behemoth quem feci tecum, fœnum quasi bos comedet. |
| [No book] |
[11]Fortitudo ejus in lumbis ejus, et virtus illius in umbilico ventris ejus. |
| [No book] |
[12]Stringit caudam suam quasi cedrum: nervi testiculorum ejus perplexi sunt. |
| [No book] |
[13]Ossa ejus velut fistulæ æris, cartilago illius quasi laminæ ferreæ. |
| [No book] |
[14]Ipse est principium viarum Dei: qui fecit eum applicabit gladium ejus. |
| [No book] |
[15]Huic montes herbas ferunt: omnes bestiæ agri ludent ibi. |
| [No book] |
[16]Sub umbra dormit, in secreto calami et in locis humentibus. |
| [No book] |
[17]Protegunt umbræ umbram ejus: circumdabunt eum salices torrentis. |
| [No book] |
[18]Ecce absorbebit fluvium, et non mirabitur, et habet fiduciam quod influat Jordanis in os ejus. |
| [No book] |
[19]In oculis ejus quasi hamo capiet eum, et in sudibus perforabit nares ejus. |
| [No book] |
[20]An extrahere poteris leviathan hamo, et fune ligabis linguam ejus? |
| [No book] |
[21]Numquid pones circulum in naribus ejus, aut armilla perforabis maxillam ejus? |
| [No book] |
[22]Numquid multiplicabit ad te preces, aut loquetur tibi mollia? |
| [No book] |
[23]Numquid feriet tecum pactum, et accipies eum servum sempiternum? |
| [No book] |
[24]Numquid illudes ei quasi avi, aut ligabis eum ancillis tuis? |
| [No book] |
[25]Concident eum amici? divident illum negotiatores? |
| [No book] |
[26]Numquid implebis sagenas pelle ejus, et gurgustium piscium capite illius? |
| [No book] |
[27]Pone super eum manum tuam: memento belli, nec ultra addas loqui. |
| [No book] |
[28]Ecce spes ejus frustrabitur eum, et videntibus cunctis præcipitabitur. |